حادث وفاة وضياع حقوق الغلابة

**نور القمر** · 13-09-2010 05:56 PM

من حوالي 3 ساعات جوزي راح بنزينة على طريق ترعة المنصورية عشان يغسل العربية وواخد معاه يوسف
اتاخر هناك واتصل قالي انه لسه هايأخر تاني عشان حصلت حادثة وفاة لاحد العاملين بالبنزينة وهو بيغسل عربية واحد .. بيقولي انه اتكهرب
مش فاهمة النقطة دي هل العربية مع المية ممكن يكون فيها كهرباء مميتة ؟؟
وعايزني اروح اخد يوسف لانه اتأثر لما شاف الرجل ميت وشاف حالة موته بنفسه
انا مقدرتش اروح وطلبت من اخو جوزي يروح يجيب يوسف
وان المطلوب من الكل يستنوا عشان الشرطة جاية هتاخد اقوالهم
وطلبوا من رواد المحطة ينكروا ان المتوفي عامل بالبنزينة
وجات الشرطة واخدوا 2 بس للشهادة من زباين المحطة وجوزي مش من ضمنهم
طبعا عايزين ينكروا ان المتوفي (( ربنا يرحمه ويثبته عند السؤال .. ارجو الدعاء له بظهر الغيب )) عايزين ينكروا انه من العمال لان طبعا مفيش تأمينات ومش عايزين يتحملوا مسئولية وفاة او يغرموا فلوس لانها حادث عمل
مش عارفة الناس مش بتتعظ من الموت ليه خصوصا لما يشوفوه بنفسهم
شوفوا كمية الذنوب (( هايشهدوا زور .. بيحرضوا الناس يشهدوا زور او يكتموا الشهادة .. اكل حقوق الناس .. ممكن يكون رب اسرة وياكلوا حقوق يتامى .. والله اعلم في ايه تاني))
جوزي قرر يطلع بعربيته وراهم للقسم ويشهد ان المتوفي كان عامل بالبنزينة وانه توفى اثناء تأدية عمله
من لم يكن الموت واعظ له _فلا واعظ له

((لَا تَكْتُمُوا الشَّهَادَةَ وَمَنْ يَكْتُمْهَا فَإِنَّهُ آثِمٌ قَلْبُهُ وَاللَّهُ بِمَا تَعْمَلُونَ عَلِيمٌ )) .. صدق الله العظيم

**omar-saad** · 13-09-2010 06:00 PM

لا اله الا الله
ربنا يغفرله ويكون مثواه الجنة لانه مات هوة بيسعى للرزق
فاباذن الله يكون فى الجنه
وربنا يحاسب اصحاب البنزينة دول

**otefa** · 13-09-2010 06:01 PM

فيه حاجتين في العربية ممكن تدي كهربة مميتة.............الموبينة ألي بتدي شرارة للبوجيهات للأشعال...........والتانية المحول بتاع نور الزينون
بس مش منطقي أن العامل كان بيغسل العربية وهي شغالة ولا النور مولع..........ممكن يكون أتكهرب من ماس ما في كهربة المحطة نفسها.........وممكن يكون سكتة قلبية أو دماغية والله أعلم
الله يرحمه..........وأنا لله وأنا أليه راجعون

**أحمد كمال** · 13-09-2010 06:03 PM

ماعتقدش اتكهرب من العربية

ممكن سلك كهرباء مكشوف - بتاع المحطة مش العربية - لمس المية اللي عالارض او اللي بيغسل بيها ......

**نور القمر** · 13-09-2010 06:09 PM

المشاركة الأصلية كتبت بواسطة salahlanser

الحاجات دى بقت كتير اوى فى مصر من عامل فى محطه بنزين لواحد شغال بنا ويقع من على السقاله
هانعمل ايه بس منهم لله ويارب يكون زوج حضرتك حصلهم وقال انه عامل فى محطه بنزين
وربنا يستر ومايأكلوش القسم ولا الاتنين امناء الشرطه اللى جم
ربنا يرحمه واعتقد انه مات شهيد
ربنا يغفر له

هو حصلهم على القسم ولسه هناك من ساعتها .. اجراءات وتحقيقات وروتين وقرف

**amarakl** · 13-09-2010 06:17 PM

مش ممكن انسان يتكهرب ويموت من كهربه العربيه حتى الموبينه او الزينون
انا مهندس سيارات وده مستحيل
الله يرحمه ويغفر له ويصبر اهله
امين

**elassar2010** · 13-09-2010 06:23 PM

الله يرحمة ويصبر اهلة
دة الطبيعى فى البلد يشغل واحد بملاليم ولا يامن علية ولا اي حاجة
ولما يموت يجيب واحد غيرة تانى يوم

**hazoom2006** · 13-09-2010 06:28 PM

اكيد اتكهرب من سلك عريان او حاجة تانية
المفروض يكون فى تامين اثناء العمل منعا للحوادث

انا اتكهربت قبل كدة من الموبينه وممتش لسة يعنى كهربتها غير مميته

هيه تعمل صدمه بس متموتش

ربنا يرحمه ويصبر اهله

**mr_vampire** · 13-09-2010 07:00 PM

ربنا يثبته عند السؤال ان شاء الله ويغفرله. تبقي تعرفينا الموضوع وصل لفين.

الموضوع: حادث وفاة وضياع حقوق الغلابة

LinkBack

أدوات الموضوع

عرض

-

-

-

-

-

المواضيع المتشابهه

حادث اليم.وفاة المذيعة نهلة مصطفى

وفاة الشيخ مقدام الحضري اثر حادث اليم

اشاعة وفاة زوجة بيكهام في حادث سيارة بلندن

قرض سيارة من بنك الاسكندرية وضياع حقوق العملاء

الكلمات الدلالية لهذا الموضوع

المفضلات

المفضلات

ضوابط المشاركة