أنا فكرت أعمل الموضوع ده عشان أي حد معاه العربية دي أو كانت معاه ..
يا ريت يشارك برأيه فيها ..
يعني مثلا :
1-موديل سنة كام ؟
2-ايه هي العيوب من وجهة نظرك ؟
3-ايه هي المشاكل الي قابلتك وعالجتها ازاي؟
4-ايه اكتر المميزات انت شايفها في عربيتك ؟
5-ايه اكتر حاجة شدتك في العربية دي عشان تشتريها؟
6- ايه رأيك في التوكيل مريحك ولا لأ ؟
7- ايه رأيك في أسعار قطع الغيار ؟
أرجو المشاركة من الجميع ..
انا عندى جراند بونتو موديل 2007 ايزى ترونيك لونها ازرق زهرى
مميزاتها كتير اوى اهمها شكلها وتميزها فى المكان الموجوده فيه .. وفخامتها وشياكتها الخارجية والداخلية ... وتسارعها العالى على الرغم من انها 1400سى سى 77 حصان وبجد عمرك ما هتحس انها ضعيفة وبجد اسرع من عربيات كتيييييييييره جدا 1600 سى سى لما بشد معاهم منهم الالنترا والسيراتو .. مساحتها كويسة جوه مش ضيقة من قدام وورا ... اعطالها ومشاكلها قليلة جدا الحمد لله ( حتى الان لم يحدث اى مشكلة الحمد لله) ... ممتعه جدا فى القياده واللى ساقها هيفهم الموضوع ده ... توفير خرافى فى البنزين وممكن كمان فى امكانية لعمل توفير اضافى للبنزين عن طريق زرار (ايكونومى درايف) ... صاجها قوى وسميك .. عالية عن الارض ومش بتحك فى المطبات ... عوامل امان عالية 5/5 فى اختبارات الامان الاوروبية ... سوند سيستم رائع ...
بالنسبة للعيوب انك لما بتبقى مركب 5 فى العربية ومشغل التكييف بيقل سحب العربية وبتحس بالموضوع ده فعلا ... قطع غيارها غالية شوية ... صعب صيانتها فى اى مكان لان كل ميكانيكى بيقول انا اول مره اشوف العربية دى ... عفشتها ناشفة شوية بتحس بالمطبات اوى ... مراكز الصيانة مش موجوده فى كل الاماكن على عكس عربيات تانى
يعنى دى الحاجات اللى انا حاسس بيها وبنصح اى حد بيها بجد واللى عنده اى استفسار انا فى الخدمة
اقتباس:
المشاركة الأصلية كتبت بواسطة hazemezzz
تمام السحب طبيعى بيضعف بس العربيه بتموت ؟ و التكيف علمل مع حضرتك ايه ؟و العربيه استهلاكها تقريبا كام ليتر فى الصفيحة؟
ايه يا رجالة المنتدي في جراند بونتو كتير ايه الحكاية ..
متابع
انا مش حقول المزايا عشان هي كتير جدا ذي ماتقال قبل كدة ، انا موديل 2009 والمشاكل اللي كانت عندي قليلة وهي كالتالي:
- صوت في الابواب ودة التوكيل عالجهولي بتركيب لينات للابواب
- الكاسيت عندي كان بيعلق في سحب الاسطوانات وبصراحة التوكيل محترم وغيرهولي في الضمان
- مؤخرا المالتي فنكشن عندي علق هو والكلاكس ولما رحت التوكيل قالو دة عيب في دراع الاشارات وجربو يغيروة مرتين بس الدراعات كانت مش مضبوطة ، فانا مستني وصول الدفعة الجديدة عشان اغيره
مجملا العربية حلوة جدا سحب ممتاز تكييف هايل بس قطع غيار غالية جدا
اقتباس:
المشاركة الأصلية كتبت بواسطة allinone
ياريت االى معاه الجراند اللى هى الأيفو دلوفتى يقولنا باضبط اسعار الصيانات كام اللى اسمع عنه ان الاسعار نار اذا كان هنا فى موضوع عن البونتو الكلاسيك صيانة 10 الاف بحوالى 1300ج امال الباقى كام ولا الايفو كام
ياريت ياجماعة حد يرد بجد بالنسبة لأسعر الصيانات لان دى حاجة مهمة اوى لاتخاذ القرار
اقتباس:
المشاركة الأصلية كتبت بواسطة allinone
انا حاتكلم فى الحاجات العامة علشان الموتور و العفشة و الجنوط و الكاوتش مختلفين
المزايا كتيرة و الحمد لله
شكل جميل-شياكة-سحب-تكييف-ثبات-فرامل-صالون شيك و اخيرا تميز
العيوب :
استهلاك بنزين عالى فى الجرى ( 140 و طالع)
كسل فى السحب فى الجو الحر
لمبة الفرامل العلوية اللى فى الشنطة مافيش كاوتش حواليها و بتدخل مية جوه العربية
الابواب بتعمل صوت فى المطبات
التابلوه بيصفر كأن فيه فار فى العربية و خصوصا لو العربية مركونة مدة فى الشمس و بعد كده مشيت فى المطبات
الابواب لازم تتقفل بشوية عنف
صوت هوا من الباب الشمال بعد سرعة 90 ناتج عن ان الباب نفسه مش متركب كويس و الفروقات بينه و بين الرفرف شكلها عره
التوكيل مارحتش خالص لغاية دلوقتى