الى كل وحوش الدايو طلب منكم نصيحة
انا عربيتى لانوس 1 موديل 1999 اتوماتيك - عاملة 129000 كم اول امبارح لفيت بيها كتير فى القاهرة الزحمة و الاشارات الصعبة بتاعت القاهرة و عملت حوالى 130 كم و كانت العربية فايقة و زى الفل و سحبها و صوت موتوها 100% رجعت البيت و ركنت فى الجراج و الصبح تانى يوم بدور لاقيت دخنه بيضا طالعة من الشكمان و كل لما ازود يطلع برده دخان ابيض و ده طبعا بعد ما سبيت العربية تسخن الاول . المهم رحت للميكانيكى بتاعى و شاف و بعدين قالى ده يا كوتش صباب او شنمبر حنفتح الموتور و نشوف ( مع العلم انى كان فيه موضوع فى المنتدى كنت بشتكى منه من نقص الزيت بتاع الموتور ) المهم فتح و وقالى ده طقم شنمبر و الحمد لله الشميز كويس
و انا شاء الله حستلم العربية كمان يومين
السؤال بقى : هل طقم الشنمبر محتاج تليين ؟ و التللين ازاى و لمسافة كام ؟
و لكم 1000 شكر
المفضلات