تحذير هام جدا:
سبق ومناقشة الاختراع ده لاني كنت شوفته في 2007 وعملت معاهم عرض ممتاز وصل ل 120 او 130 جنيه للعبوة تكفي 4 عجلات لغاية 17 بوصة
وبالتجربة من مهندس احمد في عربية جولف على ما اتذكر
ثبت انه اختراع فاشل ورديئ جدا جدا وبيسبب غربلة بشعة للعربية وافقادها لاتزانها ابتداء من سرعة 60 او 70 تقريبا
حتى بعد اعادة ترصيص
لانك تخيل انك مالي كاوتش العربية مية وماشي بيه
وبعد سؤال مهندس نجاد مدير خدمة ما بعد البيع بشركة النيل للتجارة وكيل بريدجستون
اخبرني بسوء هذا الاختراع وانهم بيضمنو الكاوتش المباع منهم 3 سنين ولكن لو اتحط فيه المنتج ده يخرج برة الضمان برة بناء على تعليمات شركة بريدجستون العالمية

لذا وجب التحذير للعلم
ملحوظة:
لو حبيت تشيله مابيتشالش لانه مع تعرضه للهواء لما تفك العجلة بيلتصق بباطن العجلة من الداخل ويفضل مسبب غربلة
وممكن تسئلو مهندس احمد 1981 عن تجربتة معاه او تدعوة لزيارة الموضوع