أنا ناوي والله ان شاء الله أخس .. بس كانت المشكلة ان أقرب مكان لشقتي ممكن اعمل فيه تخسيس ( سواء جيم أو نادي ) بعيد ومحتاج برضه لمواصلات وان شاء الله تتحل قريب ...
عرض للطباعة
أنا ناوي والله ان شاء الله أخس .. بس كانت المشكلة ان أقرب مكان لشقتي ممكن اعمل فيه تخسيس ( سواء جيم أو نادي ) بعيد ومحتاج برضه لمواصلات وان شاء الله تتحل قريب ...
اولا اهلا بيك يا استاذ احمد معانااقتباس:
حاجه تانية فيه عربيه 1300 معقوله نوعا ما ومطلوب فيها 10000 موديل 72 .. كانت تاكسي وصاحبها قلبها ملاكي .. ايه رأيك في النوع ده ؟
وواحده تالته فولكس بيتل بس غاليه عليه شويه .. بـ 12000 ومعقوله . برضه عايز رأيك في الأنواع البديله للسيات اذا ملقتش واحده كويسه
وأشكرك على مجهودك وربنا ميحرمناش منك أبدا
زي ما الباشمهندس كريم قالك بالضبط ال 1300 حتبقي حالتها تعبانه اولا لانها قديمه اوي غير كده لانها كانت تاكسي و اكيد اكيد ضايعه.
هيا تمنها بيعمل في حدود 7000 و قطع غيارها بتنقرض خلاص خلينا في السيات احسن او ال 126 و بالنسبالي 126 افضل لانها موديلاتها اعلي و تبريدها هواء مش ميه و مافيهاش مشاكل للسخونه بتاع السيات
طيب ياشباب فيه عربيه ظهرت قدامي من عشر دقايق عايز رأيكم فيها :
فيات 125 ايطالي موديل 1972 حالتها جيده ومعقوله جدا ... صاحبها طالب 12500 جنيه .. ملاكي .. يعني مش متحوله .. رأيكم ايه ؟؟؟
١٢٥ موديل ٧٢ يعني ٣٦ سنة يا باشا و في شوارع المحروسة :eek:....ما تخدهاش لو ببلاش :)...... و ١٣٠٠ شرحه
الصبر في شراء العربية المستعملة ضروري.... و بالنسبة لوضع القيادة في ١٣٣ أو ١٢٦ لازم تجرب تقعد في العربية إنت و المدام و تشوف مستريحين ولا لأ
البيتل هايلة بس بشرط الحالة و توفر مكانيكي حريف و محل قطع غيار شغال فيها.... ربنا يوفقك
برضه خليك في السيات
ونصيحة ليك عشان تخس
كل كويس فطار وغداء
وامنع العشاء تماما
لان العربية هاتخليك تدخن اكتر لان معدل الحركة هايقل
وبرضه خليك في السيات بس جرب قعدتها الاول
عاجبني جدا تحمسك للسيات وده مخليني أتعلق بيها بس هناك جديد .. أنا كنت تحت من شوية وجربت واحده ... كرشي للأسف عامل مشكله .. هاهاهاهه زانق الدركسيون وبادخل العربيه بقدرة قادر .. أما الخروج مافيهوش مشاكل .. ورحت شفت الـ 125 لقيتها أريح وأوسع وحالتها معقوله جدا .. الحقيقه محتار ياأستاذنا وعين في السيات وعين في الفيات !!!!!! مش عارف أقرر
اهلاً بيك يا أ/ أحمد عضو جديد و أخ جديد ,
بص يا إستاذي ,
مش المقياس في العربية عمرها فقط يعني موديل 80 مش بالضرورة أفضل من موديل 70 ,
المهم الحالة ففي عربيات مو 70 و أفضل من عربية مو 80 لأن صاحبها محافظ عليها و بيصرف عليها و معملتش حادثة ,
يعني الحالة هي الفيصل ,
بالنسبة للـ 125 فدي عربية تمام لو حالتها سليمة , و قطع غيارها متوفرة و رخيصة جداً ,
انا والد صديق لي عنده العربية دي من الزيرو و محافظ عليها و مش عايز يستغى عنها ابداً ,
على العموم خللي واحد سمكري أو ميكانيكي يكون ثقة يشوفها و يقدرها لك , بس أهم حاجة انك ما تستعجلش علشان متندمش , و حاول تصلي استخارة ,
و ربنا يوفقك للإختيار السليم .
