ياترى ايه الفرق بين الجولف 5 والجولف 6

**hakeemkimo** · 12-09-2010 04:54 PM

كل سنة وانتم طيبين و عيد سعيد عليكم وعلى جميع المسلمين

انا كان معايا تحفة اسمها جولف 4

وبعد ارتباط دام سنتين ونصف وبعد بكاء مرير , بعتها املا فى توفيق الله لى لشراء جولف 5

المهم فى رحلة البحث عن ميزات الجولف 5 فى مشاركات الاخوة الاعضاء بهذا المنتدى زادت ثقتى بالسيارة ولكن !!! الجولف 6 اااااااااااااااااااااه عليها بجد مقدرش اخفى اعجابى الشديد بهذه السيارة الاسطورية وكنت عاوز اعمل مقارنة بينها وبين الجولف 5 على الاقل فى الشكل

الجولف 5

الجولف 6

تقريبا هما نفس الشاسيه و قاعدة العجلات ونفس تقسيمة الابواب والزجاج الجانبى

مستنى منكم الاضافة وياريت لو حد معاه الجولف 6 بعد الجولف 5 مايحرمناش من مشاركته

**ahmed_gman** · 17-12-2010 04:26 PM

السلام عليكم ورحمة الله وبركاته
كل سنة وانت طيب بمناسبة السنة الهجرية الجديدة الجمعة 11 محرم 1432
اولا انت جيت على الجرح بتاع الجولف والحيرة الكبيرة والتعب النفسى بالصور السابقة طبعا جميلة اخر حاجة
وثانيا انت عملت ايه فى الفترة السابقة جبت ايه ول لسه
و معلش القسم كسول شويه فى الردود بالذات فى الجولف لانها مش كتير هنا
وانا معاك فى نفس شعورك بما سيحدث لانى بفكر جديآ فى عملية البيع الجولف 3 وبعدها الدخول فى الدوامة
الحيرة بين المستعمل الحولف طبعآ بدايه من ال 4 و5 واما ال6 زيرو او الفانتازيا بردو عجبانى او ى ايه رأيك
واعذرنى دوشتك وطولت عليك
معلش مغرم بالجولف وولهان اعمل ايه ربنا يسترها

**a_abulnasr** · 17-12-2010 04:49 PM

السلام عليكم أنا جربت الاتنين و الإتنين ما شاء الله تحفة بس الجولف 6 من جوه أحلى وثبات وعزل أحسن أما من برة دي مسألة أذواق بس أنا شايف ال 6 أحلى وده مقطع مقارنة بين الإتنين [youtube]http://www.youtube.com/watch?v=kxtcVek7Ees[/youtube]

**a_abulnasr** · 17-12-2010 04:53 PM

وده فيديو من برنامج 5th gear للجولف 6 أتمنى أكون أفدتكم إن شاء الله [youtube]http://www.youtube.com/watch?v=5fximoEOhL4[/youtube]

**M.Nasr** · 17-12-2010 05:28 PM

انا مقتنع ان جولف 6 احسن من ال 5 بس انا بصراحة مقتنع جدا جدا بالجولف 5 ولو معايا اجيب واحده منهم هاجيب ال 5

**a_abulnasr** · 17-12-2010 05:46 PM

المشاركة الأصلية كتبت بواسطة M.Nasr

انا مقتنع ان جولف 6 احسن من ال 5 بس انا بصراحة مقتنع جدا جدا بالجولف 5 ولو معايا اجيب واحده منهم هاجيب ال 5

هي مسألة أذواق والجولف 5 عربية لغبار عليها , بس أنا نفسي أعرف ليه في كل الموقع واخدة تقيم أعلى من الجيتا بكتير مع إني حاسس إن مفيش فرق بينهم خالص , يعني مثلا موقع top gear مدي الجولف 14 من 20 وكاتب فيها مدح , أما الجيتا واخدة 9 من 20 و واصف العربية إنها box of shoes !!!!!!!!!!!!!

**ahmed1981** · 17-12-2010 08:46 PM

أنا عندي جولف2 1990
وشايف إن أجمل جولف في الشكل هي جولف4

**bmw3m007** · 30-12-2010 01:22 AM

الجولف عربية جميله بصراحه و اعتقد انها احسن حاجه بسعرها يعني لو ميفرقش مع الي هيركب انها هاتش باك

**bmw3m007** · 30-12-2010 01:24 AM

مشكلتها ( 1.4 tsi ) البنزين ال 95 مش متوفر عندي و كمان بصراحه موضوع مشاكل الفتيس الي بدأت تنتشر دي

**hakeemkimo** · 05-01-2011 10:11 PM

انا مبسوط جدا لمشاركات الاعضاء بس كنت عاوز اسأل حد مجرب الجولف 5 يقولى اخبار العفشة - الثبات - العزل - الخامات من جوه اخبارهم ايه؟
انا بحب اركب العربية واقفل الزجاج كله المهم عندى مسمعش لا طقة ولا زنة ولا ونة

الموضوع: ياترى ايه الفرق بين الجولف 5 والجولف 6

LinkBack

أدوات الموضوع

عرض

-

-

-

-

-

المواضيع المتشابهه

الفرق بين الجولف 6 والشيروكو

ما الفرق بين الجولف 1،2،3.....

طلب من خبراء البولو والجولف

استاذ طارق ياترى ايه الفرق بين الخليجى ضمان الرواس والمصرى ضمان الوكيل

اختبار الامان للاادا والجولف

الكلمات الدلالية لهذا الموضوع

المفضلات

المفضلات

ضوابط المشاركة