لمبة apc للبولو 2001

**wesam_nabil** · 17-09-2010 12:24 AM

السلام عليكم ورحمة الله وبركاته

أخوتي الكرام في المنتدى المحترم.. تحية طيبة لكم جميعًا ووقفة إجلال واحترام لمن تعلمت منهم كثيرًا مما أعرف عن السيارات اليوم.

عندي مشكلة واسمحوا لي أن أضعها بين يديكم راجية الله عز وجل أن يهديكم إلى شرحها لي وتعريفي بالحل أو التشخيص ونصحي أين أذهب لعلاجها...

المشكلة تتلخص في الآتي:

عندي سيارة بولو 2001.. الحمد لله جيدة ولا أشتكي إلا من أمر واحد.. هو أنني عندما أكون على سرعة عالية ثم أضطر للفرملة وتهدئة السرعة أجد السيارة (يحدث بها رجرجة وكركرة واهتزاز) ولا تعاود السحب كما كانت
بل أضطر لإيقاف المحرك ثم إعادة التشغيل لتأخذ السيارة عزمها مجددًا.

وعندما أبدأ بتدوير السيارة (مع فتح الكونتاكت فقط) تظهر لمبة apc ثم تنطفئ عند تشغيل السيارة.

فهل من إفادة إخوتي؟؟

وجزاكم الله خيرًا مقدما.. شاكرة لكم تعاونكم معي

**wesam_nabil** · 20-09-2010 04:50 PM

السلام عليكم ... أنا آسفة اللمبة epc وليس الاسم الذي كتبته...

أنتظر ردودكم من فضلكم .. وجزاكم الله خيرًا

**M.Mostafa80** · 20-09-2010 05:50 PM

اللمبه دى ليها أكثر من سبب
وعمتا مدام هى بتطفى دا الطبيعى بتاعها أنها تعمل اتشك وتطفى
بس عمتا هى محتاجه تتحط على جهاز كشف الأعطال علشان تحدد العيب
من أيه
قولى انتى منين وأحنا نرشحلك تروحى لمين

**OSaMa.GHaMrY** · 21-09-2010 12:05 AM

انا غسلت عربيتى اللمبه نورت
والعربيه بقت تزحف حطتها على الجهاز ( جهاز عربي وتاتش )
الرابع مش بيعدى ال 80
وجالى خطأ فى البوابه ورايح بكره الحرفيين لسيد جولف
يقولى ايه الحل

**wesam_nabil** · 22-09-2010 11:28 PM

جزاكم الله كل الخير إخوتي الكرام...

أنا من حلوان والمفروض إني باتعامل مع مركز محمد سمير والمهندس هاني.. بس المشوار بعيد جدا بالنسبة لي..

أتمنى لو في مكان أقرب والناس فاهمة زي مركز محمد سمير يبقى كتر ألف خيركم

**M.Mostafa80** · 24-09-2010 10:27 AM

حلوانبصراحه معرفش حد قريب
هو اسمع عن مركز فى المعادى لكن معرفش فين بالظبط
لو بتنزلى المهندسين ممكن اقولك على مكان واحد

**umoussa** · 26-09-2010 10:53 AM

السلام عليكم ورحمة الله

أنا ممكن أرشحلك مكان في المعادي على مسؤوليتي.. بس عايز أقول لحضرتك حاجة لمبة ال epc طبيعي جداً أنها تنور في الأول وتطفي لأن العربية فيها بدال بنزين كهرباء مش على سلك وده معناه إن بوابة البنزين بتشتغل بإشارة من الكنترول تعادل مقدار الضغط على دواسة البنزين.. على العموم موضوع الرجرجة مع الفرملة دا واضح إنه عيب ميكانيكي يعني ممكن طنابير عمرها خلص أو تيل فرامل بايظ أو قواعد الموتور مش مربوطة أو بايظة. موضوع السحب دا أمره سهل، تنظيف البوابة والأمر حيخلص كله مع طبعاً ظبط العربية على الجهاز...

العنوان بتاع المركز على الخاص

**umoussa** · 26-09-2010 09:05 PM

المشاركة الأصلية كتبت بواسطة smalltoto

انا غسلت عربيتى اللمبه نورت
والعربيه بقت تزحف حطتها على الجهاز ( جهاز عربي وتاتش )
الرابع مش بيعدى ال 80
وجالى خطأ فى البوابه ورايح بكره الحرفيين لسيد جولف
يقولى ايه الحل

يا عزيزي حذاري من غسيل موتور العربية.. لو حابب تنضف الحوض نضفه بالفوم أوعى الميه.. أقل واجب في الموضوع طقم أسلاك حيبوظ والعربية حتبقى أسوأ ما يمكن..وزي مانا شايف صورة عربيتك إنك مسقط موتور 16 صباب يعني كمان الموبينة ممكن يطولها ميه... خلي بالك

**mohamedmmm2** · 28-09-2010 01:40 PM

انا هاقوللك واحد كويس جدا فى حلوان.. فيه 2 مش واحد كمان..
الاسطى وائل وهو فى العزبه القبليه بس مش تحت.. هو فى مدخل فرن الدهان اللى فى العزبه القبليه وهى مفيش غيرها فى العزبه... ورقم تليفونه عشان لو تهت 0105644663
وفيه برضه الاسطى هانى وهو برضه فى العزبه القبليه ومكانه هو فى اخر الشارع بتاع الكيلانى بتاع قطع غيار فيات اللى قبل قهوة فطوطه.. وتليفونه 0124711463
وعلى فكرة الاسطى وائل دة ليسانس حقوق وهانى بكالوريوس تجارة.. يعنى برضه ناس متعلمه وفاهمه..
بس روح لوائل احسن واروق وشوف هايقوللك ايه (وائل اخو محمد فيبر بتاع الفيبر الوحيد فى العزبه لو عارفه)
وعلى فكرة انا ساكن فى مايو

**moooooomooo** · 09-10-2010 02:02 PM

شوفى انا كان عندى نفس المشكله دى بالضبط فجأه وانا فى الطريق لقيت الفرامل هربت وبعدين رجعت تانى انا بصراحة اتخضيت وبعد يومين لقيت اللمبه دى نورت رحت للميكانيكى نصحنى أحطها على الجهاز فكبرت دماغى وانا بظبط العفشة لقيت ان تيل الفرامل فيه مشكله خطيرة طلع من الحديدة اللى متسبت فيهه وربنا ستر المهم شوفى العفشجى يبصلك على التيل الاول ومقاس زيت الباور وبعدين ابقى حطيها على الجهاز

الموضوع: لمبة apc للبولو 2001

LinkBack

أدوات الموضوع

عرض

-

-

-

-

-

المواضيع المتشابهه

زيت فتيس للبولو 2001

زيت شل الاصفر للبولو 2001

رسالة Serves للبولو 2001

المساحة الخلفية للبولو 2001

اسعار قطع غيار للبولو 2001

الكلمات الدلالية لهذا الموضوع

المفضلات

المفضلات

ضوابط المشاركة