ياترى ايه الفرق بين الجولف 5 والجولف 6

كل سنة وانتم طيبين و عيد سعيد عليكم وعلى جميع المسلمين

انا كان معايا تحفة اسمها جولف 4
http://i53.tinypic.com/2946i5f.jpg

وبعد ارتباط دام سنتين ونصف وبعد بكاء مرير , بعتها املا فى توفيق الله لى لشراء جولف 5

المهم فى رحلة البحث عن ميزات الجولف 5 فى مشاركات الاخوة الاعضاء بهذا المنتدى زادت ثقتى بالسيارة ولكن !!! الجولف 6 اااااااااااااااااااااه عليها بجد مقدرش اخفى اعجابى الشديد بهذه السيارة الاسطورية وكنت عاوز اعمل مقارنة بينها وبين الجولف 5 على الاقل فى الشكل

الجولف 5
http://i52.tinypic.com/17d8io.jpg

http://i52.tinypic.com/21maxjk.jpg
http://i52.tinypic.com/15ga62x.jpg

الجولف 6
http://i56.tinypic.com/2ufspsh.jpg
http://i56.tinypic.com/2wdxauh.jpg
http://i53.tinypic.com/20ftd38.jpg


تقريبا هما نفس الشاسيه و قاعدة العجلات ونفس تقسيمة الابواب والزجاج الجانبى

مستنى منكم الاضافة وياريت لو حد معاه الجولف 6 بعد الجولف 5 مايحرمناش من مشاركته

السلام عليكم ورحمة الله وبركاته
كل سنة وانت طيب بمناسبة السنة الهجرية الجديدة الجمعة 11 محرم 1432
اولا انت جيت على الجرح بتاع الجولف والحيرة الكبيرة والتعب النفسى بالصور السابقة طبعا جميلة اخر حاجة
وثانيا انت عملت ايه فى الفترة السابقة جبت ايه ول لسه
و معلش القسم كسول شويه فى الردود بالذات فى الجولف لانها مش كتير هنا
وانا معاك فى نفس شعورك بما سيحدث لانى بفكر جديآ فى عملية البيع الجولف 3 وبعدها الدخول فى الدوامة
الحيرة بين المستعمل الحولف طبعآ بدايه من ال 4 و5 واما ال6 زيرو او الفانتازيا بردو عجبانى او ى ايه رأيك
واعذرنى دوشتك وطولت عليك
معلش مغرم بالجولف وولهان اعمل ايه ربنا يسترها

السلام عليكم أنا جربت الاتنين و الإتنين ما شاء الله تحفة بس الجولف 6 من جوه أحلى وثبات وعزل أحسن أما من برة دي مسألة أذواق بس أنا شايف ال 6 أحلى وده مقطع مقارنة بين الإتنين [youtube]http://www.youtube.com/watch?v=kxtcVek7Ees[/youtube]

وده فيديو من برنامج 5th gear للجولف 6 أتمنى أكون أفدتكم إن شاء الله [youtube]http://www.youtube.com/watch?v=5fximoEOhL4[/youtube]

انا مقتنع ان جولف 6 احسن من ال 5 بس انا بصراحة مقتنع جدا جدا بالجولف 5 ولو معايا اجيب واحده منهم هاجيب ال 5

اقتباس:

---

المشاركة الأصلية كتبت بواسطة M.Nasr

انا مقتنع ان جولف 6 احسن من ال 5 بس انا بصراحة مقتنع جدا جدا بالجولف 5 ولو معايا اجيب واحده منهم هاجيب ال 5

---

هي مسألة أذواق والجولف 5 عربية لغبار عليها , بس أنا نفسي أعرف ليه في كل الموقع واخدة تقيم أعلى من الجيتا بكتير مع إني حاسس إن مفيش فرق بينهم خالص , يعني مثلا موقع top gear مدي الجولف 14 من 20 وكاتب فيها مدح , أما الجيتا واخدة 9 من 20 و واصف العربية إنها box of shoes !!!!!!!!!!!!!

أنا عندي جولف2 1990
وشايف إن أجمل جولف في الشكل هي جولف4

الجولف عربية جميله بصراحه و اعتقد انها احسن حاجه بسعرها يعني لو ميفرقش مع الي هيركب انها هاتش باك

مشكلتها ( 1.4 tsi ) البنزين ال 95 مش متوفر عندي و كمان بصراحه موضوع مشاكل الفتيس الي بدأت تنتشر دي

انا مبسوط جدا لمشاركات الاعضاء بس كنت عاوز اسأل حد مجرب الجولف 5 يقولى اخبار العفشة - الثبات - العزل - الخامات من جوه اخبارهم ايه؟
انا بحب اركب العربية واقفل الزجاج كله المهم عندى مسمعش لا طقة ولا زنة ولا ونة

أنا معايا جولف ٥ و عاملة دلوقتي ٥٢٠٠٠ كم .... العربية بسم الله ما شاء الله عليها زي الفل ... بس فيها حاجتين كدة لو ممكن تعتبرهم مشاكل ....
أولا : العفش ناشفة قوي غير إنها واطية جدا ( يعني بتحك في المطبات أكتر من civic ) مع العلم إن عربيتي خليجي
ثانيا: سحبها بطيء شوية عشان تقيلة ..و آخرها ١٩٠ عال طريق ...

اقتباس:

---

المشاركة الأصلية كتبت بواسطة bmw3m007

مشكلتها ( 1.4 tsi ) البنزين ال 95 مش متوفر عندي و كمان بصراحه موضوع مشاكل الفتيس الي بدأت تنتشر دي

---

فيه 1.6 و فيه tsi 1.4 الاثنين موجودين

اقتباس:

---

المشاركة الأصلية كتبت بواسطة sa3donn

أنا معايا جولف ٥ و عاملة دلوقتي ٥٢٠٠٠ كم .... العربية بسم الله ما شاء الله عليها زي الفل ... بس فيها حاجتين كدة لو ممكن تعتبرهم مشاكل ....
أولا : العفش ناشفة قوي غير إنها واطية جدا ( يعني بتحك في المطبات أكتر من civic ) مع العلم إن عربيتي خليجي
ثانيا: سحبها بطيء شوية عشان تقيلة ..و آخرها ١٩٠ عال طريق ...

---

ماشاء الله ربنا يبارك لحضرتك فى العربية بصراحة احلى جولف نزلت هى الجولف 5 وبالنسبة لمشكلة السحب بالنسبالى مش مشكلة انا مبحبش الجرى اما بالنسبة للعفشة هل عندك ناشفة لانك مركب جنط كبير مثلا؟؟
وكنت عاوز اسأل حضرتك اخبار الفتيس ايه ؟ مانيوال ولا استيبترونيك ؟ وليه كثير بيشتكو من اعطال الفتيس الاستيبترونيك ؟؟؟؟