ضبط الفيات 128 ؟؟؟

**shaimaaeid** · 16-09-2010 06:46 PM

ياجماعة انا عندى فيات 128 موديل 78 وفيها المشاكل دى :
1- بتدور بصعوبة الصبح
2- بتنتش وانا ماشية وبحس انها بتتهز قوى (الطريق غير مرصوف)
3- مفيش مشاكل فى الطوالى او السرعات على الاسفلت
4- الحرارة تعدى ال 90 على الاول فى الزحام لما الطريق بيبقى واقف

اكتر من مرة بوديها لميكانيكى ومبيعملش حاجه انا عايزة اظبطها اعمل ايه او ايه اللى ممكن يحسن شغلها معايا
الاهتزار عايز ترصيص ولا اربط العفشة؟
ولا اشحهمها انا لسه مغيرة زيت ومظبطه الرادياتير ولما بروح لميكانيكى ياما ميعملش حاجه ويومين وتعطل او يغير حاجات كتيييييييييير طقم كهرباء مثلا او عمرة موتور وفى الآخر زى ماهيا اعمل ايه افيدونى افادكم الله.

**bassem.naguib** · 16-09-2010 09:11 PM

المشاركة الأصلية كتبت بواسطة shaimaaeid

ياجماعة انا عندى فيات 128 موديل 78 وفيها المشاكل دى :
1- بتدور بصعوبة الصبح
بطارية أو مارش أو بوجيهات أو سلوك بوجيهات .. وأحتمال كرابراتير
2- بتنتش وانا ماشية وبحس انها بتتهز قوى (الطريق غير مرصوف)
التنتيش ده من البوجيهات أو سلوك البوجيهات أو تنظيف بيكات الكربراتير (بك السلانسية) .. والاهتزاز في الطرق غير المرصوفة يا أما مساعدين أو بارات الدركسيون .
3- مفيش مشاكل فى الطوالى او السرعات على الاسفلت
علشان مفيش حاجة تخلي المساعدين أو البارات يبقى عليهم حمل .. وبك السرعة في الكربراتير مش مسدود .. بس السحب أخباره أيه كويس ولا مخنوق (الاستجابة لدواسة البنزين)
4- الحرارة تعدى ال 90 على الاول فى الزحام لما الطريق بيبقى واقف
مشاكل في دورة التبريد
اكتر من مرة بوديها لميكانيكى ومبيعملش حاجه انا عايزة اظبطها اعمل ايه او ايه اللى ممكن يحسن شغلها معايا
الاهتزار عايز ترصيص ولا اربط العفشة؟
ولا اشحهمها انا لسه مغيرة زيت ومظبطه الرادياتير ولما بروح لميكانيكى ياما ميعملش حاجه ويومين وتعطل او يغير حاجات كتيييييييييير طقم كهرباء مثلا او عمرة موتور عملتي عمرة كاملة ولا نص عمرة .. والخوف لمتكونش العمرة أتعملت كويس وفى الآخر زى ماهيا :i_angr1[1]:اعمل ايه افيدونى افادكم الله.

حاولي تشوفي ميكانيكي كويس يكون موثوق في شغله .. وبالتوفيق

**bassem.naguib** · 17-09-2010 09:58 AM

أولاً.. الشكر لله في الأول والأخر وكلنا هنا أخوة وبنحاول نساعد بعض بقدر الإمكان .

ثانياً .. توقعي في الموديلات القديمة حدوث بعض الأعطال بشكل متكرر إلى حد ما وده راجع لعدم وجود جدول صيانة دوري لأجزاء العربية المختلفة .. والحل النهائي للموضوع ده وعلشان تضمني العربية تكون كويسة على طول أن لازم أيدك تبقى فيها باستمرار لغاية ما بتقى معظم مكونات العربية سواء الميكانيكية والكهربائية تعمل بشكل جيد .. ومن هذا المنطلق بتبقى بقية الصيانات عادية ومش حتحسي بكم المشاكل الكتيرة اللي أنت حاسة بيها .. والأهم بقى يكون الميكانيكي ثقة في شغله وميعملش اشتغالات وحوارات في شغله استناداً لعدم فهم الزبون .. وتحت أمرك في أي استفسار.