سلام عليكم ياشباب
انا ان شاء الله هاجوز فى خلا 3 شهور وللاسف هنعملفرح
دلوقتى ايه نصايحكم ونجاربكم
ايه الاماكن المناسبة والكويسة
ممكن حد يدلنى
بيقولوا نادى نقابة المهندسين الا فى اكتوبر كويس
حد عنده فكرة
عرض للطباعة
سلام عليكم ياشباب
انا ان شاء الله هاجوز فى خلا 3 شهور وللاسف هنعملفرح
دلوقتى ايه نصايحكم ونجاربكم
ايه الاماكن المناسبة والكويسة
ممكن حد يدلنى
بيقولوا نادى نقابة المهندسين الا فى اكتوبر كويس
حد عنده فكرة
فلوسك كام ؟؟؟؟؟؟؟؟؟؟؟
كام فرد ؟؟؟؟؟
نادى نقابةالمهندسين شفتة من برة شكلة كويس ونضيف
بس المكان بيتوقف على امكانيات اللى معاك دلوقتى هى اللى هتحدد
والف مبروك وربنا يتمملك على خير ان شاء الله
وفر فلوسك و اتفق مع مطعم كويس و بتاع فراشة و اعمل الفرح على سطح العماره بتاعتك
كده ممكن تصرف في حدود 6 الاف بالفرقة بكل حاجة
غير كده أقل مكان هياخد الضعف و انت اولى بالفلوس
و حط في حسابك ان فيه بعد الجواز مصاريف بالهبل و جاية ورا بعضها من حمل و متابعة و ولاده و بااااااااااامبرز و تطعيمات و دكتور اطفال و حوارات مالهاش آخر
الستات طلباتهم مش هتخلص و كل ما انت توافق على حاجة تلاقي حماتك اخترعتلك حاجة جديده تنفخك بيها
دور الجيش هي ارخص و افضل حاجة انزل صلاح سالم خد لفه عليهم و اعرف الاسعار
بس اعتقد المركبات و المدرعات افضل حاجة في الرنج المتوسط
و مبروك مقدما
هقولك عن التجربه بتاعتى
انا ان شاء الله فرح اختى خلال شهر 10 الجاى
و الفتره اللى فاتت شوفنا قاعات كتيييييييييير معظمها قاعات جيش
دار الدفاع - دار المشاه - دار الهيئه الهندسيه - نادى الشرطه - دار المدفعيه - دار الحرب الالكترونيه و حاجات تانيه كتيير كلها تقريبا فى صلاح سالم و مدينه نصر
احنا عاملين الفرح ل 150 فرد اقل سعر ممكن تلاقيه 12000 تقريبا و الفرح المتوسط بيعمل فى حدود 15000 او 18000 الاختلاف غالبا بيكون فى البوفيه بس ده متوسط الاسعار تقريبا
و يا رب اكون قدرت افيد حضرتك
طيب انا اختي كانت حتعمل في دار المدفعيه 100 فرد
وكان بوفيه وسط
وكان حيتكلف 25000 جنيه
طبعا استحرمنا
وعملناه فوق سطح الفيلا بتاعتهم
وفراشه وبتاع
وجبنا البوفيه من الشيف سرحان
الموضوع اتكلف بتاع حوالي 15000
انا بقي ان شاء الله اما حعمل فرحي
حأجر فيلا بجنينه
واعمل فرحي open area
معتقدش حيكون مكلف زي القاعات
وفيه حل الناس كلها بتعمله دلوقتي ومش مكلف خالص
بيكتب كتابه في قاعه كبيره
ويعزم خلق ربنا اللي يعرفهم واللي ميعرفهمش
وشيكولاته وعصير ب2000 جنيه
وتييييت تيييييت وزفه وعربيات وزيطه
ويروح علي بيته
وتاني يوم يسافر يتفسح هوا ومراته في حته ميه ميه
ويبقي ذكريات بالصور
مش تعمل فرح وتصرف اد كده
وتيجي الستات القراشانات تتريق وتقولك شفت العروسه مش عارف ايه والعريس ايه وام العروسه وام العريس
وعلي ايه ياعم الصداع ده
متابع بس الأسعار اللى اسمع عنها أغلى من كده بكتير متأكدين من الأسعار اللى مكتوبة ديه ؟؟؟؟؟؟
ياباشا متروحش تسأل في الماسه وسيميراميس كونت نينتك
:)
دي اسعار المتوسط
العادي يعني
وعدد الافراد بيفرق جدا جدا
اطلع على نادى حرس الحدود
امام جنينة الاسماك
انا لسه عامل فرحى هناك من شهرين
هتلاقى كل اللى انت عايزه
وهتدعيلى
ومبروك مقدما
وربنا يعينك على اللى هتشوفه
دارات الجيش ... أفضل أسعار و خدمة كويسة , و مبروك مقدماً :))
انا دخلت نادي المهندسين اللي في اكتوبر, و فعلا كويس جداا, لكن الفكره في الاسعار.!!!
