هو ده رقم قياسي في البومة 2009 ولا لأ

**pharmaman84** · 15-09-2010 02:16 AM

معايا عربية لانسر 2009 بومة 1300 مانيوال كلاسيك مصري عاملة اكثر من 91000 كم و عمر متعملها صيانة او اتغير فيها حاجة . ماعدا صيانة الألف و تغييرات الزيت وفلتر الزيت في مواعيدهم و تيل الفرامل . هو ده صح من ناحية التوفير ؟ ( والعربية زي الفل مشية ومبتفتحش بقها )

روحت بسيط على جدول الصيانات قلت يانهار اسود انا لو رحت التوكيل هناك دلوقت هحتاج تغيير بلاوي هتكلفني اكتر من الفين جنيه السيور و الزيوت كلها والفلاتر كلها .؟؟؟؟؟؟؟؟

مش عارف ايه الحل اخليني زي منا ولا ادفع ؟

**MAX_PIN** · 15-09-2010 02:51 AM

المشاركة الأصلية كتبت بواسطة pharmaman84

معايا عربية لانسر 2009 بومة 1300 مانيوال كلاسيك مصري عاملة اكثر من 91000 كم و عمر متعملها صيانة او اتغير فيها حاجة . ماعدا صيانة الألف و تغييرات الزيت وفلتر الزيت في مواعيدهم و تيل الفرامل . هو ده صح من ناحية التوفير ؟ ( والعربية زي الفل مشية ومبتفتحش بقها )

روحت بسيط على جدول الصيانات قلت يانهار اسود انا لو رحت التوكيل هناك دلوقت هحتاج تغيير بلاوي هتكلفني اكتر من الفين جنيه السيور و الزيوت كلها والفلاتر كلها .؟؟؟؟؟؟؟؟

مش عارف ايه الحل اخليني زي منا ولا ادفع ؟

لأ طبعا تروح تعمل الصيانة الى محتاجها العربيه خسارة
وبعدين تدفع الف ولا الفين جنية مش مشكلة بتدل ماتدفع آلاف بعد كده
ياراجل دانا عربيتى مكملتش العشر آلاف كيلو وبقول ناوى اعمل الصيانة وهى فى
9500 كيلو

**mahmoudzaied** · 15-09-2010 03:16 AM

خلى بالك سير الكاتينة ممكن فى اى وقت يتقطع
وساعتها هتعوج صبابت ومشاكل انتى فى غنى عنها روح التوكيل وظبط
وربنا يباركلك فى عربيتك

**kholio** · 15-09-2010 05:01 AM

في واحد زميل بشارك عامل 120000 كيلو

**Ralliart** · 15-09-2010 05:18 AM

مفيش مشاكل انا فضلت بسير الكاتينه لحد 95 الف كيلو بس غيرته للاطمئنان وطبعاً لما تغير السيور احسن ما تدفع اكتر بكتير في تغيير حاجات تانيه
بس عملياً اعتقد ان العربيه تعيش اكتر من كده عادي لان الحاجات دي معظمها بتتغير بدري لاسباب اقتصاديه للشركات مش اكتر يعني الكاوتش بيقولو 40 الف
انا مشيت بكاوتش الفابريكه 65 الف واديته لواحد حطه في داتسون بيك اب موديل 77 بتمشي يومياً في الارياف في طرق غير ممهده وهي محمله وماشي زي اللوز بقاله 4 سنين بيطحن ومقالش لأ

**Ralliart** · 15-09-2010 05:20 AM

المشاركة الأصلية كتبت بواسطة kholio

في واحد زميل بشارك عامل 120000 كيلو

الشارك جنزير مش سير كاتينه فعادي انه يمشي المسافه دي مع تغيير الزيوت والفلاتر والتيل من غير خوف

**ab_1090** · 15-09-2010 12:42 PM

بس فعلا خالبالك لو سير الكاتينه اتقطع لاقدر الله فيها عمره ماتور وبالذات لو انتا بتسافر انا اتقطع مني لاني مكنتش عارف بيتغير امتا بجد اتضبط وحسيت ان الماتور بقي مش زاي الاول الاحسن الحق نفسك تغير سيور بس حتكلفك حوالي 700 جنيه سيور الماني والمكانيكي يكشفلك علي البلي والحاجات الباقيه تتغير ولا لا بس الاهم السيور

**ab_1090** · 15-09-2010 12:43 PM

بس فعلا خالبالك لو سير الكاتينه اتقطع لاقدر الله فيها عمره ماتور وبالذات لو انتا بتسافر انا اتقطع مني لاني مكنتش عارف بيتغير امتا بجد اتضبط وحسيت ان الماتور بقي مش زاي الاول الاحسن الحق نفسك تغير سيور بس حتكلفك حوالي 700 جنيه سيور الماني والمكانيكي يكشفلك علي البلي والحاجات الباقيه تتغير ولا لا بس الاهم السيور

**pharmaman84** · 15-09-2010 10:26 PM

متفق معاكم انا هغير السيور والزيوت و احنا كدة بنثبت ان مواعيد الصيانة المعلنة من الشركات غير صحيحة او فيها مبالغة من اجل تحقيق مكاسب من قطع الغيار

**M.Al-Hefnawy** · 15-09-2010 10:29 PM

بص يا باشا أنا جبت الـ 3 سيور الأصلية من عند واحد في الحرفيين اسمه أحمد جابر بـ 500 جنيه بس عربيتي 1600 مش عارف الـ 1300 نفس الوضع ولا أيه... وبعدها خدها لميكانيكي مضمون تثق فيه يركبهوملك وتبقى ماشي وانت مطمن.