أخي الفاضل أ/ أكرم
أشكرك على ترحيبك وأتشرف بأخوتكم جميعا
ماذكرت حقيقه لايختلف عليها اثنين .. وان شاء الله سأذهب باكر ومعي ميكانيكي للكشف عليها .. وان شاء الله سأصلي استخاره وربنا يكرمنا ودعواتكم
أهم من شراء سياره أني وجدتكم .. والتقيت بكم وليتني تعرفت عليكم من زمن .. ونعم الأخوه جزاكم الله كل الخير وبارك الله لكم وفيكم
شوف يا أخى العزيز، انا قريت كل الردود واحترت والله وانا بفكر معاك
بس انا هقترح عليك حاجة حاول تسعى فيها يمكن ربنا يكتب لك فيها خير
العربية ال 126 مناسبة جدا لفردين على عكس ما يعتقد البعض لأن تصميمها موسعها جدا من الأمام على حساب الخلف وعلى حساب الشنطة ، ولذلك هى قد تبدو صغيرة للغاية لكن لو ركبتها هتحس انها معقولة من الأمام
الحاجة التانية، فيه مدينة قريبة منكم اسمها دمياط، يعشق اهلها السيارة ال 126 نظرا لطبيعة العمل فى الأخشاب والموبيليا فى المدينة التى تستلزم المرور فى حوارى ضيقة، لذلك انا متوقع انك لو دعبست شوية فى دمياط ممكن تلاقى 126 بحالة نضيفة جدا لما عرف عن اهل هذة المدينة من الحرص على مقتنياتهم، وانا شخصيا من تجربة سنتين مع ال 126 و عدة تجارب مع السيات اقول لك ان 126 نضيفة برقبة السيات، خصوصا ان ال 126 تبريد هواء ومبتسخنش،
لو مستريحتش فى ال 126 يبقى فكر فى الفيسبا وليس الموتوسيكل الصينى، الفيسبا قعدتها اريح وانسب لمن يعانون صعوبة فى الحركة
وربنا يوفقك لما فيه الخير
بجد ... بجد .. انتم ناس روعه
أنا عندي رأي .. معلش أستحملوني كمان شويه ..
هنعمل استفتاء . هاهاهاهاه
استفتاء هنسجل فيه رأينا .. يعني كل مشارك هيقوال هوه بيرشح أي عربيه من الآتي وبعدين هنشوف الأصوات والآراء هتنحاز لأي عربيه .. الأنواع هي :
سيات 133
فيات 126
فيات 125
فولكس بيتل (قديم)
مع مراعاة ان الأنواع الأربعه حالتها متساوية فنيا وشكلا وميكانيكيا
126 و ابعد عن الباقي .. انت راجل علي قد حالك يا عم :d
اقتباس:
سيات 133
فيات 126
فيات 125
فولكس بيتل (قديم)
مع مراعاة ان الأنواع الأربعه حالتها متساوية فنيا وشكلا وميكانيكيا
+11111111111111111111اقتباس:
البيتل هايلة بس بشرط الحالة و توفر مكانيكي حريف و محل قطع غيار شغال فيها.... ربنا يوفقك
لو هناخد معانا موضوع الفلوس و انك زي ما قلت هتستلف من الحبايب , يبقى قارن بين الـ 126 و الـ 133 ,
و انا بفضل السيات علشان الأمر ميخلاش ممكن تركب حد معاك ,
و بالنسبة لموضوع السخونة فيه ميكانيكية بيحلوا الموضوع ده ,
بالمناسبة أعرف واحد معاه 3 أطفال و هو مليان شوية و كمان مراته و عندهم سيات و تقريباً عايشين فيها لدرجة انهم لو رايحين عن البقال بيروحوا بيها :) :) (طبعاً بهزر في موضوع البقال) ,
كنت عايز أعرف معنى التوقيع بتاعك :
anawwara
بص يا باشا لو تقدر تلم 4 او 5 الالاف في واحد في مساكن شيراتون بيقسط السيات ادفعهم و ادفعلك 500 او 600 لحد ماتخلصها هو من نفسه هياخدها منك لو لقاك ملتزم و يديك مكانها 128 او 127 و باردو قسط . الراجل ده كويس و أمين وبصراحة انا مع المدام في حتة ( البرستيج ولامؤاخذة ). واي استفسار تأمر يا معلم
بس يا سيدي الفاضل
بالنسبه لل 125 عربيه جميله جدا لكن مشكلتها ان بنزينها كتير و قطع غيرها غاليه بعكس ما يعتقد البعض .
