للأهمية.. رائحة زيت محروق داخل السيارة

**maged_man** · 12-09-2010 12:00 PM

استشارة هامة من خبراء الدايو بالمنتدى
دائما وأنا على الطريق السريع والشباك مفتوح أشم رائحة زيت محروق قوية داخل السيارة مع العلم أنني فحصت مستوى كل الزيوت في السيارة ولم أجد نقص فيها، وقد لاحظت أن هذه الرائحة تظهر عندما يكون الشباك مفتوح وعند غلقه تختفي؟ فما مصدر هذه الرائحة الخانقة؟؟؟؟؟؟؟

**karimfahmy99** · 12-09-2010 12:34 PM

هل لما بتبيت العربية للصبح فى اى تسريب زيت تحت العربية ؟؟؟ هل راقبت الموضوع دا ؟؟

**maged_man** · 12-09-2010 02:01 PM

أيوة مافيش أي تسريب تحتها ولا من علب الزيوت أو الخراطيم.. أنا شاكك إنها ريحة عادم لأن الشباك لما بيتقفل الريحة بتختفي لكن اللي مجنني هو إزاي العادم يدخل العربية وأنا ماشي بسرعة!!! حاجة تحير فعلا؟؟؟
وشكرا على اهتمامك

**M.Zaher** · 12-09-2010 02:27 PM

جرب تغير الزيت اللى حاطه في العربيه

**karimfahmy99** · 12-09-2010 08:08 PM

المشاركة الأصلية كتبت بواسطة m.zaher

جرب تغير الزيت اللى حاطه في العربيه

+1

عامل كام الف بالزيت و نوعة اية ؟

فى حاجة ممكن تجربها برضة . دور العربية على السلانسية و غطى فتحة الشكمان كويس بفوطة و امسك كويس متخليهاش تنفس منك . المفترض ان العربية هتبطل لو بطلت يبقى الشكمان تمام

**samirayad** · 12-09-2010 09:30 PM

أكشف على الشكمان وخصوصا الوصله السوسته (قد تكون بحاجه للتغيير )

وبالمره راجع على رباط الفرن على المكنه

**karimfahmy99** · 13-09-2010 06:39 AM

المشاركة الأصلية كتبت بواسطة karimfahmy99

+1

عامل كام الف بالزيت و نوعة اية ؟

فى حاجة ممكن تجربها برضة . دور العربية على السلانسية و غطى فتحة الشكمان كويس بفوطة و امسك كويس متخليهاش تنفس منك . المفترض ان العربية هتبطل لو بطلت يبقى الشكمان تمام

المشاركة الأصلية كتبت بواسطة samirayad

أكشف على الشكمان وخصوصا الوصله السوسته (قد تكون بحاجه للتغيير )

وبالمره راجع على رباط الفرن على المكنه

تمام زى ما وضحت . اعمل التجربة اللى قلت عليها لمعرفة اذا كان فى تنفيس و لا مفيش . طبعا زى ما قلت لو العربية بطلت يبقى تمام و لو مبطلتش او خدت وقت طويل يبقى فى تنفيس و لازم حد معاك يبص التنفيس جاى منين

الاخ الفاضل الاستاذ سمير

ارجو من سيادتكم متابعة الردود و التعقيب عليها او الاقتباس او التعليق عليها بالايجاب او النفى للحل المذكور و ذلك لتشجيع الاعضاء على الرد و زيادة الخبرة و هو ما اتبعة فى اشرافى لموقع اخر . ارجو المعذرة لتدخلى و لك مطلق الحرية بدون تطفل منى . كل عام و سيادتكم بخير و نورت المنتدى تانى

**عصام غنايم** · 13-09-2010 06:59 AM

بالاضافه الى ما سبق

اغسل المكنه غسله كويسه اوى لو عليها نشع زيت هيعمل الريحه دى لما تسخن

**عصام غنايم** · 13-09-2010 07:10 AM

صباحك جميل

النشع غير التنقيط

النشع ده امر طبيعى فى كل المواتير تلاقى حوالين الجوانات نشع خفيف اوى بس مع الوقت بيتراكم ويلم تراب ويبدأ يعمل ريحه

طبعاٌ كل ده فى حالة الناس اللى ما بغسلش المكنه من وقت الى التانى