الموضوع: فابيا 1200 سى سى موديل 2005

يا جماعه انا عايز اعرف رأيكم ايه هل فعلا فى مشاكل فى الفابيا ال 1200 لأن ناس بتقولى انها 3 سلندر ومشاكلها كتير
هل فعلا كل ال 1200 3 سلندر ولا فى حاجات 4 سلندر.

ولو حد وجد مشاكل ياريت يقولها؟؟؟؟؟

الفابيا ال1200 فى منها 3 سلندر و 4 سلندر بس انا عمرى ما شفت راحد 3 سلندر ، كل اللى شفته كان 4 سلندر

و مشاكلها زى مشاكل الاسكودا بوجه عام ، التوكيل بمزاج و قطع الغيار شوية غالية بس معمرة و سعر إعادة البيع بيكون فيه خسارة

بس رأيى الشخصى انها عربية تستاهل استهلاك بنزين مفيش ، ثبات حتى على السرعات العالية ، واسعة نسبياً مقارنة بفئتها و فى الاول و الاخر فولكس.

و فى الفئة الصغيرة ده مش هتلاقى عربيات كتير المانى او حتى اوروبى و لو قارنتها بالi10 أو البيكانتو أو الاونو او الماروتى هتلاقيها تكسب بإكتساح بس لازم تكون متأكد من حالتها لو هتشتريها مستعملة و بالذات حالة الموتور عشان المواتير ده حمالة أسية بس لما تفتح بتكون مصيبة