حد يعرف حاجة عن مباحث الانترنت

**osama.m** · 15-09-2010 01:07 AM

السلام عليكم
ياريت لو حد عندة اية معلومات عن مباحث الانترنت .. يعني الاجرائات اللي هتتعمل لو هقدم بلاغ
فيه فيش و تشبيه

الحكاية مختصرة واحد اقل حاجة انه مريض نفسي ..حسبي الله ونعم الوكيل فية .. سرق ايميل واحدة قريبتي و طبعا غير الباسورد و باسورد اكونت الفيس بوك .. المشكله ان الايميل كان علية صورها الشخصية " كانت بتبعتها لقرايبها "
الشخص دا بدأ ينزل الصور دي على اكونت الفيس بوك .. و يبعتها لخطيبها و لقرايبها
احنا عارفين هو مين بس طبعا مش هنقدر نقولله انت اللي بتعمل كدا .. و اهل البنت خايفين منه لانه واصل شوية

ياريت تفيدوني نتصرف ازاي

**Soma_Sooma** · 15-09-2010 01:12 AM

على فكرة هى ممكن ترجع الأكونت بتاعها سواء الميل او الفيس بتعمل شكوى للموقع نفسة

المشكلة هنا فى الصور

بس فى الحقيقةمش عارفة ايه الأجراءات او ازاى توصلهم

بس لورحت قسم محترم و سألت اكيد هيفيدوك

بس فى حل تانى شرير شوية ههههههههههههه

تشوف واحد هاكر كدة ابن حلال يلاعبة شوية ههههههههههه

**osama.m** · 15-09-2010 01:20 AM

ما المشكلة انها مش فاكرة البيانات اللي كتبتها لما كانت بتعمل الايميل ... المصيبة انه لما اخد اكونت الفيس بوك غير ال privacy وخلاه اي حد يشوف الصور
حكاية الهاكر دي مش هتنفع من عندي عشان انا على سيرفر ميكروتك فا الريبورت باتاع الباتش مش بيوصللي

**aly_hosny** · 15-09-2010 01:21 AM

معتقدش هتقدر تثبت عليه حاجة
والمباحث دي اصلا تعبانة ورجعية ومتخلفة
انت تشتكيه في الفيس بوك والياهو وغالبا هيرجعولك الاكونتات
وممكن تسلط عليه حد لو مدايق منه اوي

**Soma_Sooma** · 15-09-2010 01:28 AM

المشاركة الأصلية كتبت بواسطة osamalover

ما المشكلة انها مش فاكرة البيانات اللي كتبتها لما كانت بتعمل الايميل ... المصيبة انه لما اخد اكونت الفيس بوك غير ال privacy وخلاه اي حد يشوف الصور
حكاية الهاكر دي مش هتنفع من عندي عشان انا على سيرفر ميكروتك فا الريبورت باتاع الباتش مش بيوصللي

عالفيس اعمل ريبورت عالأكونت دة وهيوقفوة على طول

متعملش هاك من عندك خلى حدتانى يعمل هاك بس يكون محترف

بس الحق بسرعة قبل ما يعمل حاجة بالصور دى

**m_awad** · 15-09-2010 01:35 AM

ودي الغلطة اللي بترتكبها كتير من البنات

إنهم يحطوا صور شخصية على صفحات الإنترنت

ربنا يهدينا جميعاً

**osama.m** · 15-09-2010 01:38 AM

المشاركة الأصلية كتبت بواسطة m_awad

ودي الغلطة اللي بترتكبها كتير من البنات

إنهم يحطوا صور شخصية على صفحات الإنترنت

ربنا يهدينا جميعاً

حضرتك هي منزلتش صور ليها على النت .. دي كانت بتبعت صورها لبنت خالتها و عمتها " القرايب يعني " من على الايميل .. اللي سرق الايميل هو اللي نزل الصور دي على الفيس بوك

**SkyBird** · 15-09-2010 01:39 AM

قريت في مجلة لغة العصر (الاهرام) عن حالات مشابهه وفعلا الناس اللي ايميلها اتسرق قدمت بلاغات وقبضوا على الاشخاص المتورطين
بيحددوا المشتبه فيه ويعملوا كبسة على الكمبيوتر بتاعه ويصادروه وبعدين يفصصوا محتوياته وهيلاقوا انه اميلات اتبعتت من جهازة
يعني لو بلغت هيجيبوه هيجيبوه مفيش شك
للاسف مش عارف مباحث الانترنت فين بس اسأل في مديرية امن القاهرة او الجيزة
اهم حاجه البنت اللي ايميلها اتسرق لازم تنبه الناس اللي كانت تراسلهم علشان الحرامي ممكن يبعت ايميلات مخلة بالاداب لصحابها ويفتكروا انه منها
زي ما قريت عن حالات مشابهه قبل كده

**Soma_Sooma** · 15-09-2010 01:43 AM

المشكلة بقى ان يحصل فيها زى ما حصل مع واحدة اعرفها

لقيت صورتها فموقع و تدخل البروفايل بتاعها كاتبة عن نفسها كلام فظيع و قليل الادب جدا

ولما قلتلها ايه اللى انتى عاملاه دة
لقيتها اتخضت طبعا و عملت اللازم
خاطبت الموقع نفسة وقفلو الاكونت دة

**nabaster** · 15-09-2010 02:05 AM

المشاركة الأصلية كتبت بواسطة osamalover

ما المشكلة انها مش فاكرة البيانات اللي كتبتها لما كانت بتعمل الايميل ... المصيبة انه لما اخد اكونت الفيس بوك غير ال privacy وخلاه اي حد يشوف الصور
حكاية الهاكر دي مش هتنفع من عندي عشان انا على سيرفر ميكروتك فا الريبورت باتاع الباتش مش بيوصللي

مال سيرفر الميكروتك بتاعك بالموضوع؟؟

هل هوا معاك علي نفس الشبكه؟؟؟

اشرحلي الموضوع بتفصيل شويه وهحاول اوصل لحل معاك ان شاء الله

A.Yakout

الموضوع: حد يعرف حاجة عن مباحث الانترنت

LinkBack

أدوات الموضوع

عرض

حد يعرف حاجة عن مباحث الانترنت - انشر الموضوع فى :

-

-

-

-

-

-

-

-

المواضيع المتشابهه

حد يعرف حاجة عن الفولكس فاجن إلى كانت فى فيلم بلبل حيران حاجة ؟

عايز اشغل الانترنت على اللابتوب عن طريق الموبيل ؟ حد يعرف الطريقة

ما هو وجه استفادتك الشخصيه من الانترنت(استخدامات الانترنت بالنسبالك)

حد يعرف حاجة عن 405 رؤا

الكلمات الدلالية لهذا الموضوع

المفضلات

المفضلات

ضوابط المشاركة