لمبه زيت البيتلز

**beetleMOSH** · 12-09-2010 07:07 AM

السلام عليكم يا بيتلزاويه
و كل سنه و انتوا طيبين

لمبه الزيت ساعات بتنور عندى كده لمده ثانيتين او تلاته و بعدين تطفى
بس ده مش دايما
مش عارف ليه
ممكن تنور لما ادوس فرامل جامد شويه بس مش دايما برضه
ممكن تنور لو فى ملف و واخده بسرعه شويه
بس برضه مش دايما
ده يا ترى سببه ايه ؟؟
ممكن عشان محتاج اغير زيت ولا ايه
هو انا بحط زيت شمبر كده كده عشان الموتور الشمبر بتاعه تعبان شويه
ف ايه السبب كده ؟!

**mmoneim** · 13-09-2010 10:20 AM

كل سنه وانت طيب
بما ان الموتور عايز شنبر يعنى العربيه بتحرق الزيت من داخل الغرف ( بتاكل زيت ) يعنى المفروض حضرتك تزود زيت كل فترة وتابع مستواه دايما
اما اللمبه دا معناه ان ضغط الزيت بيقل لما تنور وده برده مرجوعه ان الزيت مش كفايه يعنى عايز يزود ممكن نص او كيلو حسب المقاس

**beetleMOSH** · 15-09-2010 12:16 PM

الف الف الف شكر يا زعيم
و كل سنه وانت بالصحه والسلامه
يعنى الموضوع نقص زيت بس
مش تلف فى الموتور ولا حاجه ؟؟

**mmoneim** · 15-09-2010 12:36 PM

الموتور يبقى فى حاجه لو اللمبه بتنور وانتى ماشى فى ملفات او عدل يعنى كده الموتور
اما فى الملفات او المطالع يعنى انتى بتميل بالعربيه وبالتالى ضغط الزيت بيقل تقوم اللمبه تنور
انا ركبت حساس ضغط الزيت علشان كده

**beetleMOSH** · 15-09-2010 03:32 PM

تمام اوى كده
اصل انا خفت بصراحه ان الموتور يبقى فيه حاجه
ده الحج لسه جايبه من سنه
و حالته حلوه
بس هو الشمبر يتعمل و يبقى الكبس تمام
ههههههههه
الميكانيكى مكنش مصدق انى بجيب ب ال 1200

140 150
بس الف الف شكر يا زعيم طمنتنى والله الله يكرمك
و ربنا معاك ان شاء الله فى العربيه و تخلص زى ما انت عايز

سؤال تانى بقى انتهازى انا
ههههههههههههه

ماتعرفش الشمبر ده ممكن يعمله فى حدود كام
و هل بيتعمل لوحده كده بس ولا بيتعمل معاه شغل تانى ؟!

**mmoneim** · 15-09-2010 03:55 PM

بص انا ماعرفش السعر بالظبط بس احلى حاجه فى الفولكس انك ممكن تعمل جنب او جنب
يعنى العربيه لو فيها شنبر فى جنب (يمين او شمال ) ممكن يتعمل لواحده بس لازم تسال الميكانيكى الاول
والموضوع فى ساعات يعنى ممكن تبتدى الصبح وباليل تمشى (حسب الميكانيكى) وموجود عند الناس فى التوفيقيه ممكن تسال عليه

**beetleMOSH** · 18-09-2010 02:07 AM

الف شكر يا زعيم
انا كده كده نازل بكره ان شاء الله اعمل ماستر الفرامل عشان شكله ضرب

بقى بيهرب و شويه فى فرامل و شويه لا
ف و انان عنده هاشوف ايه النظام و لو كده اعمله بالمره

و الف الف الف شكر
تحياتى

**ahit** · 18-09-2010 03:57 AM

فعلاً كلام الأخ mmoneim سليم
تكلفة الشمبر من 500 إلى 700 حسب الميكانيكى و المصنعية
و ممكن تعمل الشمبر بس لو ميكانيكى أمين و بيفهم و ده هايحكم عليه لما يسمع صوت الماتور قبل ما ينزله لأن لو فيه خبط أو ترزيع يبقى سبيكة ماتور أو كرانك لا قدر الله.
و العربية سحبها بيزيد لما الشمبر بيبوظ لكن العزم بيقل و بتاكل زيت كتير
و ربنا يسترها معاك و معانا

**beetleMOSH** · 19-09-2010 11:23 AM

تمام يا بيتلزاويه
انا رحت غيرت زيت و اللمبه مبقتش بتنور
و الحمدلله كمان الماستر طلع سليم
الفرده اللى ورا شمال هى اللى كانت ضاربه زيت و بتهرب و تم تغيير جلبتين

و غيرت زيت فيسكو ngv
وريحته حلوه اوى
بس انا اول مره اشوف زيت ازرق
ههههههههههه
بس الزيت لغايه دلوقتى طبعا كويس و مريح الموتور برضه مع زيت الشمبر
و كمان مع الجرى ريحته بتظهر و بتبقى لذيذه
تحس انك عايز تاخد شفته من الجركن
هههههه

و سالته على الشمبر قاللى 300 جنيه
و ياخد يوم او 2
انا قولت انقلكوا اللى حصل عشان لو حد متابع يبقى عرف الموضوع كامل

تحياتى

**Ali_mehrem** · 20-09-2010 03:23 PM

عايز حد يقولى العربيه دى تعملها كام دلوقتى عشان انا عايز اشترى واحده و ايه اكتر عيوبها و ايه مشاكلها اللى صعبه فى تصليحها مع انى عارف ان العربيه جميله و بسيطه اوى و هل قطع غيارها متوفره و لا لأ و غاليه ولا لأ

الموضوع: لمبه زيت البيتلز

LinkBack

أدوات الموضوع

عرض

لمبه زيت البيتلز - انشر الموضوع فى :

-

-

-

-

-

-

-

-

المواضيع المتشابهه

للخبراء فى البيتلز( تعديل البيتلز)

يا رجالة البيتلز هى البيتلز ادفع فيها 20 الف جنية

البيتلز

لمبه فى التابلوة بجوار لمبه الحزام نورت

لمبه الn بتنور وتطفى مع لمبه الd

الكلمات الدلالية لهذا الموضوع

المفضلات

المفضلات

ضوابط المشاركة