كنت ناوى خلاص اجيب ال لوجان البيزك خلاص .... بادور على حد اجيبها منه ...... و قلت مش مهم باور .... ايه يعنى .... كل الناس ماشيه من غير باور من سنين ,,,,, و كمان مش مهم تكييف .... الجو بقى كويس ... و ان شاء الله اول ما ربنا يفتحها على هاروح اركبه ..... بس النهارده و بالصدفة دخلت على موقع الشركه و منها اخترت مصر ...
وهو ده اللينك
Renault - specifications LOGAN SEDAN
عاملين مقارنه بين الثلاثة . لقيتهم منزلين البيزك منها ..... مقلب كبييييييير .... عربية ماتعرفش هم عملوا فيها كده ليه و بينتقموا من مين
اولا المصيبة الكبيرة .... ان " محرك بنزين سعة 1600 سم 3 و 8 صمامات بقوة 90 حصان " مش موجود فيها ,,, هو بس موجود فى FO , HO طب ماتورها ايه ؟؟؟؟ ماهو لو مش موجود ما ينفعش ... هى كده تبقى ايه ؟؟؟؟ اول كلمة في اى عربية هو ماتورها ....
ثانيا : وسادة هوائية للسائق : مش موجوده : ليه ؟؟ باعتبار ان السائق اصلا اللى هيركبها مايستاهلش
ثالثا : ضمان 6 سنوات ضد الصدأ : مش موجود : مش هو نفس الصاج بتاع الموديلين التانيين ولا هو نوع ردىء مالوش ضمان
_ مش مهم مرايا الرؤية الجانبية يمكن التكحم بها كهرباياً و مدفأة ذاتياً ولا مصابيح خاصة للضباب في الأمام زيها زى الهاف
_ برضه انا قلت على الباور مش مشكله و لا التكييف و برضه كومبيوتر الرحلات
رابعا : مافيهاش سنتر .... مع ان معظم العربيات بتبقى بيزك فاضية ومع كده فيها سنتر ... يعنى المفروض اركبلها جنزير ؟؟؟
_ زجاج كهربا .. مش مهم ...
خامسا : مش موجود إضاءة داخلية للصالون
- مش موجود مراءة في شماسة الراكب الأمامي
- مش موجود إضاءة لصندوق التخزين في التابلوه
- مش موجود إضاءة لصندوق الأمتعة
اللى مش قادر افهمه ليه : دول 4 لمبات .... .. هو المفروض لما اجى ادور او افتح الشنطه اجيب كشاف ولا اقف تحت عمود نور ... ولا اجيب ولاعة .... الاحسن اجيب موبايل فيه نور
__ الحاجات الجايه دى مش مهمه ..... كلها شكليات ... حتى اللون الاسود فخم " بكسر الفاء "
الكونصول الوسطي مطلي بلون بيج تروبيك
- - الكونصول الوسطي مطعم بالكروم
- - حلقات من الكروم حول فتحات تهوية التكييف
- تطعيمات من الكروم للتابلوه
- - شريط حماية للعتب الداخلي
- - مخادع الأبواب الداخلية مطلية بلون فضي كرومي
- مقابض الأبواب الداخلية مطلية بالكروم اللامع
- - مقعد السائق يمكن تعديل ارتفاعة و مزود بدعامة للظهر يمكن تعديلها يدوياً
سادسا : مافيش جيوب للتخزين خلف المقاعد الأماميةً ... ليه هيتكلفوا كتيير ؟؟؟؟؟؟ .... دى حتة جلده متخيطه ب 40 سم خيط فى ظهر الكرسى الامامى
سابعا : وده مش عارف افهمه ليه ... وانا كنت باتريق على بتوع الفيرنا انهم لازم يجنطوا اول ما يشتروا العربية ..... لا اللى معاه بيزك لازم يجنط ... لان مافيش " اطار احتياطي بنفس مقاس الإطار الأصلي " يعنى ايه يعنى لو ركبت الاستبن الصغير ممكن اتقلب .... هما عايزين يخلصوا من مين ... دى عملة يعملوها ؟؟؟؟؟
هو الوكيل شايف ان 60000 مبلغ تافه و اللى رايح يشترى الفاضيىه المفروض ينضرب و هو ماشى
منهم لله .... كده مش هاجيب الفاضيه و مش هاجيب اى عربية تانيه و برضه مش هاجيب الهاف لان تقريبا كل الرجالة هنا قالوا ان الفرق بينها و بين الكاملة يستاهل .... كده ما اداميش الا FO >>>> بس دى هتييجى ازاى ؟؟؟ ربنا يدبرها من عندهان شاء الله
المفضلات