صني هي اللي اخترتك مش انت اللي اخترتها

:U_thin1[1]: موضوع غريب اوي اسمه الصني هي اللي اخترتك مش انت اللي اخترتها :36_1_35[2]:

دي حقيقة يا جماعة لازم نعترف بيها كلنا . لأن العربية بالظبط زي عروسة انت بتخترها :lovlie02[1]: و بتلاقي فيها الحاجات اللي انت بتتمناها عشان هي اللي هتكون معاك في المستقبل لكن احنا مش بنلاقي بنت كاملة زي ما بالظبط الزوج او الراجل مش بيكون كامل

طيب هنا هنلاقي انك اخترت العربية لكن العربية كمان اكيد هتشوفك و تختارك بالظبط زي العروسة لما تلاقي فيك فعلا زوج الاحلام :wink:
فالعربية اختارت فيك انك عملي و انك من الناس اللي بتحافظ علي نفسها و علي غيرها . و انك بتحب الاداء العالي في الاختيار و طبعا رشيد في فلوسك و بتعرف تحط فلوسك في المكان المناسب .. شافت فيك الحكمة المتناهية في الاختيار للون المناسب ليك و لأسرتك عشان تتباهي بيها في كل مكان :B4_611:

طيب انا عملت ليه الموضوع ده عبارة عن استطلاع لكل مميزات الصني .. اكيد في سبب لكن هنعرفوا كلنا بعد اسبوع بالظبط من يوم نزول الموضوع و طبعا لازم كلنا في القسم نشارك في الاستطلاع ده لأن نتيجته هتكون حاجه جميلة اوي لاعضاء القسم
و الكل هيسألني طيب انا عايز اختارهم كلهم هقولك لأ اختار احسن حاجه حبيتها في العربية من اول ماسمعت عنها او شفتها و يكون رأيك و استطلاعك شخصي بدون ما تاخد رأي حد

:B4_048: مع تحياتي لأعضاء صني :B4_048:

أستاذنا العزيز بيشوى:

يسعدنى أن أكون من أوائل من ردوا على هذا الموضوع.

بص ياباشا أنا للى عاجبنى فى العربية حاجات كتير جداً آخرها بصراحة شكلها لأن فيه عربيات كتير أشيك منها.

إنما أهم الحاجات اللى شدتى ليها فعلاً هو أن إمكانيتها المناسبة لسعرها بالضبط يعنى لا بتشترى حاجة غالية من الفلوس اللى دفعتها ولا أقل من قيمة الفلوس إنما بتاخد أمكانيات ووسائل أمان ورفاهية على قد فلوسك. دى حاجة.

الحاجة المهمة جداً بالنسبة لى كمان موضوع التوكيل ومعاملته والتعامل معه؛ بصراحة حاجة تشرف وتحس إنك مناسب عيلة محترمة مربية بنتها وبتسترك وقت الأزمات (هئ هئ هئ هئ )وممكن تشرفك لو احتجت ليها.

أخيراً وليس أخراً عشان ما طولش على حد قطع غيارها موجودة فى السوق وفى التوكيل، وبعدين صيانتها سهلة يعنى موتورها مش معقد أول، وسمعتها فى السوق من زمان من أيام ما كانت داتسون فى السبعينات، وحمالة آسية، ......... يعنى حا اسيب وقت ومكان لغيرى.

اقتباس:

---

المشاركة الأصلية كتبت بواسطة harizy

الحاجة المهمة جداً بالنسبة لى كمان موضوع التوكيل ومعاملته والتعامل معه؛ بصراحة حاجة تشرف وتحس إنك مناسب عيلة محترمة مربية بنتها وبتسترك وقت الأزمات (هئ هئ هئ هئ )وممكن تشرفك لو احتجت ليها.

.

