حد يدلنى على الحل يا جماعة ( عربيتى سيات ابيزا 2002 ) 1000 سى سى

**ahmedsamy006** · 14-09-2010 03:24 PM

انا العربية معايا و الله العظيم زى الفل. بس فى حاجة غريبة بتحصل معايا من يجيى 3 شهور كدة. العربية بتبقى زى الفل و ماشى بيها و اول ما بقف شوية على السلنسية بعد يجى 5 او 8 دقايق من الوقفة القى العربية حصل حاجة غريبة RPM بينزل من 850 ل 600 وبعدين يرجع تانى و يفضل كدة و الموتور يرجرج و كائنه شغال 3 سلندر بس. و دا بيحصل و انا واقف بس طول ما انا ماشى مفيش اى حاجة و بردوا و انا مشغل التكييف على 3 مفيش اى حاجة كلوا زى الفل. بس لما بيحصل الموضوع دا بروح مبطل العربية و مدورها تانى ولا كانى فى اى حاجة. رحت لكذا ميكانيكى. واحد يقلى سلك البوجيهات غيرتوا بردوا نفس الحال . رحت لواحد تانى قلى الكنترولر بتاع العربية فى مشكلة. وواحد تانى قلى لا دا عيب فى حساس المنافستوا. وواحد تانى قلى لا دا عيب فى حساس الانجيكشن. بجد حد يقولى دا عيب اية. و انصحونى اروح لمين. و دا رقم موبايلى لو فى حد ينصحنى 0165515742 و الميل ahmed.samy006@hotmail.com

**ehab_mansour** · 14-09-2010 03:26 PM

السلام عليكم
اهلا بحضرتك وسط اخواتك بمنتدي نايل موتورز وان شاء الله تستمتع بالمشاركة معنا وتفيد وتستفيد لكن عندي سؤال .
حضرتك نظفت بوابة الانجكشن كويس بمنظف كربيراتير ولا لأ ؟
رجاء الرد علي السؤال ده وبعدين نتكلم

**ahmedsamy006** · 14-09-2010 06:37 PM

انا فعلا نضفت بوابة الانجكشن و بردوا بيحصل الموضوع نفسه

**ahmedsamy006** · 14-09-2010 06:40 PM

شكرا جد على ردكوا, بس قولولى اعمل اية بالظبط. عشان انا خلاص دماغى ضربت من الموضوع دا و من الميكانيكيا. نصحونى اروح لميكانيكى و اقولوا اية بالظبط. و الله كل الميكا نيكية اللى برحلوهم متخصصين سيات و فولكس فاجن.

**pioneerahmed** · 14-09-2010 11:50 PM

حصلت معايا فى اللانوس
اكشف على ضغط طرمبة البنزين و الانجكشن و الرشاشات
ان شاء الله بسيطة و مش هتخرج عن دول

**snakeson2** · 15-09-2010 06:12 AM

بص سيبك من الفتايين اتكل علي الله وروح عند محمد سمير ورا حديقة بدر في جسر السويس وهوة هيحطها عالكمبيوتر وهيقولك
المشكلة في ان كهربة العربية بتعلي وتوطي وتتلت حصلت معايا ايام البولو بعد مغسلت الماتور بمية والمفتري وقع مية عالموبينة
90% عيب موبينة وان شاء الله سهلة
هتجيب واحدة تانية ونصيحة هاتها استيراد او من عند الشهابي غير كدة لا
اعتقد ان المشكلة لو مش بوجيهات وسلوك نهائي

**ehab_mansour** · 15-09-2010 07:30 AM

حصلت معايا نفس المشكلة واتحلت بعد تنظيف بوابة الانجيكشن وعمل ريسيت لوحدة الكنترول يونت وكله تمام من وقتها !!!!!!!!!
وبعدين الموضوع مكرر وحضرتك عملت موضوع بنفس المشكلة قبل كده ليه التكرار؟؟؟؟؟؟؟؟؟

**ehab_mansour** · 15-09-2010 10:23 PM

المشاركة الأصلية كتبت بواسطة ahmedsamy006

شكرا على الرد. و الله انا غيرت الموبينة و سلك البوجيهات و البوجيهات و و نضفت الانجكشن و برضوا ما فيش فايدة.

حطيت العربية علي سكانر لكشف الأعطال ولا لأ ولما حطيته اعطاك error معين ولا مافيش حاجه ولما نظفت الانجيكشن نظفته ازاي ياريت تشرح بالتفصيل عشان نقدر نفيدك

-

الموضوع: حد يدلنى على الحل يا جماعة ( عربيتى سيات ابيزا 2002 ) 1000 سى سى

LinkBack

أدوات الموضوع

عرض

-

-

-

-

-

المواضيع المتشابهه

سيات ابيزا 2002

سيات - إبيزا 2002 - 1000 سى سى

سيات ابيزا 2002

الكلمات الدلالية لهذا الموضوع

المفضلات

المفضلات

ضوابط المشاركة