انا ماعنديش خلفيه عنها, لكن مش هتقل كتيير قوي عن بره في قاعات الجيش و بوفيه قليل او بدون...
ليا صديق فرحه يوم 6 اكتوبر ان شاء الله, و حجز في دار المركبات تقريباً بدون بوفيه
و الموضوع كلفه 9000 تقريباً... و دي اقل حاجه ممكن تلاقيها في القاهره
ممكن تخليها سوفت درينكس بس (مشروبات سخن و ساقع فقط),
ممكن كمان تخليها مشروبات + اكل خفيف و بسيط (مش بوفيه),
ده لو شايف ان بدون بوفيه هيبقى شكلها وحش...
رأي لو الفلوس هتقصر معاك شويه, انك تعمل حاجه مش كبيره في مطعم او مركب
من اللي على النيل, اظن هيتكلف اقل او في حدود 8000 مثلا, و الاكل هيكون معقول,
ده لو الفكره تناسبك عموما... في ناس بتعمل الفرح في يخت دورين في النيل بردو,
و بيكون كويس قوي, و مش غالي على فكره, و مش تقليدي...
ربنا يوفقك و يتمهالك على خير ان شاء الله, و ألف مبروووك...
+111111111
كلام سليم فعلا, لكن ممكن السعر يقل لو بدون بوفيه... و مش عيب على فكره
انا شخصياً اكتر حاجه بكرها في الافراح هي البوفيه, و عمري ما اكلت في بوفيه اي فرح او خطوبه
ده رأي بصراحه في موضوع البوفيه ده...
جوز اختي كان نفسه يعمل الفرح Open Air... و الموضوع كان فكرته جديده و محمس جداا
الاول كان عايز يعمله في لسان الوزراء في مارينا, على البحر مباشرة, و على الشط نفسه...
