سؤالين بخصوص البطاريه الجافه

**ecybrarian** · 16-03-2008 05:48 PM

البطارية لا تفقد شحنها إلا إذا كان هناك تهريب أو استخدام لها والموتور مطفي (مثل إنذار شغال عمال على بطال أو نور متساب منور...إلخ)
أما " ليه أصلاً بنسخن العربيه عشان البطاريه ما تبوظش؟" الفكرة إن الدينامو هو إلي بيشحن البطارية والدينامو مبيشتغلش إلا والموتور شغال..يبقى لازم نشغل الموتور علشان نرجع ما يمكن أن تكون فقدته البطارية من شحن نتيجة الاستخدام اثناء طفي الموتور.....مش عارف ليه عاسس ان كلامي ده مش مفهوم :-)
خلوني أضرب مثل:
الموتور مطفي..والكاسيت شغال..يبقى الكاسيت واخد الباور (الكهربا) بتاعته من البطارية..يبقى البطارية بتفقد بعضا من شحنها تدريجيا (يمكن قياسها بأجهزة قياس الكهربا)...يتم تشغيل الموتور..الدينامو يشتغل ويعيد للبطارية ما فقدته من شحن (نقيس مرة اخرى)
الحالة الثانية:
الموتور مطفي.. ونور العربية منور..النور ياخد كهربا من البطارية...البطارية تفقد شحنها تدريجيا حتى تصبح غير قادرة على تشغيل المارش وبالتالي العربية لن تدور والدينامو لن يعمل...الحل إعادة شحن البطارية عن طرق أخرى (التونجر مثلا أو توصيلة من بطارية أخرى Jump أو زفة وترمي عالتاني) مع العلم الزقة لا تعيد شحن البطارية بل تسمح بتشغيل الموتور وبالتالي الدينامو الذي هو إللي يقوم بشحنها..

والله أعلم

**ecybrarian** · 16-03-2008 05:57 PM

نسيت أقول إن استهلاك البطارية (أي التفاعلات داخلها) يؤدي إلى تآكل الرصاص والمواد الموجودة بالداخل وبالتالي عدم قدرة البطارية على شحنها لأخر طاقتها. زي ما قال أخونا واستاذنا سبعاوي (كما نحسبه عند الله)

**Ahmad Allawy** · 16-03-2008 08:48 PM

بيتهيألي كده مفيش حاجة تانية ممكن تتقال..
الف شكر يا جماعه علي المشورة والمعلومة..

**marsguy** · 18-03-2008 10:18 AM

الف شكر يا جماعه على المعلومات المفيده بجد

بس أنا لي إستفسار أخير وما حدش رد عليه

- هل مجرد تسخين السياره كافي لإعادة شحن البطاريه، أم يجب أن أقود السياره على سرعات عاليه حتى يبدأ المولد في شحن البطاريه؟

أصل أنا محتار؟

أنا قرأت هنا في المنتده إن لما الواحد يسخن الموتور أو لما الموتور بيدور على عدد لفات قليله لفتره كبيره ده بيؤدي إلى تكون أحماض تؤدي إلى تلف وتآكل الموتور.

طيب إذا كات تسخين الموتور مش كفايه إنه يشحن البطاريه، وإني لازم أطلع بالعربيه وأمشي بسرعات عاليه إلى حد ما عشان البطاريه تشحن، يبقى كده المفروض ما أسخنش العربيه خالص بهدف المحافظه على البطاريه، مش كده؟؟؟؟؟

لكن لو مجرد تسخين العربيه كافي لشحن البطاريه أو لإعادة تعويض الشحن المفقود لسبب أو لآخر فا ده معناه إن تسخين العربيه شئ مجدي؟؟؟؟

شكراً

**MMamdouh** · 18-03-2008 11:12 AM

مش لازم سرعات عالية يدوبك مشوار فى الرفيع بتاع 200 او 300 كيلو كدة :D

مش شرط فعلا سرعات عالية بس لو مشوار 10 او 15 دقيقة يبقى كويس عشان تحافظ على البطارية و الموتور

MMamdouh

**جمال** · 19-03-2008 12:06 AM

السلانسيه لايشحن البطارية لأنه يادوب يعوض اللى فقدته البطاريةة فى مارش الدوارة
لازم تمشى بالعربية مشوار محترم و مش مهم سرعة عالية

**Abdm** · 07-04-2008 04:39 PM

طيب يا جماعة معلش ايهما أفضل البطارية الجافة أم السائلة

**جمال** · 08-04-2008 02:11 AM

اكيد الجافة احسن
انا مجربها فى عربية جديدة و كذلك عربيات مستعملة
ليس لها صيانه - ضبط ميه و حامض و خلافه
عمرها اطول
تتحمل ركن السيارة لمدد طويله
من المهم جدا مراجعة شحن الدينامو قبل تركيب البطارية الجافة الجديدة

-

-

الموضوع: سؤالين بخصوص البطاريه الجافه

LinkBack

أدوات الموضوع

عرض

-

-

-

-

-

المواضيع المتشابهه

البطاريه الجافه

البطاريه الجافه اتكسرت

كيف نحافظ على البطاريه الجافه a c d aliko

هى البطاريه الجافه بيتعملها صيانه

البطاريه الجافه بتنزل ميه؟؟؟؟؟؟؟ ازاي؟؟؟؟؟

الكلمات الدلالية لهذا الموضوع

المفضلات

المفضلات

ضوابط المشاركة