-
لمبه زيت البيتلز
السلام عليكم يا بيتلزاويه
و كل سنه و انتوا طيبين
لمبه الزيت ساعات بتنور عندى كده لمده ثانيتين او تلاته و بعدين تطفى
بس ده مش دايما
مش عارف ليه
ممكن تنور لما ادوس فرامل جامد شويه بس مش دايما برضه
ممكن تنور لو فى ملف و واخده بسرعه شويه
بس برضه مش دايما
ده يا ترى سببه ايه ؟؟
ممكن عشان محتاج اغير زيت ولا ايه
هو انا بحط زيت شمبر كده كده عشان الموتور الشمبر بتاعه تعبان شويه
ف ايه السبب كده ؟!
-
كل سنه وانت طيب
بما ان الموتور عايز شنبر يعنى العربيه بتحرق الزيت من داخل الغرف ( بتاكل زيت ) يعنى المفروض حضرتك تزود زيت كل فترة وتابع مستواه دايما
اما اللمبه دا معناه ان ضغط الزيت بيقل لما تنور وده برده مرجوعه ان الزيت مش كفايه يعنى عايز يزود ممكن نص او كيلو حسب المقاس
-
الف الف الف شكر يا زعيم
و كل سنه وانت بالصحه والسلامه
يعنى الموضوع نقص زيت بس
مش تلف فى الموتور ولا حاجه ؟؟
-
الموتور يبقى فى حاجه لو اللمبه بتنور وانتى ماشى فى ملفات او عدل يعنى كده الموتور
اما فى الملفات او المطالع يعنى انتى بتميل بالعربيه وبالتالى ضغط الزيت بيقل تقوم اللمبه تنور
انا ركبت حساس ضغط الزيت علشان كده
-
تمام اوى كده
اصل انا خفت بصراحه ان الموتور يبقى فيه حاجه
ده الحج لسه جايبه من سنه
و حالته حلوه
بس هو الشمبر يتعمل و يبقى الكبس تمام
ههههههههه
الميكانيكى مكنش مصدق انى بجيب ب ال 1200
140 150
بس الف الف شكر يا زعيم طمنتنى والله الله يكرمك
و ربنا معاك ان شاء الله فى العربيه و تخلص زى ما انت عايز
سؤال تانى بقى انتهازى انا
ههههههههههههه
ماتعرفش الشمبر ده ممكن يعمله فى حدود كام
و هل بيتعمل لوحده كده بس ولا بيتعمل معاه شغل تانى ؟!
-
بص انا ماعرفش السعر بالظبط بس احلى حاجه فى الفولكس انك ممكن تعمل جنب او جنب
يعنى العربيه لو فيها شنبر فى جنب (يمين او شمال ) ممكن يتعمل لواحده بس لازم تسال الميكانيكى الاول
والموضوع فى ساعات يعنى ممكن تبتدى الصبح وباليل تمشى (حسب الميكانيكى) وموجود عند الناس فى التوفيقيه ممكن تسال عليه
-
الف شكر يا زعيم
انا كده كده نازل بكره ان شاء الله اعمل ماستر الفرامل عشان شكله ضرب
بقى بيهرب و شويه فى فرامل و شويه لا
ف و انان عنده هاشوف ايه النظام و لو كده اعمله بالمره
و الف الف الف شكر
تحياتى
-
فعلاً كلام الأخ mmoneim سليم
تكلفة الشمبر من 500 إلى 700 حسب الميكانيكى و المصنعية
و ممكن تعمل الشمبر بس لو ميكانيكى أمين و بيفهم و ده هايحكم عليه لما يسمع صوت الماتور قبل ما ينزله لأن لو فيه خبط أو ترزيع يبقى سبيكة ماتور أو كرانك لا قدر الله.
