اعمل اية عشان احسن اداء التكيف؟؟؟؟ ياريت بجد يا جماعة لو حد عندو حل

**wise** · 13-09-2010 10:44 PM

انا عربيتي برسونا اوتو 2009 و بجد يا جماعة التكيف مش قد كداا مقارنة بالفرنا مثلاا و كنت راكب النترا انهاردة بردا اقوي في يا تريت في حاجة تتعمل عشان احسن من ادائة للعلم اني شوفت اكتر من تكيف في عربيات برسونا و جين تو نفس المستوي بردوا فهل في حل؟؟؟؟؟ و شكرااااا

**wise** · 13-09-2010 10:45 PM

المشكلة اني اتكلمت ممعا ناس قبل كدا بيقولولي التكيف جبار بس مشوفتش عربيتهم هما واحد عندو جين تو و واحد عندو برسونا بس انا مش شايف ان جامد اوي كدااا

**Nistelrooy** · 13-09-2010 11:41 PM

التكيف بليل او لو مافيش شمس الصراحة .. لما يكون ع اوطي درجة العربيت بتلج .. لدرجة قبل كدا ناس كانوا معايا طلبوا يقفلوا التكييف واحنا في الصيف ..

انا عادة بشغل التكيف ع واحد او اتنين وبقفل تقليب الهوا .. ( البكرا التانية .. خليها زي ما هي .. نورها بس - اضغط عليها مرة )

الصراحة الصبح او مع الشمس .. بيبقي اداء التكيف متواضع

**jojooo** · 14-09-2010 12:10 AM

المشاركة الأصلية كتبت بواسطة wise

انا عربيتي برسونا اوتو 2009 و بجد يا جماعة التكيف مش قد كداا مقارنة بالفرنا مثلاا و كنت راكب النترا انهاردة بردا اقوي في يا تريت في حاجة تتعمل عشان احسن من ادائة للعلم اني شوفت اكتر من تكيف في عربيات برسونا و جين تو نفس المستوي بردوا فهل في حل؟؟؟؟؟ و شكرااااا

الحل اللى ممكن تعملة وتزود بية فدرة التكيف
هو عزل مواسير التكيف الساقع اللى طالعة من الكمبروسر و واصلة لحد الكويل او التلاجة
طبعا حاتقولى ازى؟
بص اول حاجة تروج تشترى بكرة عازل حرارى لموسير العربية طبعا حاتقول من عند مين وفين مكانة بلتفصيل؟

حاقولك فى شارع نجيب الرحانى فى وسط البلد قريب من العتبة فى هناك 100 محل عندهم العزل اللى بقولك علية.
حاتشترى بكرة عزل و5 افيزات علشان تمسك بية العزل كويس وتحكمة بعد ما تلف البكرة على الماسور كويس تشد عليها بلافيزات علشان تمسك كويس و هو العزل فى منة لصق زى شريط اللحام دة بس يفضل انك برضة تحط كل 5سم افيز.
بس كدة

**prohossam** · 14-09-2010 01:11 AM

السلام عليكم
انا بصراحة معايا جين 2010 التكييف بتاعها ما شاء الله كويس جدا ربنا يباركلنا جميعا
تعقيبي بس على تكييف الالنترا + الفيرنا == بصراحة تكييف الجين تو افضل بمراحل بشهادة ملاك ركبوا معايا العربية وقارنوا واكتر من شخص ركب معايا اشاد بالنقطة دي معاهم فيرنا والنترا
افتكر المشكلة فردية يا ريت تروح تخلي التوكيل يشيك على التكييف عندك
وربنا يباركلك في عربيتك وكل سنة وحضرتك طيب

**mido_soliman** · 14-09-2010 02:03 AM

بصوا يا جماعة تكييف الجين2 ممتاز صبح وليل بس المشكلة فين انا حقولكوا
السواق بالنهار بيتسلق فى الشمس بيبقى فى حتت فى جسمك مركز عليها الشمس اكتر من اى واحد تانى فى العربية زى مثلا
اولا لازم تبقى الشمس عمودية عليك انت (ناحية الشمال) مش عارف تفسيرها بجد بس انا ببقى فى حتت ف ايدى ساقعة وحتت مولعة نار وبتسود لكن مستحيل اعرق لو مشغل التكييف بالنهار وفى عز الشمس لازم التكييف على 3 فترة (نص او تلات اربع ساعة وبعد كدة ينزل ل 2 يبقى تمام اوى ) وبليل انا الناس اللى بيركبوا معايا تلات اربعهم بيلعبوا فى درجة الحرارة بيزودوها من 18 ل 20 علشان بيتلجوا وانا كمان بحس بية بليل لان مفيش شمس عليا دة تفسيرى ان السواق فى الشمس اكتر واحد بيحس ان التكييف مش قد كدة علشان الشمس دة غير انى بحس ان الهواية الشمال اللى ناحيتى اضعف هواية بتخرج هوا علشان كدة التاثير بيظهر اكتر
تحياتى