الموضوع: الغلاء .... الى اين؟

كعادتي كل يوم جمعة صباحا انزل لأشتري من الخبز مايكفي اسرتي لكامل الأسبوع (نضع الخبز في الثلاجة ونسحب احتياجنا اليومي منه) ... وفي طريقي الى المخبز الذي اعتدت الشراء منه رأيت توابير الناس الغلابة امام احد المخابز الشعبية وشكرت ربنا على انه جعلني من القادرين على شراء رغيف الخبز الخاص ... واذ بالمفاجأة !!! المخبز الخاص رفع سعر رغيف الخبز ليصبح ب 50 قرش للرغيف ؟؟؟!!!! اصبت بأحباط غير عادي وعدم رضاء عما يحدث ورجعت اجر ازيال الخيبة ابحث عن احد باعة الخبز الجائلين (بيبيعو ال 3 ارغفة ب جنيه)....
الى متى الغلاء اليومي ؟؟؟؟

المشاركة الأصلية كتبت بواسطة ibrahimsaad

للاسف طول مالشعب ساكت هياخذ على قفاه ولن تقف زياده الاسعار عند حد معين لانها اصبحت كالدولار كل يوم فى سعر

ودى للاسف مهزله بكل المقاييس

الحل ان الشعب لازم يفوق ويعمل ثوره زى ثوره 23 يوليو فنحن الان محتلين من قبل شويه لصوص بيتحكموا فى البلد تحت مسمى الاقطاع الجدد

طبعا كل ده مظبوط و لكن 23 يوليو ماكانتش ثورة دى كانت انقلاب عسكرى بحت ليس اكثر و طبعا طول م الناس ساكتة حايحصل اكتر من كده (السبت اللى فات كنت معدى من ادام الفرن و طبعا الطابور لا يوصف و كانت فية خناقة بين اربع ستات تقريبا قطعوا هدوم بعض و الرجالة كانت بتغطيهم )
و البلوة الكبيرة مش العيش اهوه العيش بتستوردله دقيق طيب اللبن بيغلا ليه ؟؟؟؟ و الجبنة بتغلا ليه ؟؟؟ هو احنا دول كمان بنستوردهم ؟؟؟ بصراحة يا جماعة احنا بنتسرق عينى عينك