ايه العمل يا رجالة الفيات

**darehawk** · 13-09-2010 03:25 AM

حصل معايا موقف سيء للغاية اليوم و انا راجع للبيت طبعا الطريق زحمة جدن مرة واحدة بزود بنزين وانا على الاول العربية مرديتش تزود وبطلت ادور تاني تدور وكل حاجة واجي ازود ثواني وتفصل تاني طبعا كنت في نص الطريق نزلت طبعا زقتها لليمين وساعدني عسكري ونش كان واقف بس هو اعد يحاول بس معرفش يعمل حاجة وبصيت على كل التوصيلان كله تمام وطبعا الوقت متاخر وعيد فقولت اركنها في مكان كويس واجيلها تاني يوم تكون ايه المشكلة معلش طولت جدن بس بجد مش عارف حاجة

**zenger** · 13-09-2010 04:53 AM

طب بص انا اسف هطول عليك بس هقولك كل اللى اعرفة ممكن يعمل المشكلة دى بص يا باشا
1-بك السلانسية فى شوائب او مسدود و ده بتفتح الكبوت و تمسك سلك البوجيه التانى و التالت بايدك كده
و تعكسهم تركب التانى مكان التالت و العكس و تدور و تدوس بنزين شوية بشوية
و تبطل و تدور تانى و تكبس حبة لحد ما تسلك و بعد كده تبطل و تنزل ترجع كل حاجة لمكانها
2- انت اتاكدت ان الموبينة مقطعتش كهربا ولا حاجة
3- ممكن تكون انت نسيت تشيك على الابلتين و الكوندنسر لحد ما قطعوا فهتلاقيها برضو بتبطل و كده
4-اخرا بقى ممكن يكون سلك الاكسراتير قطع منك ولا حاجة و دى علاجها لو عربيتك فيها شفاط بنزين
هتفك العمة عادى و هتلاقى صمولة راكبة فى صباع كده غير الدراع اللى بيبقى راكب فيه السلك تشده على الصمولة اللى جنبية هتلاقى العربية بتزود بنزين لحد ار بى ام 3 مش هتلاقيها بتزود عن كده و تربطه باى حاجة بس علشان ميردش تانى
هى طريقة متعبة و رخمة بس اهو حل يوصلك لاقرب مكان تعرف تتصرف فيه
بس طبعا هتنسى ان فى دواسة بنزين انت بتتعامل مع دبرياج و فرامل و خد بالك انك تمور العربية لو هتاخد ملف ولا حاجة و تبطل لو دخلت فى مكان زحمة
ده على حسب معلوماتى و ياريت تعرفنى طلع العيب ايه و انت عملت ايه بالظبط

**semsem7777** · 13-09-2010 07:27 AM

وممكن برضو يكون رداخ البنزين عمره انتهى وبيفصل في السخونية لانها حصلت معايا قبل كده والميكانيكي ساعتها كب ميه عليه العربيه دارت عادي ورحتله تاني يوم غيرته حيبان الصبح لو العربية دارت عادي يبقى منه

**amro1965** · 13-09-2010 09:22 AM

متابع للاهتمام للوصول للحل انشاء الله

**amrnagy** · 13-09-2010 09:59 AM

ان شاء الله تتحل
راجع علي البوبينة
الابلاتين والكوندنسر
البوجيهات

**darehawk** · 13-09-2010 10:59 PM

شكرا على اهتمامكوا يا جماعة بجد ده منتدى محترم لانه في ناس محترمة زي حضاراتكوا فعلا طلع العيب من الرداخ كان فيه حاجة زي صباع حديد كده اتنحل ف الميكانيكي جاب واحد اطول و خرطه عشان يكون على المقاس الصح وشال ده وحط ده بدل ما يكالفني رداخ جديد والحمد الله النتيجة تمام جدن بس مش عارف هو كده اخد كتير ولا ايه هو اخدت بمصنعيته ومجيته لغاية العربية 40 جنيه بس المسافة من الورشة للعربية مش كبيرة حاجة زي شارعين كده المهم الحمد لله انها اتعملت وخلاص شكرا ليكوا يا جماعة وربنا ما يوقعكوا في موقف زي ده ان شاء الله

**moamen_mo3gza** · 21-09-2010 10:59 PM

لا يا بوب الحمد لله مش كتير ولا حاجه اهى اتصلحت وخلاص هههههه ولا ايه وربنا يستر علينا جميعا

**HOSAMSAMSOON** · 22-09-2010 03:41 AM

[frame="9 10"]
معقول جدا
كمان كويس انة كان قريب من العربية والا كان اخد اكتر
لاكن لو منت وديت العربية عندة كان ممكن يكون ارخص
المهم حمد الله على السلامة واهى عدت

[/frame]