نفس موتور و عفشه الاماميه لل 132 و لكن الفوانيس الاماميه و الشبكه و الصاج غالي جدا.
مممممم
شكلك هاترجع تحتار تاني
اسمع كلام الناس دي بقي وما تبعدش عن سكة ال 126 والسيات 133
اتعلم وخبط واتزنق شوية وتكون دافع ليك انك تنزل وزنك حبة لانك هاتتخن اكتر من قعدة العربية
126
لحداثة الموديل وتوافر قطع الغيار جديد واستيراد
بس بشرط سلامة الحالة وانك تقتنع بقعدتها
أحبتي في الله وأخواني الكرام الأعزاء
اليكم هذا التقرير :
بعد بحث ولف ودوران طول اليوم وجدت التالي :
1 - سياره 127 موديل 82 ممتازة بصراحه ومفيهاش الهوا زي مابيقولوا سعرها 19000 .
2 - سيارة 127 سوبر فيورا ممتازة جدا جدا موديل 83 وتحس انها انتاج 2008 .. سعرها 22000
3 - سيارة 127 موديل 81 جيده وكان فيها بارومه في الشنطه الخلفيه وتم عمل ترقيع لها .. لكن الموتور والعفه بحاله جيده 2 باب سعرها 12000
4 - سيارة فيات 128 موديل 79 بحاله جيده جدا استعمال طبيب ثاني يد ..ز سعرها 23000
5 - سياره فيات 128 موديل 80 بحالة جيده بس عايزه تغيير كوبلن شمال بسعر 17500
اما بالنسبة للسيات وال125 احوالهم لاتسر عدو ولاحبيب .. مينفعوش خالص
ايه رأيكم ؟؟
بالنسبة للفلوس .. الحاجه الوالده ( والدتي ) ربنا يكرمها قلبها رق وحن ومستعده تساعدني لغاية 10000 جنيه تبرع منها .. وده خلاني اطمع والشيطان شاطر في اني اجيب الماروتي الزيرو بالتقسيط
برضه محتاج رأيكم .. ومتحرمش منكم ابدا
أستاذي الفاضل .. أ/ أكرم
بالنسبة لأستفسارك عن معنى التوقيع الخاص بي .. فهو كالآتي :
حرف a اختصار لأسمي الأول : أحمد و nawwara اسم العائله (نواره) .. يعني اختصار لأسمي الأول وكل اسمي الأخير .. وتأمر يأستاذنا العزيز
الصورة منورة المنتدى يا نوارة باشا ;)
بص يا سيدي مادام الميزانية عليت أنا أرشح ال-١٢٧ ديه كانت معايا و عربية زي الفل بس برضه لازم تقعد فيها و تجربها إنت و المدام لا تطلع مش مريحة ربنا يوفقك
خد بالك يا باشا لو حتجيب 127 هاتها حالة نضيفة لأنها لو مكانتش نضبفة حتحتاج تعمل ابونية عند الميكانيكى :d :d :)
الحمد لله رب العالمين .. أخيرا وفقني الله في شراء السياره ويارب يبارك لي فيها ويحميها من العين والحسد وادعولي تصمد معايا ان شاء الله .. العربيه 127 ودي صورتها .. وربنا ميحرمنيش منكم ومن نصائحكم الغاليه .. وبرضه خليكوا معايا .. لسه طبعا محتاجكم ..
بالمناسبه .. السياره نمر اسكندريه أسيبها كده ولا أنقل الملكيه ؟؟ باقي في الرخصه سنه تقريبا !!
