أخوتي في الله - محتاج مساعدتكم - عربيتي اتخبطط خالص

السلام عليكم
وصل عدد الخبطاط في العربية حتي الان 3 خبطات علي الجانب الشمال - اخرهم دلوقتي حالا, كل لما اركن السيارة انزل الاقيها مخبوطة مرة فانوس الشارع وقع علي الرفرف و الاخيرتين الله اعلم
المهم السيارة لسة جديدة و بسدد في اقساطها هي ماتركس 2007 عامل بيها 7300 كيلو حتي الان
سؤالي كالتالي علما بأني مع الخبطة الاخيرة لازم اصلح الصاج و ادهنه:-
1- هل اقوم بعمل التصليح بالتوكيل في قسم الهياكل و ايهما افضل ابو رواش ام قليوب ام يستووا لاني بعمل الصيانة في قليوب.
2- هل يعرف احد منكم اي ورشة تكون متخصصة جدا اذهب اليها تكون افضل من التوكيل

جزاكم الله خير علي المساعدة لاني محتاج و مستني ردكم في اقصي سرعة علشان مضايق اوي
ردود استاذ سبعاوي علية وحشتني جدا و احترم رأي استاذ/ Payoo و اراء الجميع
اخوكم محمد فاضل

طالما بتدفع قسط يبقى أكيد مأمن على العربية وطالما مأمن يبقى الأحسن انك توديها التوكيل طبعا

لا مش مأمن علي العربية, اصل المبلغ اللي عليه بالنسبة لثمن السيارة مش كبير و مفيش بنك وسيط
شكرا للرد

أنا أفضل أنك تتوجه للتوكيل بالرغم من أنه أغلى من بره شويه بس هاتاخد شغل نضيف ول حتى الشغل ماعجبكش هايعيدوا الشغل من الأول تاني لحد ما ترضى عنه

أنا أتعاملت مع قسم الهياكل فرع قليوب ناس 100 100 هاتلاقي هناك مهندس أسمه أسامه ده المسؤال عن القسم وأنت بتسلم العربيه لأستاذ رشاد مسءول الأستقبال صمم إن المهندس أسامه يكون موجود عشان يعاين بنفسه

وعلى أي حال الرفرف سمكره و دهان بـ 200 جنيه دي تسعيره عندهم الجزء = 200 جنيه والرفرف = جزء أما الكبوت مثلا = 2 جزء وهاكذا


وبرضه ممكن تفاصل شويه

وربنا يوفقك ولو عاوزني أجي معاك ممكن نظبط مع بعض يوم وأروح معاك وهمه هايعملو معاك واجب جامد قوي لاني بالنسبة لهم علامه مسجله (عامل لهم مصايب هناك قبل كده)

اصل التوكيل بيكون غالي
والسغل بتاعة مش بيفرق عن اللي برة
بالعكس في ناس برة في الحرفيين بتطلع السغل انضف من كدة
بس اسأل
وانا ممكن اسألك الناس اللي بتعمل برة
وبعدين في حاجة معظم الصناعية اللي بيكونوا سغالين في التوكيل في السمكرة
بيكونوا شغالين في ورش برة كمان ممكن تسألهم

بس طبعا من تحت اتحت

معلش , سؤال للأخ محمد فاضل:
انتا ازاى قسط بدون بنك؟ والفائدة كانت بكام و من انهى معرض و هل عندهم بروتون واجا , وهل هنال اى قيود معينة على التقسيط المباشر (يعنى بدون بنك)؟
معلش اسئلتى كتير بس محتاج اجابتها فعلا

اقتباس:

---

انتا ازاى قسط بدون بنك؟ والفائدة كانت بكام و من انهى معرض و هل عندهم بروتون

---

عز العرب وكيل بروتون عندهم تقسيط مباشر لو فاضلك 20-30 ألف....ممكن يقسطوهملك علي سنة....و ممكن إن شاء الله ميجبروكش تأمن.

لما تنوي خلاص قل لي و أنا أروح معاك بإذن الله.

جزاك الله خير الجزاء :oops: وجعلك ممن قال فيهم رسول الله ( المسلم أخو المسلم ، لا يظلمه ولا يسلمه ، ومن كان في حاجة أخيه كان الله في حاجته ، ومن فرج عن مسلم كربة فرج الله عنه كربة من كربات يوم القيامة ، ومن ستر مسلما ستره الله يوم القيامة ) .
الراوي: عبدالله بن عمر - خلاصة الدرجة: صحيح - المحدث: البخاري - المصدر: الجامع الصحيح - الصفحة أو الرقم: 2442

انا ساكن جنب الحرفيين وعارف كل الورش هناك كويس قوي
لو عايز تيجي تعملها هنا قولي ونرتب يوم وتجيلي واوديك لحد هناك

كريم منير

حبيبى قلبى كريم كتب :

اقتباس:

---

انا ساكن جنب الحرفيين وعارف كل الورش هناك كويس قوي

---

باشا انا كده اللى محتاج خدمتك معايا علشان انا عايز اربط عفشه بس عند حد امين ..... العربيه مافيهاش حاجه خالص بس انا طول عمرى احب اربط عفشه كل شهرين تلاته ........... اروح لمين ؟؟
a7'ook
Sherif

شوف فاضي امتي وقولي انزلك لمحمود عفشة
ده احسن عفشجي في الحفيين كلها
وتخصص تعلية وتوطية وسيفيك وبيمر وكلة

اقتباس:

---

شوف فاضي امتي وقولي انزلك لمحمود عفشة

---

فاضى و فى اى وقت تقوللى عليه يالا بينا ......و انا لا عايز اعلى او اوطى .. انا عايز اربط ههههههه
شوف انت فاضى امتى و ننزل سوا نص ساعه و نرجع .......