لكن حصلت شوية مشاكل كده في موضوع التصاريح بسبب وزير (لطيف) بدون ذكر اسمه
احنا اقترحنا عليه يعمله هنا في اي مكان, و يخليها في القاهره افضل بدل مشوار الساحل الشمالي
لينا و لكل الناس اللي اتعزمت... مع انه كان في الصيف بردو, و كان يوم حفلة عمرو دياب كمان :))
لكن الفكره كانت محمسه, و هما الاثنين كانوا مقتنعين جداا بيها, و اقنعنا ان ده هيكون مميز اكتر (عنده حق طبعاً)
قرر يعمله في جنينة فيلته في مارينا بردو... و بلاش اقولك الفرح اتكلف كام لانه كان صدمه
غيييييييييييييير طبيعيه او متوقعه, و من ساعتها و لحد اللحظه دي (سنه) مش فاهمين
الرقم ده ازاااااااااي, و لييييييييه...!!!!!!! مع ان الفرح كان تحفه فعلا, و جديد في كل حاجه اتعملت فيه
الخلاصه... احسبها الأول, و احسبها كويس, لان تجهيزات اي فرح Open Air كتيييييييييييييير قوي
و مش هتتخيل التجهيزات كتيير و مرهقه قد ايه, و مكلفه بردو قد ايه... الفكره ممتازه بس لو محسوبه
لكن الأكيد, ان الفرح هيتكلف اكتر من تكلفة عمله في قاعه شيك جداا و بوفيه محترم كمان...http://www.nilemotors.net/Nile/image...ajd%284%29.gif
متابع باهتمام
حضرتك احنا لما سألنا على الافراح مثلا فى نادى الشرطه كنا بنسأل على فرح بامكانيات معينه كان هيتكلف 18000 تقريبا و انا رايح فرح فى نادى الشرطه يوم الجمعه متكلف 43000 نفس المكان ممكن الرقم يختلف فيه اختلاف كبييييييييييير على حسب الفرح نفسه و العدد و البوفيهاقتباس:
متابع بس الأسعار اللى اسمع عنها أغلى من كده بكتير متأكدين من الأسعار اللى مكتوبة ديه ؟؟؟؟؟؟
معلش انا مش قصدى ادايق حضرتك بس صعب جداااااا ان لم يكن مستحيل تحجز الفرح دلوقتى و تلاقى وقت فاضى فى شهر 10 احنا حاجزين بقالنا فتره و حجزنا يوم 16/10 كان اليوم الوحيد اللى فاضى فى شهر 10 لازم تحجز قبل الفرح بشهرين او 3 شهور على الاقلاقتباس:
طبعا المعلومات مفيدة قوى خصوصا انى الفرح فى نفس الفترة
استقرينا على دار الهيئه الهندسيه بصراحه جامد و اسعره كويسه و الفرح هيتكلف 15000 تقريبااقتباس:
طيب ممكن تقولى استقريتم على ايه
وايه الحاجات الكويسة الا شفتوها
و فى حاجات كويسه كتير بس صدقنى لازم حضرتك تنزل تتفرج بنفسك عشان القاعات ازواق ممكن قاعه تعجبنى و متعجبش حضرتك
اتفرج فى الهيئه الهندسيه و فى المدفعيه و فى الشرطه و الدفاع ممكن برده
اه معايا بس للاسف مش هعرف ارفعهم عشان الاسكانر مش شغالاقتباس:
وياترى معاك بورشور ليهم
بس لو حضرتك عاوز تعرف اى معلومه من البروشر اسال و انا هجاوبك ان شاء الله
دار ضيافة جامعة عين شمس
قاعات مكيفه او حدائق
جامد جدا و اسعاره هتعجبك قوى
اولا الف الف مبروك
ثانيا انا هاقولك على فكره اكتر من ممتازة (من وجهة نظري طبعا )
....* اعمل الفرح (كتب كتاب فقط ) فى مسجد الرحمن الرحيم او مسجد الشرطه ( تكلفه حوالي 2500 شامل المأذون و القاعة و التصوير )
....* خد الناس و اطلع على حديقة الازهر و اعزمهم فى اي حته هناك (تكلفة حوالي 4000 ) دا لو انت هاتقعد فى اي كافيه هناك (وممكن تنفض لحوار العزومه اصلا)
....* خد باقى الفلوس و اطلع رحلة تركيا او ماليزيا او حتى تايلند (تكلفة حوالى 10000 - 15000 ليكوا انتو الاتنين)
و بكدا
1- هاترضي ربنا ( مفيش اغاني ولا رقص ولا حاجات تغضب ربنا )
2- عرفت تعمل شهر عسل و هاتتفسح فى اماكن غالبا مش هاتعرف تروحها بعد الجواز تاني نظرا لظروف البلد المنيله و اللى ماتطلوش النهارده مش هاتحلم بيه بكره
طبعا انا مش قصدي اقول ان الناس اللى بتعمل افرحها فى قاعات دي ناس وحشه (لا سمح الله ) بس معظم الناس دي بعد الجواز بكام شهر تقول نفس الجمله (بالزمه مش كنا صرفنا الفلوس دي على الفسح ولا جبنا عربيه ولا غيرنا العربيه احسن من ............)
