استاذ ياسر..اخبارك ايه...كل سنة وانت طيب والرانجلر كمان طيبة...
بفكرك يالتقرير ..
مع
مع احترامي لكل الردود السابقة ... الرانجلر سارة ممتازة جدا ... لكن فيها عيبين انا شايفهم ... اولا دي عربية جيش وش .. يعني العفشة للعساكر و المدفع المضاد للطائرات و كمان بويتها ورشها تعبان جدا ... و غير كده سعرها مغالى فيه جدا .. هما بس مزودين حكاية الازاز الملون والسقف اللي يتشال و الاوتوماتيك علشان يزود في سعرها .. انا من راي ان الشيروكي 2008 او 09 احسن ... و بعدين الكابتيفا عربية محترمة جدا ... عند واحد جارنا .. متحسش ان العربية كوري ابدا و هو مبهدلها شغل
يا ريت يا جماعة اللي يتكلم عن عربية يكون عنده معلومات كافيه عنها و عن تجربة فعلية بدلا من الكلام المغلوط اللي بيضلل ناس كتير عن اتخاذ قرار صحيح في شراء سيارة
لو مكانه هشوف:
١- x3 بحاله كويسه
٢- wrangler
رانجلر فوق الفظيعه !
ربنا يوفقك فى الاختيار
بسم الله الرحمن الرحيم :
الرانجلر مش اى حد يفهم امكانياتها خصوصا الرانجلر الجديده دى تحفه جيب اختلاف الاراء ده على حسب وجهه نظر كل شخص ف عربيه تناسب احتياجاته انا عن نفسى مثلا افضل الرانجلر عن ال بى ام اكس 3 مع احترامى للعربيتين انا شايف لو هركب سياره متعدده المهام يبقى الاوليه لصحابه المكانه الاولى ف عالم الجيب رانجلر ... رغم انى بحترم البى ام جدا بس بى ام افضل ف السيارات الرياضيه زى الرودستر والفئه الثالثه والسادسة وتحفه بى ام ف الاكس 6 كمان حتى محبش الشيروكى الرانجلر اقوى منه بمراحل بنسبه لدهانات جيب ف رانجلر هيا دهانات مخصوصه تختلف عن دهانات جيب شيروكى تكلفتها اعلى ف الخامات لمقاومه الصدا و والتراب الى بيطفى لون العربيه نظرا لتعاملها اكتر مع الطبيعه الطينيه او الرمليه ؟؟ ارتفاع رانجلر عن الارض نصف قطر عرض العجلات الشاسيه الطويل الفولاذى نظام التعليق حاجات كتيره جدا جدا عمليه تحتاجها فعلا وتقدر تستفيد بكل الاوبشنز دى مش مجرد ابوشنز محطوطه ومش بتتعرض لاستخدمها الموتور كمان قوى معمر المواتير المعدله الجديده مع نظام الحقن الاليكترونى موفر نسيبا عن المواتير القديمه لازم تحس بيها بالقوه ولا متكونش جيب رانجلر كمان الانتيريور رهيب تحس فيه بالقوه لانها سياره قوه و ليست للفخامه !! الرفاهيه فيها بلا حدود بتتميز بنظام صوتى مكون من 6 سماعات و صب ووفر انفينتى ....... بنسبه لسعرها انا شايف انه مناسب جدا مقارنه ب جيب شيروكى زياده 80 الف جنيه !! 245 الف يبلاش ف عربيه بالامكانيات دى وليها سمعه طيبه و بالنسبه للضريبه والحاجات دى كله كلام فاضى مينفعش تركب عربيه زى وتدفع ضريبه زيك زيك واحد راكب باسات ولا اوكتافيا !! 5000 ف السنه زيها زى الشيروكى
أنا معنديش خبرة سابقة فى العربيتن بس ممكن احدد كام معيار للحكم على العربية و المفاضلة بين الثلاث عربيات
