عرض للطباعة
معايا عربية لانسر 2009 بومة 1300 مانيوال كلاسيك مصري عاملة اكثر من 91000 كم و عمر متعملها صيانة او اتغير فيها حاجة . ماعدا صيانة الألف و تغييرات الزيت وفلتر الزيت في مواعيدهم و تيل الفرامل . هو ده صح من ناحية التوفير ؟ ( والعربية زي الفل مشية ومبتفتحش بقها )
روحت بسيط على جدول الصيانات قلت يانهار اسود انا لو رحت التوكيل هناك دلوقت هحتاج تغيير بلاوي هتكلفني اكتر من الفين جنيه السيور و الزيوت كلها والفلاتر كلها .؟؟؟؟؟؟؟؟
مش عارف ايه الحل اخليني زي منا ولا ادفع ؟
لأ طبعا تروح تعمل الصيانة الى محتاجها العربيه خسارةاقتباس:
المشاركة الأصلية كتبت بواسطة pharmaman84
وبعدين تدفع الف ولا الفين جنية مش مشكلة بتدل ماتدفع آلاف بعد كده
ياراجل دانا عربيتى مكملتش العشر آلاف كيلو وبقول ناوى اعمل الصيانة وهى فى
9500 كيلو:ma:
خلى بالك سير الكاتينة ممكن فى اى وقت يتقطع
وساعتها هتعوج صبابت ومشاكل انتى فى غنى عنها روح التوكيل وظبط
وربنا يباركلك فى عربيتك
في واحد زميل بشارك عامل 120000 كيلو
مفيش مشاكل انا فضلت بسير الكاتينه لحد 95 الف كيلو بس غيرته للاطمئنان وطبعاً لما تغير السيور احسن ما تدفع اكتر بكتير في تغيير حاجات تانيه
بس عملياً اعتقد ان العربيه تعيش اكتر من كده عادي لان الحاجات دي معظمها بتتغير بدري لاسباب اقتصاديه للشركات مش اكتر يعني الكاوتش بيقولو 40 الف
انا مشيت بكاوتش الفابريكه 65 الف واديته لواحد حطه في داتسون بيك اب موديل 77 بتمشي يومياً في الارياف في طرق غير ممهده وهي محمله وماشي زي اللوز بقاله 4 سنين بيطحن ومقالش لأ
الشارك جنزير مش سير كاتينه فعادي انه يمشي المسافه دي مع تغيير الزيوت والفلاتر والتيل من غير خوفاقتباس:
المشاركة الأصلية كتبت بواسطة kholio
بس فعلا خالبالك لو سير الكاتينه اتقطع لاقدر الله فيها عمره ماتور وبالذات لو انتا بتسافر انا اتقطع مني لاني مكنتش عارف بيتغير امتا بجد اتضبط وحسيت ان الماتور بقي مش زاي الاول الاحسن الحق نفسك تغير سيور بس حتكلفك حوالي 700 جنيه سيور الماني والمكانيكي يكشفلك علي البلي والحاجات الباقيه تتغير ولا لا بس الاهم السيور
بس فعلا خالبالك لو سير الكاتينه اتقطع لاقدر الله فيها عمره ماتور وبالذات لو انتا بتسافر انا اتقطع مني لاني مكنتش عارف بيتغير امتا بجد اتضبط وحسيت ان الماتور بقي مش زاي الاول الاحسن الحق نفسك تغير سيور بس حتكلفك حوالي 700 جنيه سيور الماني والمكانيكي يكشفلك علي البلي والحاجات الباقيه تتغير ولا لا بس الاهم السيور
متفق معاكم انا هغير السيور والزيوت و احنا كدة بنثبت ان مواعيد الصيانة المعلنة من الشركات غير صحيحة او فيها مبالغة من اجل تحقيق مكاسب من قطع الغيار
بص يا باشا أنا جبت الـ 3 سيور الأصلية من عند واحد في الحرفيين اسمه أحمد جابر بـ 500 جنيه بس عربيتي 1600 مش عارف الـ 1300 نفس الوضع ولا أيه... وبعدها خدها لميكانيكي مضمون تثق فيه يركبهوملك وتبقى ماشي وانت مطمن.
الاحسن تجيب السيور من التوكيل
طيب انا كنت عايز اعرف هوا الميكانيكية بيعرفوا يظبطو العربية زي الفابريكة ولا التوكيل بس
ممكن تجيب حاجات من برة وتغير عند ميكانيكي
متابع