و اخيرا الف مبروك كمان مره
(بس فكر تاني فى موضوع الجواز يابني:eee: ... شكلك ابن ناس:36_1_58[1]: و مش وش بهدله :8954[1]:)
بس بصراحه الاوبن اير فكره حلوه جدا جدا جدا
وجوه حديقة الازهر فى حته كانت بتتعمل افراح اوبن اير و حفلات صباحية كمان كانت حلوه اوي (قريبه من ليك كافيه )
انا حضرت فرح فى بلاين اير فى جمعية عرابى ال100 فرد ب22000 الف جنيه وعندك فيلل المنصورية والمريوطية ايجارها من ل2500 ل4500 دة غير لوازم الفرح وفى نادى المعلمين اللى فى الاوبرا قاعاته كويسة الكبيرة ابن عمى كان عامل فرحه فيها 300 فرد ب6000 ولو اوبن بوفيه بتزيد 2000 جنيه وفى قاعات نادى القوات المسلحة اللى فى المعادى كانت واحدة عاملة خطوبتها فيه 250 فرد القاعة والانوار والدى جى والبيبسى ب2500 جنيه والفرح تقريبا يلعبله فى 5000 او 6000 وفى فرع تانى لنادى القوات المسلحة فى الزمالك
معلش يا باشمهندس حضرتك بجد لفت نظرى انى متاخر قوى ومش عارف اعمل ايه
ممكن لوسمحت تقولى ارقام التليفونات؟
ومعلش اصل انااول مرة اجوز
:120146b
فيه ايه تانى المفروض اعمله.......فيه تجهيزات تانى غير الفرح
معلش ممكن تقولى اعمل ايه وايه تانى الا المفروض اابدء اجهزهغيرالفرح
الف شكر
الف مبروك مقدما
غازى باشا الفرح اتكلم كام قولى بس علشان الواحد يبقى واخد فكره وايه متوسط الاسعار لو هعمل فرح ف الهواء طلق بتأجير فيلا وكده عايزين نفيد ونستفاد ونظبط العريس والف مبروك يمان
دار ضباط الاشاره
0222906625-0224170950-0224196801
دار المشاه
0222613655
دار الامداد و التموين
0224182366
دار ضباط الحرب الكيميائيه
0222907177
بنسبه لتجهيزات الجواز
فانا 21 سنه لسه متجوزتش مقدرش افيدك اوى
بس ممكن تتأكد ان الشقه كل حاجه فيها متوضبه
لو حضرتك ناقصك ملابس تشتريها
لو ناوى تأجر عربيه للزفه تدور على عربيه كويسه
مش عارف فيه ايه تانى
ممكن حد من المتزوجين يفيدك اكتر منى
مممممممممممممممممممم
بصراحة الفرح بيكون تحفة فمكان open area
وكمان الميزة انك تقدر تتحكم فلتكاليف اللي انت عاوزها من الف لميت الف
ممكن المكان يتزوق بديكورات رقيقة وبسيطة جدا ومنظر الخضرة طبيعي فلجنبنة مبيحتاجش بهرجة كتير
وممكن تعضو فتكاليف تانية زي فرقة موسيقية مثلا
مطرب لو تحب
او حتي DJ
بصراحة هتتحكم فلمصاريف علي اد ميزانيتك
وهتتحكم فلبوفيه اللي انت عاوزة كمان
وتجيب طقم سيرفيس كويس للمكان
الناس كلها هتكون مبسوطة بدل الاماكن المقفولة والخبط والرزع
ويسلام لو طقم كمنجات وموسيقي سلو بدل الخبط والرزع والرقص والهبل اللي بيحصل
انا اخويا عمل فرحة فأوبن اريا علبسين بس كان الاطفال مشكلة كبيرة جدا كلهم بيجروا علبسين عشان البلالين والمكان عميق جدا جدا فدي كانت اكبر مشكلة