x3 - رانجلر - شيروكى ( أنا شخصيا ميال لل x3 - مسألة ذوقية مش معنى كده انها أحسن من غيرها بس انا بحب شكلها ))
لما اجى اقارن أبص على الأتى
1- التوكيل الأحسن مين فيهم و صيانة احسن ( كلهم غالين معروفة بس مين التوكيل اللى يريح )
2- الإستخدام الخاص بيا
.... يعنى لو أنا بسافر كتير و مغامرات و العربية بتمشى فى الطرق المكسرة و الرمل و الطين أكتر و لا الأسفلت
........ عندى عربية تانية و لا هى العربية الوحيدة اللى عندى و العربية التانية اللى عندى صغير ة لا كبيرة
3- التكيف - و الأوبشنز الموجوده فى الإثنين ( تفرق معايا ) الكفة تميل سنة للاوبشنز الأعلى و التكيف الأحسن فى البلد دى
5- مين اوفر فى البنزين ؟؟ و نسبة الوفر تستاهل و لا فرق بسيط
6- حالة العربية المستعملة ممتازة و لا عاوزه شغل
7- أنهى عربية أكتر عملية يعنى ممكن استخدمها كذا استخدام
ممكن يدى لكل معيار درجة و اللى تاخد درجات اعلى يبقى دى احسن
بالنسبة ليا
عندى عربية واحدة يبقى اختار x3
عندى عربية سيدان تانية ممكن أفاضل بين x3 و الشيروكى
خرجت الرانجلر من الحسبة ( لان انا شايف أن المناسب ليا أنا ::: عربية ممكن أصونها فى التوكيل و معروفة من زمان ،،، و كمان مناسبة للسفر العادى و المطبات و تمام كده ،،، و انا بفضل المستعمل فى النوعين دول لأن ثمنهم زيرو بيتخسف بيهم الأرض لما اجى ابيعها تانى )
الرانجلر استاذه و عربية دبابة يعنى بيت متنقل تخش بيها رحلة سفارى و انت فى التمام و مطمئن و تمشى بيها فى اى حته طين ميه مطره طوب اى حته //// فدارتها عالية جدااا يمكن اعلى من الاثينن التانين وأنا مش محتاج ده
فأنت تشوف جاجتك ايه و تقرر المناسب ليك ،،،، التلاتة ممتازين و كويسين جدااا ،،،، خرج اللى انت بتحبوا و اللى انت ميال له و فكر فيهم تفكير مجرد علشان تطلع بنتيجة العربية المناسبة لظروفك انت و تمام عليك و تكون انت مقتنع بيها جداا
لان فى الأخر انت اللى هتركبها و تصونها
يعني باختصار:
لو عاوز قوة ومنظرة ومتفرقش معاك المصاريف هات الرانجلر.
لو عاوز بريستيج عالي وماركة ليها اسم ونعومة السيدان وبرضه متفرقش معاك المصاريف هات ال x3
لو عاوز شكل جديد تحت التجربة هات ال كابتيفا.
لو عاوز قوة في الطرق الوعرة ونعومة في الطرق الممهدة ومتفرقش معاك المصاريف يبقى الشيروكي الجديد او الجراند شيروكي.
لو عاوز قوة في الطرق الوعرة ونعومة في الطرق الممهدة وشكل وبريستج معقول والمصاريف مهمة بالنسبالك ويهمك سعر اعادة البيع يبقى الباجيرو بدون كلام...
لو عايز اداء لا مثيل له ومعروف من قديم الازل وبريستج ومنظر وقوة واحتمال في اي نوع طرق خلقها ربنا والفلوس كثيييييير يبقى اللاند كروزر 2005-2011 او اللاند روفر او نيسان باترول ..طبعا اي واحد منهم بمليون ونصف تقريبا وبعدها اللدودج رام حيث لا حدود للقوة الغاشمة
تقبل تحياتي