الف الف مبروك يا باشا ربنا يباركلك فيها و يكفيك شرها و يرزقك خيرها و خير ما صنعت له . انا رأيي الشخصي تنقل باسمك عشان تضمن و خصوصا ان هي مش هتكلف كتير يعني 200 كده ولا حاجة و لو على السنة اللي فالرخصة كده كده هتاخدها متقلقش . دي على كده الوالدة بقى هي اللي جابت هدية عيد الام . عشان تعرف بس هما ممكن يعملوا ايه عشانا (:
مبروك يا عم .. اهه 127 احسن من ال 126 هههه
انقل ملكيه يا حج علشان تشتري دماغك من وجع الدماغ بعد كده ;)
الف الف مبروووووووووووووووووووك يا باشا
الف مبروك ياحمد باشا
وانا بحب الاحمر جدا اصلا
لاء جميلة بس عايزين تفاصيل
موديل كام وخلصتها على كام
وفعلا انقل احسن بدل ما يطلع فيها لعب وحوارت وخصوصا افلام التوكيلات المضروبة
الناس بتسالك عن توقيعك عشان يدي احساس او يتنطق
انا ورا
بجد بصلة هاتلاقية كدة خاصة مع صورة علم ممصر
عموما انا مش هاتنازل عن حقي في الفطيرة وتقدر تضيف الفاتورة على قيمة العربية
ها ها
طبعا بهرج وربنا يباركلك فيها
الف مبروك يا استاذ احمد ربنا يحمهالك يا رب و يكفيك خيرها
:)
الله يبارك فيكم جميعا .. وربنا يخلي لي الوالده الكريمه العظيمه يارب ويبارك لها في عمرها وصحتها .. وياريت ياشباب تدعوا لها ...
بالنسبة للموديل هي 83 وخلصتها على 19500 بالعافيه ... بس ان شاء الله ربنا يبارك لي فيها .. متهيألي متخمتش فيها كتير.. ولاأيه رأيكم ؟؟؟ صارحوني ومش هزعل والله
وان شاء الله لما انزل القاهره ونتقابل ان شاء الله هيكون معايا احلى حلويات وفطائر منصوريه وخاصة علشان أبو الكرم كله
أستاذي الفاضل / حازم خضر الله يكرمك .. بس ممكن تعدل الدعاء الله يكرمك .....هاهاهاهاها
استفسار بعد اذنكم ... المفروض أعمل ايه دلوقت في المرور علشان رايح بكره ان شاء الله .. يعني اللي باع لي العربيه معاه توكيل .. يبقى المفروض نعمل ايه علشان انقل الملكيه واطلع رخصة العربيه باسمي ان شاء الله
معلش ما شوفتش الا دلوقتي
وشكلك رحت وخلصت كل حاجة
ربنا يباركلك في السيارة ويباركلك في الحاجة واحنا مش عاشين الا ببركتهم وبركة دعاهم
وبيتهيالي هيا اللي جابتلك احلى هدية في عيد الام
مش كدة ولا ايه
بص يا احمدباشااقتباس:
استفسار بعد اذنكم ... المفروض أعمل ايه دلوقت في المرور علشان رايح بكره ان شاء الله .. يعني اللي باع لي العربيه معاه توكيل .. يبقى المفروض نعمل ايه علشان انقل الملكيه واطلع رخصة العربيه باسمي ان شاء الله
بتروح بالتوكيل اللي معاك الشهر العقاري و تسجل العربيه باسمك
بعدين تطلع علي المرور و معاك شهاده المخالفات و البايع هو للي بيجبهالك و لو العربيه من خارج المرور اللي حترخص فيه يجبلك شهاده بيانات كمان.
صور البطاقه 5 صور معاك احتياطي
حتروح المرور تشتري اورنيك الفحص و تفحص العربيه و تشيل اللوحات و تاخدامر تسليم اللوحات من الموظف علي الشباك
و بعدين بتدفع الرسوم و الحاجات دي و بتطلع الرخصه لجديده و بتاخد امر استلام اللوحات برضه و تستلم اللوحات و الف مبروك الرخصه:)
الف الف مبروك على العربيه
وربنا يبارلك فيها ان شاء الله
الله يبارك فيكم وليكم جميعا