التنقيط بقى يبقى فيه حاجه بتسرب ودى لازم ليها علاج سريع
وبرده مفيش خساره من غسيل المكنه والتجربه
عرض للطباعة
التنقيط بقى يبقى فيه حاجه بتسرب ودى لازم ليها علاج سريع
وبرده مفيش خساره من غسيل المكنه والتجربه
نشوف رد صاحب الموضوع اية فى الكلام دا
بداية أنا بوجه الشكر لكل من أهتم بالموضوع ده وجزاكم الله كل خير
المهم أنا في البداية شكيت طبعا في النشع أو في الزيوت المتراكمة على جسم الموتور فرحت للمشحمة وغلست العربية جوة وبرة والموتور تمام وجربت لقيت الريحة ماتغيرتش:U_thin1[1]: لكن الغريب في الموضوع إن الريحة بتظهر مع غيارات الفتيس.. إزاي؟؟ يعني لو واخد الرابع وأنا متعود أمشي بيه لغاية 80 مثلا وجيت خففت السرعة وأنا لسة على الرابع لستين مثلا فتبتدي الريحة تظهر .. وهكذا لو الخامس!!!
فاستنتجت بعد جهد إن الموضوع له علاقة بالحريق وعدم اكتماله وده احتمال يكون سبب الريحة الخانقة دي، بس اللي محيرني هو إيه اللي يدخلها جوة العربية ومنين؟؟ حتى لو من الشكمان فالمفروض إنها بفعل دفع الهوا تكون الريحة ورا العربية مش جواها :stink[1]: بس ..
لكن فكرة إني أسد الشكمان وأجرب وأشيك على السوستة هي فكرة جميلة وأنا هجربها وأقولكم النتيجة..
وكل عام وحضراتك بخير :8_8_13:
جرب تطول ديل الشكمان بحيث انه يكون خارج من الاكصدام الخلفى لان هو ده اللى بيدخل الريحة ... ازاى ؟؟؟؟
لان ديل الشكمان لو قصير شوية العادم من دفع الهوا هيدخل فى الاكصدام و يلف معاه و يدخل للشنطة و منها على الصالون و طول ما انت ماشى مش هتلاقى الريحة قوية اوى لان الهوا بيخففها لكن لما بتهدى بالعربية او سرعتك تقل شوية اندفاع الهوا اللى بيشتت الريحة بيقل و بالتالى انت بتشم الريحة دى اكتر لما تهدى و هتحس انه بنزين غير كامل الاحتراق نئ يعنى
و ابقى ادعيلى
راجع على جوايط فرن الشكمان
MMamdouh
الحمد لله.. انتهت المشكلة
فعلا ديل الشكمان قصير لأن الحلية اتسرقت من فترة ومافكرتش أشتري غيرها وطلعت هي سبب دفع العادم داخل العربية من خلال الشنطة..
بارك الله فيكم جميعا وجزاكم خيرا على ردودكم وأخص بالشكر المهندس namla
الحمد للة ان المشكلة انحلت . بس طبعا انت كنت عارف ان الحلية اتسرقت او وقعت و مذكرتش دا فى شكوتك كانت اول حاجة هتيجى على بالنا نقولها لان صح لو الديل مش موجود بيبقى اخر الماسورة مش معدى الاكصدام و مع الهوا بيطلع فوق و يلف تحت الاكصدام و فى اللى بيروح و فى اللى بيدخل الشنطة و منها للكابينة . عموما مبروك عليك و دايما تذكر ان اى تفصيلة حتى لو كانت صغيرة ممكن يكون لها رد فعل و اجابة مختلفة .
صدقت أخي كريم.. ولكن لأنها حلية لم أعتقد أن لها فائدة أخرى سوى المنظر الجمالي ولهذا لم أذكرها ولكن معك حق فيما قلت .. وشكر على مرورك :E_braces[1]:
معلش الكلام دة مش منطقى لان كل اللانوس الهاف اوبشن بتنزل من غير الحلية دى... هل كا اللانوس الهاف فيها مشكلة ريحة العادم دى؟؟...
كمان الحلية مش بتزود طول الماسورة اكتر من 1 سنتى على الاكثر... يبقى ازاى حتعمل فرق؟
اضافة لكدة سريان الهوا حيدفع بالعادم للخلف مش لفوق و بالتالى يتسرب من الشنطة... الا اذا كان طول الماسورة عندك 5 سنتى و العادم بيطلع تحت العربية مش وراها
MMamdouh