وكمان كان ال DJ مقرف فعلا وكرهني فنفسي
---------------------
لو تحب حضرتك ارشحلك مكان سعره متوسط
جولف السليمانية.. الفرح ممكن يكون اوبند او في قاعة
وفي كذا اوبشن للبوفيه
وكمان متهيألي في اقامة يومين ممكن تلغيها لو تحب
واحلي حاجة بقي انه بعيد فمش كل من هب ودب هيجيلك الفرح
اخر حاجة سمعتها كانت تقريبا 17 الف
وقابلة للنقصان طبعا
معلش معلش هي اول مرة كدااقتباس:
ومعلش اصل انااول مرة اجوز
فلمرات الجية هيكون الموضوع اسهل
وفي الاعادة إفادة ;)
بارك الله لكما وبارك عليكما وجمع بينكما في خير
بلاش جولف السليمانية هيترفع عليها قضية قريب وممكن يحجزوا عليها فجأة والفرح شغال...انا حذرتك.:N_no[1]:
فرح اسلامي هيريحك كتييييييييييييييييييييييي يييييييير جدا خاصة لو اتنظم كويس اقسم بالله بدون مبالغة الناس هتبقي خارجة من الفرح بتدعيلك ويبقي نفسهم في فرح زي ده كل يوم هتحتاج مكان تعمل فيه وليمة ممكن في المسجد او مكان قريب منه ويكون مسجد كبير وتشوف شيخ محترم يلقي كلمة او محاضرة في المسجد وفيه بيجيبوا طفل يفتتح بالقرأن الكريم يكون صوته عذب.......المهم التنظيم الكويس في الأفراح الأسلامية بيدي جو مختلف تماما عن الأفراح العادية اللى الناس فيها بتبقي زي مبتروح زي مابترجع .
لو 150 فرد وعايز حاجة في اوتيل 5 نجوم وجامدة جدااااااااا ومنتهى الشياكة وبوفيه refill
عليك وعلى فندق بيراميزا اللي قدام شيراتون القاهرة .. ال 150 فرج ب 25 الف وحاجة تحفة جدا
وفندق سونستا فيه قاعتين .. القاعة الصغيرة اسعارها معقولة جدا والمكان برضه يجنن
بس تاخد 120 بالعافية وبرضه تكلف في حدود ال 25
ونوفوتيل المطار كمان حلو اوي ويتكلف برضه 20 -30
بس قاعة بيراميزا اكبرهم واشيكهم ..
ونادي الشرطة اللي في الجزيرة عندهم قاعتين مناسبين ليك .. قاعة بتاخد 100 فرد وممكن لحد 150
وقاعة بتاخد من 150 لحد 200 او 250
وشيك جدا جدا والمدخل بتاع النادي حلو اوي واكلهم ممتاز ( مختلف تماما عن نادي الشرطة مدينة نصر )
القاعة الصغيرة 17000 شاملة كل حاجة ماعدا كام حاجة صغيرين كده مش هيكملوا 1000 كمان
والقاعة المتوسطة 23000 برضه شاملة كل حاجة
عندك بقى دور الجيش مستويات مختلفة
انا بصنفهم 3 مستويات اسعارهم بتبدأ من 13 الف او اقل شوية لحد 50 الف
لو عايز تفاصيل اكتر انا عندي كل برشورات دور وفنادق مصر
لو عايز بقى حاجة هاي كلاس اوي ..
نظام جراند حياة وسميراميس وكونراد ومينا هاوس
فدول اسعارهم بتكون متوسط 150 فرد ب 45 - 50 الف
والفرد الزيادة 250 - 300 جنيه
انا لسه لافة على كل الاماكن دي من شهرين بالظبط
ولو بس تقولي ميزانيتك كام هقولك على المكان المناسب وهتكون مبسوط انت وعروستك ان شاء الله ..