---

حضرتك كده فهمت الموضوع 100% و صح الصح لأن فعلا العيلة محترمة جدا جدا و سماههم علي وجوههم فعلا التوكيل أب لكل عربية نيسان ماشية في الشارع .. شكرا استاذ harizy علي المشاركة

بقي معقول يا جماعة 13 من 77 واحد بس اللي صوتوا في الاستطلاع .. يعني حتي ضغطة الماوس ثقيلة اوي كده ولا الناس مش عارفين يتعاملوا مع الموقع

بما انه موضوع للصنى ممكن يا استاذ بيشوى ادخل بعد اذنكم واقول كلمتين واغلس:049:

طبعا فكر اى حد للاختيار اى عربية تبع وتحت اسم شركة نيسان
للاسباب التالية:

1- قوة وسمعة التوكيل العالية واهتمامها باى مشكلة لعملائها واسعادهم وارضائهم دايما

2-قوة مواتير نيسان

3- عربية يابانى ومعمرة فى قطع غيارها

4- برستيج عربيتها كلها وشكلهم الفخم سواء الصنى او التيدا

5- تعدد وسائل الامان مقابل السعر والكماليات المعقولة

6- الانتشار الغير طبيعى لعربيات نيسان

بس كفاية عشان لو كان للتيدا كنت قولت قولت وقولت كتيرررررررررررر اوى:36_3_18[1]: :F_eyeb1[1]:

بصراحة يا احمد غلاستك زي العسل لدرجة اني لو مكنتش شوفت عربيتك التيدا كنت هصدق و اقول انك عندك صني
عشان كده انا بتبسط بوجودك في كل موضوع و معاك احبائي اعضاء القسم

ينهار ابيض بقي 27 بس صوتوا في الاستطلاع من 137 مشاهدة . فين الانتماء :ma(36): فين النخوة :khd:في القسم

وسائل الامان فى السيارة ممتازة
وربنا بيستر ولازم ناخد بالاسباب
وفيه سبب كمان انا حبيت العربية كتير جدا بعد ما جبتها علشان عرفتنى على ناس محترمين فوق الوصف يجمعهم هذا المنتدى الرائع

انا سبب اختيارى للعربية هو المثل العربيى الحكيم

اللى انا اخترعته

اختر توكيلك قبل طريقك

انا سبب اختيارى هو التوكيل و الحمد لله ربنا وفقنى فى اختيارى

بإختصار إحساسى مع الصنى إنها
Best Value for Money

ياجماعة عربيات نيسان كلها رائعة ومحترمة جدااااااااااا واختيار رائع ومناسب من كل الوجوه بجد

يا بيشوى ليه مش اضافت فى الاستطلاع سمعة التوكيل وقوته

دى من رائى مهمة جداااااااااااااااااا , والسبب لاختيار اعضاء كتير للعربية

مش بيقولك اختار العروسة من بيت اهل سمعته محترمة وناس اخلاق وطيبين

وهو ده اللى الناس بتفكر فيه

اقتباس:

---

المشاركة الأصلية كتبت بواسطة hany_mohamed

وسائل الامان فى السيارة ممتازة
وربنا بيستر ولازم ناخد بالاسباب
وفيه سبب كمان انا حبيت العربية كتير جدا بعد ما جبتها علشان عرفتنى على ناس محترمين فوق الوصف يجمعهم هذا المنتدى الرائع

---

انت اللي انسان ذوق و محترم يا استاذ هاني و من الناس المتميزة في القسم و فعلا نيسان اهتمت بوسائل الامان في المقام الاول

اقتباس:

---

المشاركة الأصلية كتبت بواسطة egypt0777

انا سبب اختيارى للعربية هو المثل العربيى الحكيم

اللى انا اخترعته

اختر توكيلك قبل طريقك

انا سبب اختيارى هو التوكيل و الحمد لله ربنا وفقنى فى اختيارى

---

اقتباس:

---

المشاركة الأصلية كتبت بواسطة ahmed.tv

ياجماعة عربيات نيسان كلها رائعة ومحترمة جدااااااااااا واختيار رائع ومناسب من كل الوجوه بجد

يا بيشوى ليه مش اضافت فى الاستطلاع سمعة التوكيل وقوته

دى من رائى مهمة جداااااااااااااااااا , والسبب لاختيار اعضاء كتير للعربية

مش بيقولك اختار العروسة من بيت اهل سمعته محترمة وناس اخلاق وطيبين

وهو ده اللى الناس بتفكر فيه

---

كان فعلا المفروض اني ازود التوكيل و فعلا بعت للادارة عشان يزوده في الاستطلاع بس يظهر الامكانية مش موجوده لكن انا كتبت مميزات اخري و اكيد انتوا لما تختاروا مميزات اخري اكيد هتكتبوا التوكيل في المشاركة زي ما عملتوا كده بالظبط

