:rolleyes2: ربنا يسهل باذن الله ياغالي وهقولك باذن الله ايه نظام:E_braces[1]:
عرض للطباعة
هاتطلع الدائري عادي خالص من المريوطية وهاتفض ماشي لحد نزلة صفط هاتلاقي مطلع الكوبري على يمينك تاخده على طول لا يمين ولا شمال هاتلاقي نفسك جنب باب تجارة بعد كده باه شوف انت عاوز تروح فين
وانت راجع نفس القصة يا اما تطلعه من عند باب تجارة بس خاي بالك خليك في اليمين عشان الشمال هاينزلك صفط او تطلعه من شارع السودان جنب ابناء مقار هايسلمك للدائري ومنه للمريوطيه وكمان شارع كعبيش كله اتسفلت لحد الدائري لما تنزل نزلة الميوطيه خد يمين في يمين كعبيش هاتبقى في بيتكم في 10 دقايق
توكل على الله وابدأ البحث عن شقة في القاهرة الجديدة
الهاتوفرة بنزين وحضانات ودكاترة لما تسكن في فيصل هاتخسر فيه وقتك وصحتك واعصابك في فيصل
كل ما يكون البيت اقرب للشغل تروح اسرع توصل مرتاح تقعد مع اهل بيتك اطول فترة وانت مبسوط
مش قرفان من الطريق والمشوار والزحمة ووووو.
توكل على الله وقرب من شغلك
ياسلام ع شرح فل يا صحبي نورت هيئه المحكمة والله دة حلو مش هيخلينى انزل جيزة من هرم ولا فيصل
ونزل منه امشي شويا واطلع عند مصل واللقاح ومطلع كوبر اكتوبر فل خلاص باذن الله اجربه وانا مروح نهاردة وربنا يسترها ((:
بس خلي بالك و انت مروح انت اكيد هتطلعه من شارع ثروت
تمسك اقصى اليمين علشان الحتة دي تصممها غبي
هتلاقي ملف في اخر مطلع الكوبري
الملف ده مقسوم على حارتين
حارة تطلعك الدائري و الحارة الي على الشمال تنزلك المنطقة الي عند قسم بولاق
فلازم تمسك اقصى اليمين و تهدي في الملف لحد ما تحظها
و أن شاء الله توصل بالسلامة
عمي تسلم والله ع التوضيح بس باذن الله هطلعه من شارع السودان والله مستعان
بس بردو افدنى نقطه توضيح دي تحياتى ياكبير
طيب بالنسبة لسكان شارع العشرين يستفادوا ازاي من محور صفط اللبن ده ...
سكان العشرين دول لهم الله والله فعلا ربنا يعينكم على الشارع ده رهيييب وما لوش حل
عامة اذا قدرت تطلع من شارع العريش في اتجاه صفت هاتلاقى مطلع لمحور صفط ينزلك عند الجامعه او شارع السودان في اتجاه كوبري فيصل
ولو نزلت عند الجامعه ممكن تنزل وتاخد يوتيرن وترجع تاني تبقى على الدائري برده احسن من انك تطلعه من المريوطيه او تخش وسط البلد