إلى الأخ الفاضل المهندس مصراوى جدا

**abulhasan** · 14-03-2008 04:13 PM

السلام عليكم ورحمة الله وبركاته
انا معايا لانسر 1998 اوتوماتيك .... العربية شغالة معايا الحمد لله زى الفل وكله تمام .. ما عدا حاجة واحدة بس ... دايماً الصبح أما أدور العربية بتقطع وهيا باردة ( دوران الموتور غير منتظم على الاطلاق ) .
اعتقد ان السخان اللى مفروض يكون فى العربية اعتقد انه مش شغال .. لأنى لازم اقعد دايس على البنزين عشان العربية تسخن .. والمشكلة انها بتغيب قوى لغاية ما تسخن ( حوالى 5 : 6 دقايق لغاية ما تسخن ) طبعاً بعد ما تسخن بتبقى تمام .. الدوران منتظم وسرعة الاستجابة للضغط على دواسة البنزين ممتازة .
هل العربية دى ليها تاكيهات .. عشان انا عمرى فى حياتى ما ظبت التاكيهات ... آخر حاجة عملتها كان تغيير بوجيهات من حوالى ألف كيلو فقط .
والمشكلة ان استهلاك البنزين اعتقد انه عالى شوية . بتعمل معايا حوالى 200 كيلو فى الصفيحة جوه البلد .. وفى السفر بتعمل اكتر طبعاً . هل الاستهلال ده عادى ( عشان اوتوماتيك يعنى ) ولا عالى ومحتاجة ظبط ؟؟

**مصراوي جدا** · 15-03-2008 10:50 AM

أستاذ ابو الحسن اهلا بيك

انا سألت المهندس عبد الجليل مدير الاستقبال في مركز الخدمة الرئيسي وافاد بالآتي :

- السيارة تحتاج دخول قسم الصيانة لتحديد المشكلة بوضوح

- اول محاولة ستكون مراجعة ضبط المحرك والتاكيهات والكشف على مجموعة التشوك وامكانية التعامل معها وضبطها

- اذا لم تستجب مجموعة التشوك فستكون تالفة ولا يصلح معها الضبط وستحتاج السيارة لمجموعة تشوك جديدة وثمنها يقترب من ثمن الكربراتير الجديد وهي غير متوفرة الآن

- يمكن شراء مجموعة تشوك مستعملة وتركيبها في السيارة - خارج مركز الخدمة - لأن التوكيل لا يستخدم قطع غيار غير أصلية. لكن آخذا في الاعتبار انها قد تعمل وقد لاتعمل (فيها نوع من المخاطرة)