علبة الدريكسيون بتنقط زيت , سيريون مو 2000

**Riham** · 15-03-2008 11:12 AM

سلام عليكم جميعا
يا جماعه انا عندي مشكله في عربيتي , علبة الدريكسيون بتنقط زيت الباور ,الميكانيكي قاللي في حاجه اسمها طقم اصلاح محتاج يتغير ,قلت اعمله في التوكيل احسن قالولي مبنصلحش و العلبه كلها تتغير ب 500 جنيه !!! حتي المهندس هناك قاللي صلحيها بره , و فعلا رحت عند واحد في شارع شمبيليون متخصص في العلب و صلحها بس رجت تنقط تاني بعد 6 شهور , رحت صلحتها تاني و برده رجعت تنقط بعد 6 شهور !!!
دورت عليها استيراد للاسف مش موجوده
انا مش عارفه اعمل ايه , حد يقدر ينصحني ربنا يكرمكوا

**Riham** · 15-03-2008 01:11 PM

Sorry
التوكيل قال 5000 جنيه

**Xpert** · 15-03-2008 01:22 PM

هيا حلها في علبه استيراد ... مانصحش غير بالاستيراد (الا اذا كان معاكي 5000 جنيه مستغنيه عنها ... ) يأما اعملي طقم اصلاح كمان لحد ما ربنا يسهل و تلاقي واحده (مافيش حاجه اسمها مش موجوده ... ممكن تلاقيها بس بتعب جامد ...) شوفي في الحرفيين ايه النظام .. و ان شاء الله هاتلاقيها .. او علي الاقل حاجه تركب عليها ...

**ابوهاشم** · 15-03-2008 01:42 PM

اسالى اى حد معاه نفس العربية عن اماكن قطع غيار استيراد وان شاء الله هتلاقى

**mohamed ibiza** · 15-03-2008 01:45 PM

هاتي علبة استيراد بس تكون نظيفة يعني انما 5000 جنيه عشان علبة دركسيون بتنقط زيت ليه يعني ده مبلغ ماهول بالنسبة للمشكلة دي و نصيحة الميكانيكي المفروض اصلا ملوش دعوة بعلبة الدركسيون دي عايزة عفشجي مش ميكانيكي خلي بس عفشجي يكشف كويس و يقولك الموضوغ بالضبط و العلبة لازم تتغير مش تتصلح ارمي و حتي استيراد نضيف

Ibiiiiiiiiiiiiiiiiiiiiiiiiiiiiiiiiiizzzzzzzzzzzzzz zzzzzzzzaaaaaaaaaaaaaaaaaaa For Ever