المشاركة الأصلية كتبت بواسطة foxoo7
السلام عليكم
أنا يا جماعة نفسي أفهم انتو بترددوا الكلام السياسي ده ليه؟ ولصالح مين؟
بقالنا 50 سنة فى مشكلة فى البلد واحنا عمالين نطلع البابا مع شيخ الأزهر يقول
كله شيء تمام..والدنيا فى السليم
أنا وانتم وكلنا عارفين ان الدنيا مش فى السليم
أنا عايش جمب كنيسة وتعاملي مع المسيحين بشكل شبه يومي ده غير
التعامل معاهم فى كل حتة فى البلد.
الحقيقة إن فى احتقان شديد بين الطرفين..
المسيحيين، لانهم أساسا مش بيعترفوا بالاسلام كديانة
والمسلمين، لان الجهل أصبح الوضع السائد عندهم فى القضية دي
"أي مسيحي يبقى عدو وخلاص"
بالنسبة للمسيحيين الاسلام ده "دين الشيطان" لسبب بسيط ان المسيح قال فى الانجيل:
"سيأتي بعدي أنبياء كذبة"
اسأل أي حد مسيحي فى الشارع هيقولك الكلام ده وأعتقد مش جديد.
بالنسبة للمسلمين: من أركان الايمان عندهم الايمان بالنصرانية وبالسيد المسيح عليه السلام إجمالا (وده اللى المسيحين مش مصدقينه وفاكرين المسلمين بيضحكوا عليهم بالكلام ده!)
مع القول بالتحريف والتبديل فى الديانة، وده اللى مش ممكن هيقبلوا المسيحيين أبدا!
يبقى الحل ايه؟
مفيش حل!
اللى بيتقال من الجانبين احنا اخوات والوحدة الوطنية والكلام الجميل ده (زي فيلم حسن ومرقص كده!) من برا، انما كل واحد عارف التاني في قلبه ومعتقده ايه.
وأخيرا، يقول الله عز وجل:
"ولن ترضى عنك اليهود ولا النصارى حتى تتبع ملتهم"
لو كان شيخ الأهر والأنبا شنودة بطلوا لقاءاتهم الودية وحولوها لمنتديات وورش عمل مفيدة يحصل فيها
تثقيف وتوعية بالمشكلة دي من الجانبين مكناش وصلنا للى احنا فيه دلوقتى
لان انا من وجهة نظري سبب المشكلة دي كلها الجهل ثم الجهل ثم الجهل!
المفضلات