احترتها عشان بنت عيله ومش عربيه هفأ

اقتباس:

---

المشاركة الأصلية كتبت بواسطة ahmed_nubira

احترتها عشان بنت عيله ومش عربيه هفأ

---

:S_thum1[1]: أستاااااااااااااااااااااا ااااااااااااااااااااااااذ

اصدقائي الاعزاء و الاحباء اعضاء نادي نايل موتورز نيسان

اولا انا بشكر كل عضو دخل في الاستطلاع و شارك فيه و ده معناه ان فعلا في ناس في القسم مهتمين جدا جدا بالمنتدي و بمواضيعه و فعلا بيحبوا يدرسوا العربية صح و ده دليل علي انتماء و صداقة حميمة بين الاعضاء

نتيجة الاستطلاع

عدد التصويت في الاستطلاع 48 عضو

كان نفسي يكون عدد التصويت اعلي من كده لكن العدد يكفي لأظهار النتيجة

1- هنلاقي ان سعر العربية تربع في المقام الاول و بنسبة 17 صوت من مجموع الاصوات وده دليل ان العربية فعلا هو ده السعر المناسب بالنسبة للكماليات ووسائل الامان و قوة الموتور و مميزات اخري الموجوده في السوق المصري و ده دليل ان اسعار العربيات الاخري عالية بدون اي داعي و السعر هنا كان دليل قوي علي امانة شركة نيسان في نقل سعر اصلي و صحيح و ده اللي يخلي سوق العربية يتجه مؤشر ارتفاعه الي اعلي في فترة بسيطة من الزمن

2- وسائل الامان متربعة في المركز الثاني برصيد 9 صوت و فعلا العربية تتميز بوسائل امان محترمة و هي AirBags اللي فعلا شوفت عربيات حوادث كتير صني و كانت الايرباجز ليها دور قوي و فعال في حماية صاحب العربية و كمان قوة صاج العربية و الشاسية بيحافظ علي اللي جوا العربية من اي صدام يحدث او خبطة صعبة .. و حدث معايا ان عربية خبطة فيا موازية لسياراتي و كانت النتيجة ان عربيتي ثابتة في مكانها بدون ازاحة 1 سنتيمتر و دا دليل علي قوة العربية في وسائل الامان

3- يتربع قوة الموتور في المركز الثالث برصيد 6 اصوات و دي ميزة خرافية في النيسان صني و هي تكنولوجية الموتور اليابانية المتطورة التي تفوق اي سيارة في فئتها في التجميع اذا كان مانيوال او اوتوماتيك في فئة 1600 سي سي و التجارب واضحة و صريحة من قبل اعضاء القسم و بالذات في تجميع الاوتوماتيك و خاصية الكيك داون او خاصية الاوفر درايف الفعالة التي تقوم بتجميع الموتور في ثواني معدودة عن اوتوماتيك زمان اللي كان تجميعه بطيئ جدا قبل التحديث للتكنولوجيا الحديثة التي تتمتع بها سيارات نيسان صني الجديدة و يتربع الثبات في نفس المركز برصيد 6 اصوات و فعلا العربية ثابتة في جميع مراحل تجميع الموتور علي الطريق حتي 200 كيلو متر/الساعة و هذا دليل علي ثقل العربية علي الطريق اللي تعطي لسائقها الطمأنينة في القيادة في جميع الظروف الصعبة . و الثبات في العربية دليل واضح و مادي في اختيار الخامات الثقيلة و الاصيلة لعمل المناورات الغير متوقعة علي الطريق لتفادي الغير وهذا ما تهتم به التكنولوجيا اليابانية في حماية العميل من اضرار الطرق لسائقيها

4- يتربع عائلية العربية و المميزات الاخري في المركز الخامس من التصويتات برصيد 3 اصوات لكل منهما و هذا دليل ان السيارة خدمت العائلة الكبيرة المكونة من 5 افراد في الراحة و المتعة داخل السيارة و لكن في حدود التظبيط المناسب للكراسي الامامية و ان العربية يمكنها حمل الكثير و الكثير من الامتعة نظرا لكبر حجم شنطة العربية و هذه الفئة ميزة كبيرة عن العربيات الاخري الموجوده في السوق المصري و ايضا يوجد مميزات اخري و هي اعادة سعر البيع الذي اصبح للسيارة كيان فريد في السوق المصري في اعادة بيع السيارة و ايضا الوكيل المحترم الذي اضفي ميزة رائعة بين توكيلات مصر من حيث الاحترام في التعامل مع العميل و ارضائه بكل وسائل الرضا المختلفة

