مشكلة فى الكهرباء هوندا 2008

**mohamedmostafa** · 13-09-2010 11:43 AM

يا ريت حد يكون فاهم يقولى دا ايه اللى حصل ، كنت بملأ قربة المساحات ومخدتش بالى فنزل شوية طرطشة ميه بره القربة وغرقت المكان اللى تحتها المهم بعدها بنص ساعة تقريبا النور بتاع الصالون اللى فى الوسط اللى بيقفل ويفتح مع الأبواب انطفأ خالص مبقاش يشتغل وزجاج السائق اقفله auto يوصل لغاية قبل الآخر بشوية ويفتح تانى للآخر الا لو طلعته عادى وخد وقت لغاية ما رجع لطبيعته بس نور الصالون هو اللى قاطع تماما يا ترى ايه ده ؟؟؟؟؟؟؟؟؟؟؟؟؟؟؟؟؟؟؟

**haythamkmal** · 13-09-2010 02:05 PM

بالنسبة للمبة الصالون ممكن يكون فيوز او اللمبة اتحرقت

بالنسبة للاوتو
اعمل الخطوات الاتية والخاصة بعمل ريسيت للكنترول يونت الخاصة بالزجاج

1- افتح الكونتاكت
2- نزل زجاج السائق بالكامل لاسفل
3- افتح باب السائق
4- اطفئ الكونتاكت
5- دوس على زرار نزول زجاج السائق للاسفل مع الاستمرار بالضغط على الزر
6- افتح الكونتاكت
7- سيب زرار الزجاج
8- كرر الخطوات من 4 الى 7 (3 مرات بعد المره دى)
9- انتظر ثانية ، ثم جرب ترفع الزجاج بالاوتو ، لو اشتغل يبقى الريسيت متعملش صح وتعيده ثانى ، اما لو الاوتو مشتغلش ...
10- اقفل الباب
11- ارفع زجاج السائق لاعلى مع الاستمرار فى الضغط على الزر لمدة 3 ثوانى بعد غلق الزجاج.
12- بعد كده تجرب الاوتو هيشتغل طبيعى .
مهم جدا الخطوات من 4 الى 7 تتم بحد اقصى 5 ثوانى بين كل خطوة واخرى

وبالتوفيق ان شاء الله

المشاركة الأصلية كتبت بواسطة mohamedmostafa

يا ريت حد يكون فاهم يقولى دا ايه اللى حصل ، كنت بملأ قربة المساحات ومخدتش بالى فنزل شوية طرطشة ميه بره القربة وغرقت المكان اللى تحتها المهم بعدها بنص ساعة تقريبا النور بتاع الصالون اللى فى الوسط اللى بيقفل ويفتح مع الأبواب انطفأ خالص مبقاش يشتغل وزجاج السائق اقفله auto يوصل لغاية قبل الآخر بشوية ويفتح تانى للآخر الا لو طلعته عادى وخد وقت لغاية ما رجع لطبيعته بس نور الصالون هو اللى قاطع تماما يا ترى ايه ده ؟؟؟؟؟؟؟؟؟؟؟؟؟؟؟؟؟؟؟

**mohamedmostafa** · 14-09-2010 01:56 PM

هو ال auto اتظبط لوحده فى نفس اليوم والحمد لله هى المشكلة فى الاضاءة بتاعت الصالون مش عارف اللى حصل فيها يكون من الميه لأن فيه حاجة طالع منها سلوك تحت القربة بالظبط ولا من حاجة تانية خاصة انى ركبت فوج لايت بره التوكيل عند أرابكوم فمش عارف ممكن يتلككوا ويقولوا العربية كدة خرجت بره ضمان الكهرباء أو بره الضمان خالص .