و العربية سحبها بيزيد لما الشمبر بيبوظ لكن العزم بيقل و بتاكل زيت كتير
و ربنا يسترها معاك و معانا
-
تمام يا بيتلزاويه
انا رحت غيرت زيت و اللمبه مبقتش بتنور
و الحمدلله كمان الماستر طلع سليم
الفرده اللى ورا شمال هى اللى كانت ضاربه زيت و بتهرب و تم تغيير جلبتين
و غيرت زيت فيسكو ngv
وريحته حلوه اوى
بس انا اول مره اشوف زيت ازرق
ههههههههههه
بس الزيت لغايه دلوقتى طبعا كويس و مريح الموتور برضه مع زيت الشمبر
و كمان مع الجرى ريحته بتظهر و بتبقى لذيذه
تحس انك عايز تاخد شفته من الجركن
هههههه
و سالته على الشمبر قاللى 300 جنيه
و ياخد يوم او 2
انا قولت انقلكوا اللى حصل عشان لو حد متابع يبقى عرف الموضوع كامل
تحياتى
-
عايز حد يقولى العربيه دى تعملها كام دلوقتى عشان انا عايز اشترى واحده و ايه اكتر عيوبها و ايه مشاكلها اللى صعبه فى تصليحها مع انى عارف ان العربيه جميله و بسيطه اوى و هل قطع غيارها متوفره و لا لأ و غاليه ولا لأ
-
بص يا كبير هى بتلعب فى رانج ال 15 16 الف و فى اقل
بس بيتوقف على حاله العربيه اولا و اخيرا و بعدين الموديل
و اهم حاجه تكون حاله العربيه سليمه حتى لو موديل سنه 30 بس حالتها نضيفه يبقى تمام
لان لو العربيه اساسيات وحشه يبقى شكرا كده و مش هاتستمتع بيها
و قطع غيارها موجوده و اسعارها معقوله و كويسه
مش رخيصه للدرجه و لا غاليه نار
بالنسبه للعيوب
اول حاجه التكيف غير كده انا مش شايف فيها عيوب
ال عربيتى انا شخصيا عشان حالتها تعبانه شويه
غير كده اى حاجه بتعملها فى العربيه بتديها رسمه تانيه
و ربنا معاك و تلاقى عربيه حلوه
-
سؤال رفيع :
احسن موديل فيها كام ؟
وهل فيها مكيف بارد اصلا وممكن يشتغل والعربية ماتسخنش؟
و...بس
-
موديل 1303 فى الراحه و الرفاهيه و العفشه
1300 فى الاستحمال
و فى منها بينزل مكييف
و فى منها مواتير انجكشن
بس دى مش موجوده هنا فى مصر على ما اعتقد
و اللى بتنزل بتكييف بتبقى انجكشن
-
على فكره مش شرط ان العربيه تكون انجكشن علشان تبقى مكيف هو بس المطلوب الموتور يكون فى حاله جيده ولو كان 1600 يبقى افضل وبره بيركبوا التكييف حتى على العربيه موديل الخمسينات بس طبعا الموتور يبقى 100 100 وممكن تشوف
YouTube - Vintage Speed Taiwan's Air Condition Bracket and Parts For VW Beetle Big A/C kit
-
انا قصدى انها نازله كده مش متركبلها
و بعدين الموتور ده بص عامل ازاى يعنى يركبوا فيه اللى هما عايزينه
و بعدين برا مش زى هنا
-
دا موتور 1200 عادى كل اللى متغير كاربرتير وطلمبه بنزين مش كبيره يعنى وممكن تتعمل هنا بسهوله
-
بجد ده 1200 ؟؟؟؟
ده على كده الموتور عندى مش موتور
كنت عايز اسالك سؤال بقى فى ال 1303
العفشه بتاعتها ايه نظامها و تتكلف كام ؟؟
عشان قدامى واحده 1303 بس عايزه حاجات فى العفشه و رشه حلوه
ف لو تقدر تفدنى فى الموضوع ده
-
بص يا كبير
العفشه بتاعت 303 غاليه شويه يعنى العلبه ب 1000 والمساعدين ب 500 وعندك بيض مثلث لو عفشه طويله وبارات علبه دريكسيون وباره ثابته
شوف انتى محتاج ايه وانا ادلك ان شاء الله
-
الف الف شكر يا زعيم ... و اى حاجه ان شاء الله استعين بمساعدتك
بس اخلص فى العربيه ان شاء الله
Content Relevant URLs by
vBSEO 3.6.0 PL2