اشتريت ميجان و محتاج رايكم

**osamasindbad1** · 16-09-2010 01:50 PM

الحقني يا عم شاركي
السلام عليكم
انا متايعكم هنا من فتره وانتم اللي شجعتوني اشتري ميجان وخصوصا الاستاذ شاركي عشان كده انا طالب مساعدتك لاني متلخبط جامد اوي.
انا اشتريت ميجان من اسبوعين موديل 2006 فتحة سقف وانا كنت فاكر انها مادام فتحة سقف تبقى فيها كل الكماليات بس اكتشفت انها مفيهاش مثبت سرعه وطبعا الفرش الجلد وحساسات الاكصدام الخلفي وبعدين عرفت ان مش كل فتحة سقف تبقى بانوراما يعني اللي عندي مش بانوراما زي ما انا فهمت انما فتحة سقف عاديه وده اللي ما كنتش اعرفه قبل ما اشتري. العربيه حالتها كويسه رشه اكصدام امامي وخلفي وتمنها 70 الف هل كده غاليه ولا معقوله لاني لما اشتريت كنت فاكرها كامله بس من غير فرش جلد قلت مش مشكله الفرش لكن بالشكل كده ما طلعتش بانوراما ولا مثبت سرعه واغتقد فيه حاجات تانيه ناقصه وانا ما اعرفش ياريت حد يفهمني لو سمحتم. ثانيا انا باحس بنتشه في العربيه لما تيجي تنقل من غيار للغيار اللي بعده وانا كنت فاكر الموضوع ده في موديل 2005 بس انما انا باحس بيها في العربيه رغم انها موديل 2006 وحسب كلام اللي باع لي اخر 2006 ياريت حد يفهمني واسف اني طولت عليكم لكن معلش اعذروني بس عايز افهم وشكرا.
اسامه سلامه

**Sharky** · 16-09-2010 02:01 PM

مبدئيا اى ميجان فتحة سقف لازم تكون كل الكماليات

ممكن صورة فتحة السقف اللى عندك علشان نعرف دى اصلى و لا متركبة

و الميجان اصلا مابتنزلش بحساسات خلفية

و بالنسبة لإنها بتنتش فى كل غيار كده اكيد الفتيس فيه حاجة
لازم تروح تكشف عليها فى التوكيل علشان تعرف السبب

و علشان نعرف سعرها معقول و لا لأ هى عاملة كام كم ؟

**osamasindbad1** · 16-09-2010 02:15 PM

لا فتحة السقف اصليه مش تركيب انا كان معايا واحد من التوكيل وانا باشتريها
ثانيا هي مفيهاش مثبت سرعه ولا فرش جلد ومعايا زميل جزائري معاه رينو هاتشباك هو اللي قاللي على موضوع البانوراما ده.
العربيه عامله 104 الف كم بس حالة الموتور وحالة العربيه كويسه. يعني فتحة السقف كلها واحد في الميجان مفيش اختلاف ولا ايه
وموضوع النتشه في الفتيس مش جامده بس باحسها يبقى لازم اروح بيها التوكيل

**Sharky** · 16-09-2010 02:32 PM

الرينو الهاتشباك هى اللى فتحة سقفها بانوراما
لكن السيدان بتبقى كبيرة شويه عن باقى العربيات لكن مش بانوراما زى الهاتشباك

بالسبة للسعر معقول طبقا ان حالتها حلوة

**osamasindbad1** · 16-09-2010 02:53 PM

انا متشكر جدا يا استاذ شاركي على ردودك وهو ده العشم والله انت من الناس الل شجعوني على شراء الميجان رغم كل التحذيرات لكن عجبتني ردودك وخللتني اطمن واشتري. ياريت تستحملني شويه لاني بعد كده ها احتاج اسالك كتير لاني مش خبره اوي في العربيات وها احتاج مشورتك لو ممكن وانا متشكر لك .

**fox198626** · 16-09-2010 05:04 PM

ألف مبروك عليك يا أستاذ أسامه...وربنا يديلك خيرها ويكفيك شرها....بس ياريت حضرتك أهم حاجه دلوقتى تعمل كشف كامل عند التوكيل..وتشوف أى حاجه فيها عايزه تتظبط ..عشان تستمتع بعربيتك تمام...وعلى كلامك إن شاءالله تكون مش محتاجه حاجه أوى.

**midohits** · 17-09-2010 01:53 PM

والله الواحد مش عارف يحكم ومش اقدر افيدك ، علشانانا مش بانوراما او فتحت سقف ، بس اللي اعرفه بدال العربيه بانوراما يبقه فيها كل الإمكانيات بس يمكن هيا كانت في اوائل 2006 phase 1 ياعني اول موديل 2006 ، بس الله اعلم ، وموضوع النتشه في الفتيس دي على ماأظن كل اللي راكب ميجان بيلاحظها طبعا بس مع اختلاف النتشه قوية ولا ضعيفه ، ومبروك عليك مره تاني ، واحنا هنا تحت امرك في اي حاجة ، هاتلاقينا كلنا معاك

**Elsarrawy** · 17-09-2010 02:04 PM

انا عربيتي موديل 2006 وفيها بانوراما (فتحة سقف) ومثبت ومحدد سرعة والفتيس مابتبنش النتشة فيه غير نادراً يعني لما بغير نمط سواقتي وامشي على الهادي بعد ما كنت بمشي جامد وبشد

**osamasindbad1** · 17-09-2010 02:43 PM

هو اللي باعها لي قاللي انها اخر 2006 بس هل ممكن في نفس السنه يحصل تعديل على الموديل ثانيا موضوع النتشه ده بيظهر معايا اكتر في الغيار من الاول للتاني عن السرعات العاليه شكلي لازم اروح التوكيل علشان اعرف راسي من رجلي واطمن . عندي سؤال تاني لو سمحتم الجنوط اللي عندي عرضها 215 والمفروض الاصلي تكون 205 هل عرض الكاوتش ده ممكن يأثر على ثبات العربيه او يخلليني احس بالمطبات اكتر من اللازم ولا مالوش تاثير وانا شاكر ليكم

**Sharky** · 18-09-2010 12:37 PM

المشاركة الأصلية كتبت بواسطة elsarrawy

انا عربيتي موديل 2006 وفيها بانوراما (فتحة سقف) ومثبت ومحدد سرعة والفتيس مابتبنش النتشة فيه غير نادراً يعني لما بغير نمط سواقتي وامشي على الهادي بعد ما كنت بمشي جامد وبشد

هو دا السبب الرئيسى لنتشة الفتيس بين الأول و التانى