الموضوع: بالعربي....كده

المشاركة الأصلية كتبت بواسطة a7med_pharma

بسم الله الرحمن الرحيم

السلام عليكم
إمبارح بالليل نايم على السرير..دماغي سرحت شوية
تخيلوا سرحت في إيه؟؟؟؟!!!!!!

حال البلد..إلي هوا حالنا كلنا
1.الخسارة المصرية في صفقة الغاز..إحتياطي الغاز بتاعنا هيخلص قريب جداااا..وساعتها أنبوبة البوتجاز مش هتبقا بــ 5جنيه
2.البنزين...بنستورده والإحتياطي بتاعنا هوا كمان هيخلص قريب..وساعتها إلي عنده عربية ..مش هيعرف يحطلها بنزين 80 حتى
3.مشكلة المياه مع دول حوض النيل..والعطش إلي ممكن يموت المصريين..وفواتير المياه هتتضاعف
4.مشكلة أحمال الكهربا والإنقطاع المتكرر للكهربا...وفواتير الكهربا هتتضاعف
5.مشكلة الصرف الصحي في معظم أنحاء مصر المحروسة
6.الغلاء الفاحش ..إلي بياكل معظم الدخل..بدون أي رقابة حكومية
7.الضرايب المتزايدة على الناس ..وناقص بجد يبقا الضرايب على الهوا
8.فساد×فساد×فساد
9.سرقة×سرقة×سرقة
10.المواطن المصري عايش زي الغريب في بلده .. ودي حقيقة
11.مأسآة الخدمات في مصر..مع إن المصريين مهريين ضرايب
12.سوء القطاعات العامة والخاصة ..مابين محسوبيات و قهر للناس وسرقة ...إلخ
13.الديون المتراكمة على مصر
14.سوء الأداء الحكومي
15.أخلاق الناس إلي إتغيرت للأسواء .. ثم الأسواء
16.إنتهاك كرامة المواطن في كل حاجة في الدولة
17.الكساد وسوء حالة الناس الإقتصادية والإجتماعية

إلخ
إلخ
إلخ
طيب أنا لسه قاعد فيها ليه؟؟؟
وبفكر فعليا إني أسافر أي مكان تاني..وده رأي والدي كل مرة نقعد نتكلم مع بعض
دايما يقولي""سيب مصر ..وسافر يا أحمـــد""

وللأسف
اللون الأسود بدأ يفرض نفسه على اللوحه
لحد مابقت كلها سودا
وماحدش يقولي بص لنص الكباية المليان ..الكباية أساسا إندلقت من زمان

أنا عارف إن الموضوع متكرر
بس صدقا
أنا الأيام قرفان من كل حاجة ... كا حاجة

انا معاك في كل كلمة

بس انت نسيت حاجة .......... وديت ربنا فين

ربك كبير وقادر علي كل شيء

خلي ايمانك بربنا قوي وركز علي حاجة

ادعي علي كل واحد هو السبب في ان هو يوصلنا للمرحلة دي

وادعي ان ربنا ينتقم منو وربنا قادر يحرق دمو زي ماحرق دمنا وفي الاخر

هاقول كلمتي ( حسبي الله ونعم الوكيل )

تقبل كلامي بصدر رحب يا دكتور احمد

ابو عبد الله