والف الف مبروك وربنا يتمملك على خير وعقبالي :)
اعملهم سكان كلهم صعب اوي ..
انا ممكن اعمل للحاجات المناسبة لميزانية حضرتك وعدد افرادك ..
بالنسبة لنادي الشرطة اللي في الجزيرة انا عملت خطوبتي هناك من شهرين ..
ودار الهيئة اتفرجت على كل قاعاته لكن محضرتش فيه .. ناس حضرت وقالتلي تعليقاتها ..
بصراحة المكانين كويسين .. بس بالنسبة لمدخل النادي او الدار من بره .. مدخل نادي الشرطة تحفة بمعنى الكلمة احلى من مدخل دار الهيئة ..
بالنسبة لمستوى القاعات المكانين حلوين جدااااا
نادي الشرطة القاعتين الصغيرة والمتوسطة شيك اوي .. ودار الهيئة فيه قاعة عايدة ستايل فرعوني وقاعتين تانيين لسه كانوا عاملين فيهم تجديدات وشكلهم ما شاء الله جميل جدا ولسه جداد ..
يعني بصراحة المكانين كويسين اوي .. والاختيار بينهم صعب ..
انا ساعتها كنت مجبرة اعمل في الشرطة عشان مكنش فيه مكان فاضي في الوقت ده ..
انما لو كان في ايدي اختار كان هيبقى صعب جدا لان المكانين كويسين ..
وكده كده ممكن تزود على البوفيه لو قلقان انه مش هيكفي ..
هعملك سكان للبروشورات بتاعتهم ..
ولو سمعت عن اماكن تانية عايز بروشوراتها قولي وانا اعملها سكان لحضرتك ..
وربنا يتمم على خير ان شاء الله ..
صحيح نسيت اقول كمان على دارين حلوين اوي .. بس الميزانية هتعلى شوية عن الشرطة والهيئة الهندسية
عندك دار الامداد والتموين .. ودار الاسلحة والذخيرة ..
هعملك سكان برضه للبروشورات بتاعتهم ان شاء الله ..
الف شكر لحضرتك وفى انتظار البروشورات
وياريت كمان لو حضرتك عارفة حاجة عن فندق الماسة
شكرا
ده نادي الشرطة الجزيرة القاعتين الصغيرة والمتوسطة ..
http://store2.up-00.com/Sep10/9lx03728.jpghttp://store2.up-00.com/Sep10/GJU03728.jpghttp://store2.up-00.com/Sep10/Tmo03728.jpg
http://store2.up-00.com/Sep10/NaU04235.jpghttp://store2.up-00.com/Sep10/MZ204235.jpghttp://store2.up-00.com/Sep10/iDf04379.jpg
دول دار الهيئة الهندسية .. بس القاعات الجديدة مغيرين اساميها معرفش الاسامي الجديدة ايه .. اللي هما كانوا الخضراء والجريل .. اعتقد بقت الياسمين وحاجة كمان ..http://store2.up-00.com/Sep10/x4g04234.jpg
دول الاسلحة والذخيرة
عندهم قاعة قصر الشةق تحفة وجميلة جدا وبيعجبني شو التورتة وبحس انهم منظمين جدا ..
http://store2.up-00.com/Sep10/60V04379.jpg
http://store2.up-00.com/Sep10/uyc04379.jpg
ده دار المدفعية .. قاعة حورس حلوة جدااااااا جدا .. اقاعة النيل معقولة بس مش في جمال حورس
ودار الدفاع القاعات الصغيرة .. (دار الدفاع ليه قاعات تانية بس انا مش حاطاها ) لو عايزها احطهالك ..
http://store2.up-00.com/Sep10/8L904737.jpghttp://store2.up-00.com/Sep10/qJP04737.jpghttp://store2.up-00.com/Sep10/iTO04737.jpg