مساعدة في شوية صيانة فى العربية
السلام عليكم
كل سنة وحضرتكم طيبين جميعا
كنتعايز اخد رأيكم فى شوية شغل بسيط كدة
فية صوت مع المشى عامل فوووووو وكل ما السرعة تزيد بتعلى ولما بمور الفتيس مش بتختفى
تفتكروا دى بلي عجل زى ما خمنت ولا لأ
وبكام البلى الامامى النظيف والعادى عشان مجبش اى حاجة مضروبة لأنى مغيرة السنة اللى فاتت .
العفسة عندى كويسة الحمد لله بس فية صوت تكة محدش عارف يطلع مصدرها
مش بتظهر غير فى النقر واحيانا وانا نازل من مطب او فى الارض العالى والواطى .
بس فية 3 صنايعية من ضمن اللى روحتلهم قالولى دة الاستبليزر والباقى حاجات كتير اوى واللى يحور عاليا ويقولى مساعد .
اخر حاجة التكييف مبقاش يسقع زى الاول خالص يمكن بالليل بس تحس بية و على 3 كأنة على 1 .
انا اسف على الاطالة ومستنى ردود الخبرا والاعضاء .والف شكر