تركيب شاشات واستقبال قنوات تلفزيونية

**emadmoufid** · 13-09-2010 10:59 AM

عندي عربية تيجو وعايز اركب شاشات بس مش عارف هل فيه انواع معينة من الشاشات هي اللي تمشي مع الكاسيت الكينوود اللي راكب في التيجو الاوتوماتيك؟

وهل توجد طريقة لاستقبال إرسال تلفزيوني بالسيارة أم لا؟

وايه أفضل انواع شاشات ممكن اجيبها؟

**firstknight_eg** · 13-09-2010 02:59 PM

انا عندي الشاشات اللي راكبة شاشات سيمفوني

وبصراحة مش عارف بكام بس هي نازلة مع العربية

الكاسيت اللي راكب فيها كينوود M5110

وده بيشغل فيديو عن طريق ال USB

والحاجة الغريبة ان الكاسيت ليه 2 ريموت

واحد للكاسيت والتاني للفيديو

وانا زودت عليه Bluetooth unit عشان اقدر اشغل الموبايل علي الكاسيت

فا يا ريت تتاكد ان الكاسيت بيقبل فيديو قبل ما تركب السماعات

**said.d.y** · 14-09-2010 02:04 AM

السلام عليكم ورحمة اللة وبركاتة،
انا ركبت للتيجو 2000 اتوماتيك عدد(2) مسند بشاشة سيمفونى من مركز الخدمة بتاع كينود فى شارع احمد عرابى وهى صناعة مصرى وليها ضمان سنة وليها ريموت كنترول والمسند رمادى بس فاتح شوية عن لون العربية الاصلى،والواحدة ثمنها 350جم وبتحتاج تركب وصلة اوديو فيديو بحوالى 220 جم، وهى بتشغل اسطوانات vcdفقط وعملية التركيب بتستغرق حوالى 20-30دقيقة فقط والتركيب مجانى، والشغلانة كلها بتتكلف حوالى 950 جم.
ودة ينفع مع الكاسيت الفى ال2000 اتوماتيك عشان التشرشر ال10 اسطوانات ، بس اعتقد لو عاوز تستقبل قنوات تليفزيون بتحتاج وصلة تانية(دة فى حالة ان الكاسيت ينفع يستقبل)
ولو اى استفسار تانى انا تحت امرك

**said.d.y** · 14-09-2010 01:08 PM

المشاركة الأصلية كتبت بواسطة alfyfouad

وصلة الأودبو فيديو ب 220 جنية ؟؟!! نرجو التوضيح أكثر لو سمحت

بس ياباشا
انا هنقلك القالة الفنى والبائع لى بالضبط، وهى ان الوصلة دى عشان الجهاز يقدر يقرأ ملفات الفيديو (صورة)
عشان الجهاز على وضعة المجهز بة فى السيارة يقدر يقرأ الصوت فقط، وكمان ركبوا مشترك فى حدود25جم.
وعشان تتأكد لو حطيت سى دى فيديو فى علبة التشارشر هتسمع الصوت فقط وموش هيعرض صورة.
واى خدمة انا تحت امرك

**ALshahba** · 18-09-2010 06:54 AM

المشاركة الأصلية كتبت بواسطة firstknight_eg

انا عندي الشاشات اللي راكبة شاشات سيمفوني

وبصراحة مش عارف بكام بس هي نازلة مع العربية

الكاسيت اللي راكب فيها كينوود m5110

وده بيشغل فيديو عن طريق ال usb

والحاجة الغريبة ان الكاسيت ليه 2 ريموت

واحد للكاسيت والتاني للفيديو

وانا زودت عليه bluetooth unit عشان اقدر اشغل الموبايل علي الكاسيت

فا يا ريت تتاكد ان الكاسيت بيقبل فيديو قبل ما تركب السماعات

هيا عربية حضرتك 620 ولا تيجو2000 ؟! لاني اعرف ان اسبيرانزا بتنزل شاشات العرض فى موديل 620 بس!!

وهل اتيجو فعلا بينزل فيها تشانجر للسيديهات 10 !!

**said.d.y** · 19-09-2010 12:13 AM

المشاركة الأصلية كتبت بواسطة ALshahba

هيا عربية حضرتك 620 ولا تيجو2000 ؟! لاني اعرف ان اسبيرانزا بتنزل شاشات العرض فى موديل 620 بس!!

وهل اتيجو فعلا بينزل فيها تشانجر للسيديهات 10 !!

التيجو ال2000 اتوماتيك وال4x4 بتنزل بتشانجر 10 سى دى
التيجو ال2000 مانيوال وال1600 مابتنزلش بتشانجر

**said.d.y** · 22-09-2010 12:25 AM

المشاركة الأصلية كتبت بواسطة alshahba

التيجو 2000 بتعمل كام فى الصفيحه؟؟ اوتوماتك او مانوال

معايا انا بتعمل تقريباَ والتكييف شغال 20 لتر/150كم داخل المدينة، 20 لتر/200كم طوالى .
ودى التيجو2000اتوماتيك
بس انا سمعت\ ناس بتقول انها بتعمل معاهم20لتر/180كم داخل المدينة واللة اعلم، بس للامانة دى حسبتها اول ما اشتريتها ومن زمان محسبتهاش تانى.