الموضوع: مذكرات موقوف هههههه

المشاركة الأصلية كتبت بواسطة night_phoenix

اهلا اهلا بالساده الكرام اصدقائي الاعزاء اكتب اليك بعد العوده من منفي سيشيل مع الاخووة الاحرار و اخوة جيفارا الثوار والناس الحلوة دي
انا كنت قاعد في امان الله و بعد ما رديت علي اختي و نواره المنتدي الاستاذه لولي جاي ببص علي المنتدي من البلكونه لقيت باسم الله الحفيظ مقبوض عليا و قال ايه انت منفي و محظور ادور انا كتبت ايه ؟ عملت ايه؟ مش لاقي نطيت جري علي اخر مشاركه مع لولي قلت يا نهار اسود لكون كتبت حاجه بالغلط وانا تعبان من المذاكرة و الحمد لله لقيت كله سليم
المهم من هنا لهنا وكلت محامي و قرا الحكايه وعرف سر شويبس. طلع اني اتوقفت ليه ؟؟؟!!!!!!!!!!!!!
عشان كتبت مثل عربي فصيح شهير جدا اشهر من نار علي علم اكتبه تاني ولا دي فيها اعدام
استغربت بصراحه جدا و اتضايقت جدا جداااا بس مش مهم

انا متشكر جدا جدا لااداره لانها اوقفتني و ده اداني فرصه اشوف اصدقائي الاعزاء بيسالوا عليا و الحمد لله ده بيبين ان احنا عيله واحده
بجد متشكر جداا لكل من سال عليا و اتصل بيا و بشكر الاستاذه الرائعه نواره المنتدي و دينامو كيا الاستاذه لولي وطبعا عزيزي الطيب جدا المهندس حاتم والمهندس عمرو دول حكايه تانيه
وطبعا عزيزي جوست و الحلاوة الي كان بيبعتها مع الثوار وتامر باشا عزيزي ومحمد بك حمدي و الف مبروك علي الخطوبه و عقبال الجواز و خسارة اني كنت في الاسر لاني لو كنت هنا نبهتك قبل ما تقع في الجواز و الكلام ده و لو انه تكفير ذنوب يالا قضي اخف من قضي و ربنا يقويك
ابو زمل ازيك طبعا السجن للجدعان وكفايه واحد من الدكاترة بقي سوابق خلي بالك من نفسك انت بقي
yasso0101, M.ABDEEN متشكر بجد وزيارتكم للمنفي برضه عملت شغل
ابو ليلي دعواتك كانت بتوصلني وانا نايم علي البورش في المنفي هناك بلبس البحر ههههههه خلت الجو طراوة و اسمك عمل شغل جامد وواسطه عند السجان
عزيزي Khaled_Nowaihy انا زيك مش عارف ليه عشان ايه وازاي بس ماشي ومتشكر لذوقك و اهتمامك بجد

ده خاص بالسيد المشرف الي اوقفني:
ممكن افهم حضرتك اوقفتني ليه؟
ويعني ايه "ادب عام" ؟ ومين الي بيحكم ان ده ادب عام خروجا او مطوقا به؟؟
وهل المثل العربي الفصيح القديم الي كتبته خروج عن الادب العام؟؟؟ برغم اني استعلمت نقاط بدا من كلمه "الكلاب" حتي تبدو اكثر لطفا وبطبع الحال المثل العربي الفصيح ليس سبه او قذف و اعتقد ان حضرتك تعلم هذا

فاذا كانت الاجابه بطبيعه الحال هي نعم حيث انكم اوقفتموني فماذا يحدث اذا علقت علي احدهم بمثل " علي نفسها جنت براقش" او اردفت معلقا " ان البغاث بارضنا يستنسر" وما يكون تعليقكم في حال كتابي: "ان الجبان حتفه من فوقه"" وهناك الالاف من الامثله الفصحي التي اتمني ان تنتشر حرصا علي لساننا العربي الفصيح الي اراه يخبو و يضيع واري اقوالنا العربيه الاصيله تذبل و تذوي في مواجهه عبارات ما انزل الله بها من سلطان
حقيقه احس بالغضب و الانزعاج لما قمتم به
لا اعلم اذا كان الجزء الاخير سوف يتسبب في ايقافي مرة اخري ام لا؟
وشكرا للجميع

السلام عليكم و رحمة الله و بركاته

يا باشا , ألف حمدالله عالسلامة و نورت المنتدى والله.

طاب أنت يا باشا , كان ربنا موسع عليك و مباركلك و قدرت تقوم محامى , أنا بقه واحد صاحبى غلبان و على أد حالاته و ممعهوش يجيب محامى و لحد دلوقتى برضه موقوف و مش عارف ليه, ربنا يفك أسره و يرجعه سالم غانم .

أصل موضوع الوقف بدون سبب مقنع بيفكرنى دايما بحادثة مش قادر ولا هقدر أنساها , أنا أصلا من المنصورة و ساكن فى مساكن الجامعة, لو فى أخوة افاضل هنا من المنصورة , أكيد هيبقوا عرفينها , المهم , المساكن دى فيها مسجد و الامام بتاع المسجد اللى بيلقى خطبة الجمعة هو أستاد دكتور متفرغ بكلية العلوم - جامعة المنصورة, اسمه الدكتور / يحيى عزب, المهم الراجل ده ليه ابن كان من سنتين تقريبا فى تالتة صيدلة المنصورة و صدر ليه أمر اعتقال من سنة و نص تقريبا و اترمى فى سجن طرة بدون محاكمة و لحد دلوقتى ماتحاكمش ,و كل ما المدة اللى هى 45 يوم تخلص و أهله يقولوا, خلاص هيفرجوا عنه, يقوموا ولاد الteeeeeeeeeeeeet مجددين له فترة الاعتقال تاااااااااااانى و هو لا اتحاكم و لا يحزنون طبعا لا بيحضر فى الكلية ولا بيمتحن ولا حاجة , الظريف فى الموضوع , أن اهله, أول ما ابنهم اتقبض عليه , ماكانوش عارفين هو فين , و فضلوا على كده شهووووووووووور , لحد ما جه ميعاد امتحان التيرم الأول فى كلية صيدلة المنصورة , فادارة السجن - الله يصلح حالهم - بعتت جواب اعتدار لادارة كلية الصيدلة , أن الطالب / ابراهيم يحيى عزب , مش هيدخل الامتحان ده لأنه مش فاضى , و هنا بس , أهله عرفوا ان ابنهم فى ليمان طرة و لا زال الشاب المجرم الخطييييييييير ده رهن الاعتقال .

نسيت أقول لكم , الشاب ده كان معتقل ليه , كان معتقل لأنه كان بيساعد أبوه فى جمع التبرعات لمساندة أبناء غزة !!!!!!!!!!!

فكل ما ادارة المنتدى تتخد اجرار التوقيف ضد أى حد من الأخوة الأفاضل اللى قال رأى كده ولا كده , عالطول بفتكر القصة اللى فاتت دى, صدقونى غصب عنى والله .

أنا آسف جدا للاطالة .

hamann