أخر اخبار تسليمات Gen2 2008 و الإنطباعات و أخر معلومات

**sindbadffff** · 14-03-2008 12:54 AM

يا جماعة الى عندوا اى معلومات ان تسليم 2008 و اى معلومات يا ريت يفيدنا

انا طلعوا عينى و معلوماتى ان السيارة دخلت المخازن فى الصحراوى انبارح الأربعاء باليل و لا يوجد توزيع إلا من يوم الأحد 2008 اوتماتيك
و لا يوجد سيارة واحدة فى اى من الفروع او حكاية انه لازم تتفحص فى الصيانة اولا يومين

و كمان انا سمعت انه يوجد لون احمر جديد و ده اخباره ايه

حد عارف غير كده او شاف غير كده

كمان انا ان سألتهم هل الموتور iAFM لم يعرفوا و شكله هو القديم بس لعبين فى ناقل الحركة

طيب حد عنده فكرة عن ـامين السيارات مع بيت التأمين المصرى الصعيدى لأنه يقال انه تكافلى و إسلامى و هو الوحيد بمصر

**meramor81** · 14-03-2008 01:48 AM

فعلا كلامك هايتم عرض العربيه الاحد إن شاء الله وهايكون الاتوماتيك بس المانيوال لسه قدامه شهر وينزل ومعلوماتى ان العربيه هى هى 2007 باختلاف بسيط فى المحرك
وتقفيل افضل من 2007 إن شاء الله خير

**sindbadffff** · 16-03-2008 08:17 PM

سلامو عليكم يا جماعة لو حد عنده فكرة عن الاسئلة ده يفيدنا ربنا يبارك لكم

هل موديلات 2008 بها الأتى:

- الألوان يقال ان المعظم نحاسى ( برتقالى فى نظرى) و هناك لوم احمر جديد و بيقية الأوان هما يدوبك 10 -20 عربية فقط
- التابلوة زى ما هو من غير درج ؟
- ايه حكاية الزرار الأخضر الى فى نص الدريكسيون
- حكاية الشنطة الى بتحت من جنب السواق و ما لها مفتلح و لازم تتفتح من الداخل
- هلى بها Mp3 بلاير
- الموتور هلى هو به تغير فى نقل الحركة فعلا اة هما فعلا مركبيى المواتير الجديدة Iafm
- هل الفرش لونين بيج او اسود و انا ممكن اختار بينهم ؟

و شكرا لحضراتكم

**fahd_628** · 16-03-2008 11:44 PM

اية يا جماعة محدش استلم ؟

**Hassan Khalil** · 17-03-2008 12:07 AM

النهارده ( الاحد ) انا كنت في كارفور البوابات و قلت اعدي علي عز العرب ..
قابلت الناس هناك .. و كان فيه ا/ محسن صالح .. هو اللي اتكلم معايا علي ال gen2
قاللي العربية هي هي ..مفيش اي تغيير ..
السعر هو هو ..
دخلت الباركينج بتاعهم ..( ورا المعرض ) وراني النحاسي ( البرتقالي ) و بصراحة لون مميز و حلو اوي .. و قاللي هو ده المتاح بس للتسليم الفوري ( اي بدون حجز ) و اذا كنت عايز احجز دلوقتي بالف جنيه و التسليم في حدود اسبوعين تقريبا ..
و قاللي ان فيه عربيات بتتسلم الايام دي ..
اللون الاحمر ..كان فيه عربيتين هناك .. حلو جدا .. و لكنه احمر اوي .. مش عارف اوصفه ازاي !!! احمر جدا ..يمكن بناتي شوية .. او ولادي اذا فيمت الازاز و ركبت جنوط بيلمع .. ساعتها حيكون ممتاز .
و انا خارج من الشركة علي ادان العشاء .. 7:15 تقريبا . كان فيه 3 تريللات داخلة و محملة 24 عربية .. ميزت فيهم حوالي 3 عربيات سبورت رمادي و اسود .. و كان فيهم احمر و رمادي و اسود و نحاسي و سلفر .. الازرق ممكن كان فيه بس بصراحة الدنيا كانت ضلمة و مميزتش اللون اوي ..
و بالتوفيق لكل اصحاب السيارة
و الف مبروك لملاكها الجدد

**sindbadffff** · 17-03-2008 11:37 AM

ايه رأيك النحاسة )البرتقالى ) احلى و لا الأحمر الجديد و لا الفضى و لا الرمادى

بص حقيقى شكرا على المعلومات القيمة ده

**Hassan Khalil** · 17-03-2008 04:13 PM

المشاركة الأصلية كتبت بواسطة sindbadffff

ايه رأيك النحاسة )البرتقالى ) احلى و لا الأحمر الجديد و لا الفضى و لا الرمادى

بص حقيقى شكرا على المعلومات القيمة ده

الشكر لله عز وجل

رأيي الشخصي ..
اذا كنت شاب روش و كده .. النحاسي ظريف جدا ..و مميز
اما اذا كنت عجوز زي حالاتي و عايش دور الوقار .. فالرمادي ممتاز ..
الاحمر انا اتكلمت عليه قبل كده و الفضي و الاسود مش عاجبني ( انا بحب الاسود جدا ..بس هو مصغر العربية و بيجرب بسرعة ..)

**sindbadffff** · 17-03-2008 04:54 PM

المشاركة الأصلية كتبت بواسطة Hassan Khalil

الشكر لله عز وجل

رأيي الشخصي ..
اذا كنت شاب روش و كده .. النحاسي ظريف جدا ..و مميز
اما اذا كنت عجوز زي حالاتي و عايش دور الوقار .. فالرمادي ممتاز ..
الاحمر انا اتكلمت عليه قبل كده و الفضي و الاسود مش عاجبني ( انا بحب الاسود جدا ..بس هو مصغر العربية و بيجرب بسرعة ..)

شكرا استاذ حسن

بس انته قولت قبل كده ايه على الأحمر يريت نسمع رأيك تانى و بعدين انا اقصد الأحمر الجديد بتاع 2008

و شكرا

**tutankhamoun** · 17-03-2008 08:28 PM

أنا كان عندي عربيتين لونهم أحمر قبل ذلك
وواحدة منهم نفس اللون الاحمر اللي نازل على الجين 2 بالظبط و الصور اللي أرفقها الأستاذ مزاجنجي في موضوعه عن الجين 2 فكرتني بالعربية الحمرا اللي كانت معايا من حوالي 4 سنوات
و على فكرة لون جميل جدا جدا
و لكن الألوان دي أذواق ......... و ربنا يبارك للملاك الجداد للعربية و ألف مبروك مقدما ......... و إن شاء الله تستلموا على خير