5- اخيرا نجد ان شكل العربية و الكماليات و قوة العفشة تتربع في المركز السادس و هنا بنلاقي ان الشكل مش مؤثر في اختيار العربية لأن جميع المميزات السابقة الذكر تغني عن اي شيئ اخر يمنعني من شراء العربية لكن الشكل الكلاسيكي مستحب جدا للكثير من الناس و خصوصا الاطباء و الشرطة و الجيش و لهذا نجد ان العربية مميزة في فئتها التي تقدرها .. حيث ان العفشة الياباني لها طابع خاص في استحمال الكثير و الكثير من المؤثرات الخارجية في الطرق المصرية و هذا هو المطلوب في استجابة السيارة مع العميل في اي طريق يقوم بالسير فيه

نهاية الاستطلاع

نجد ان السيارة بعد هذا الاستطلاع الممتع انها استجابت لكل مطالب المستهلك المصري و الدليل هو انه لا يوجد خانة واحدة فارغة من خانات الاستطلاع و قد ألمت بالكثير و الكثير من المميزات التي لا تتتمتع بها سيارات السوق المصري من حيث الوكيل و الثبات و الامان و السعر و قوة الموتور و العفشة و الشكل الكلاسيكي للسيارة و طبعا اعادة بيع السيارة و ان السيارة ادت غرضها علي اكمل وجه و هذا بفضل عقلية المستهلك المصري الذي يعرف قيمة السيارة و كيفه ستخدمه في جميع الاغراض و جميع المواقف الصعبة

أرجوا اني اكون استوفيت موضوع الاستطلاع و يكون افادة لكل واحد يقرأه و يعرف مدي قيمة السيارة نيسان صني الذي يمتلكها
أخوكم
PEACEMAN

عندى سؤال بسيط الناس كلها بتشكر فى التوكيل الى هو مودرن موتورز صح؟ بس سوزوكى برضة مودرن موتورز والناس فى قسم السوزوكى مجمعين انة أسوء ما يمكن !!!! طب اية الحكاية ؟ ولا فى توكيل تانى لنيسان ؟

مودرن احد مراكز خدمة نيسان المعتمدة
وسوزوكى الوكيل بتعها الرئيسى مودرن وهى مركز الخدمة بتعها
فمودرن ماسكة الاتنين عادى
والصيانة فيها معقولة مش وحشة
ومنعرفش ظروف كل واحد بيحصل معاها
وبعدين كل مركز خدمة اكيد فيه مميزات وعيوب , ووارد الخطا عند الجميع
بس اغلب عملاء نيسان بيروحوا يعملوا صياناتهم فى السبع وده احد مراكز خدمة نيسان المعتمدة المحترم جدا

فعلا السبع افضل توكيل نيسان علي الاطلاق

اقتباس:

---

المشاركة الأصلية كتبت بواسطة ahmed.tv

مودرن احد مراكز خدمة نيسان المعتمدة
وسوزوكى الوكيل بتعها الرئيسى مودرن وهى مركز الخدمة بتعها
فمودرن ماسكة الاتنين عادى
والصيانة فيها معقولة مش وحشة
ومنعرفش ظروف كل واحد بيحصل معاها
وبعدين كل مركز خدمة اكيد فيه مميزات وعيوب , ووارد الخطا عند الجميع
بس اغلب عملاء نيسان بيروحوا يعملوا صياناتهم فى السبع وده احد مراكز خدمة نيسان المعتمدة المحترم جدا

---

فعلأ الناس كلها بتشكر فى السبع و مودرن أنا شفت كذا حد بيشتكى منهم وبصراحة أنا من كام يوم رحت لمودرن أبو رواش علشان أتفرج على الصنى و السيلفى الجديدة ملقتش عندهم ولا عربية و حسيت أن الدنيا مهرجلة شويتن كدة بس عادى أحنا فى مصر برضة والحمد للة أن فى السبع و الناس كلها بتشكر فية