ماشي هاكلمك يمكن النهاردة او بكرة
عشان انت عارف ظروفي ببيع واغير وكدة والناس واكلة دماغي تليفونات

اقتباس:

---

المشاركة الأصلية كتبت بواسطة ahmed_moslem

معلش , سؤال للأخ محمد فاضل:
انتا ازاى قسط بدون بنك؟ والفائدة كانت بكام و من انهى معرض و هل عندهم بروتون واجا , وهل هنال اى قيود معينة على التقسيط المباشر (يعنى بدون بنك)؟
معلش اسئلتى كتير بس محتاج اجابتها فعلا

---

الحقيقة انا جايب السيارة من واحدا اسمه محمود موتورز عنده معرضين في العباسية , لو عاوز تذهب له انا ممكن اجي معك, معاملته كويسة بتوقع علي شيكات امانة و بتسدد كل شهر, و بعدين بتدفع فوايد تقريبا 4 الاف جنيه في السنة و بتستلم السيارة علي طول و الورق تاني يوم و بصراحة المعرض 100 100 و عنده كل انواع السيارات و لو معندوش نوع هو بيحضره لك.
تحت أمرك
شكرا

اقتباس:

---

المشاركة الأصلية كتبت بواسطة PAYOO

أنا أفضل أنك تتوجه للتوكيل بالرغم من أنه أغلى من بره شويه بس هاتاخد شغل نضيف ول حتى الشغل ماعجبكش هايعيدوا الشغل من الأول تاني لحد ما ترضى عنه

أنا أتعاملت مع قسم الهياكل فرع قليوب ناس 100 100 هاتلاقي هناك مهندس أسمه أسامه ده المسؤال عن القسم وأنت بتسلم العربيه لأستاذ رشاد مسءول الأستقبال صمم إن المهندس أسامه يكون موجود عشان يعاين بنفسه

وعلى أي حال الرفرف سمكره و دهان بـ 200 جنيه دي تسعيره عندهم الجزء = 200 جنيه والرفرف = جزء أما الكبوت مثلا = 2 جزء وهاكذا


وبرضه ممكن تفاصل شويه

وربنا يوفقك ولو عاوزني أجي معاك ممكن نظبط مع بعض يوم وأروح معاك وهمه هايعملو معاك واجب جامد قوي لاني بالنسبة لهم علامه مسجله (عامل لهم مصايب هناك قبل كده)

---

استاذ PAYOO الف شكر للرد, طبعا يسعدني اروح معك اليهم , انا ممكن يوم الجمعة الصبح , اخبرني كيف اتواصل معك و هل الموعد مناسب لك ام لا. و اكتب رقم تليفونك لو مسموح و انا اكلمك.
بس علي فكرة انا ذهبت الي الخياكل في قليوب اثناء عملي صيانة ال 5000 و قالوا لي علشان خطرك ح نعمل لك الرفرف بس ب 400 جنيه من غير الضرائب !!!!!!!!!!!
في انتظار رد حضرتك و شكرا

الأخ محمد فاضل

برجاء افادتي عن عنوان المعارض التي تقوم بالتقسيط المباشر ، و هل هناك حد معين للمقدم ليقوموا بالتقسيط المباشر و ما هي اقصي مدة للتقسيط؟

سؤال آخر لجميع اعضاء المنتدي و بخاصة الاستاذ / Payoo عن اداء الماتريكس الاتوماتيك ، انا سمعت ان ادائها ضعيف و سحيها مش حلو و مش بتعمل Kickdown

و لكم جزيل الشكر

أخوكم / حسام التونسي

ياريت العنوان ورقم التليفون
جزاك الله خيرا

محمود موتورز
ارقامه:
أولا صاحب المعرض: محمود البلاكوسي: 0122105719 - 024833020
ثانيا واحد جدع جدا هناك اسمه شريف: 0122984395
انت بس قله من طرف م/ محمد علي و محمد فاضل
لاني احنا اخذنا منه عربيتين واحدة ماتركس و واحدة نيسان صني
و لو عاوزني معاك انا تحت امرك

اخوك محمد فاضل

الماتركس الاوتوميك نفس اداء المانيول.
وانصحك تأجر الاتنين قبل ما تشتري علشان ترتاح اكتر.
انا شخصيا قبل ما اجيب أجرت من واحد في المعادي ماتركس 2007 مانيول. وحاليا معايا اوتوماتك لقتها تفس العزم.. بس المهم انك تعرف العربية وتعرف انهو وضع للفتيس الاوتوماتك هيديك العزم الي انت عيزه,, وطبعا تقفل الاوفر درايف.

انا راى مع راى لاستاذ payoo وخليك فى التوكيل وانت بتقول العربية قسط يعنى مفروض ان متامن عليها

وتعرف انهو وضع للفتيس الاوتوماتك هيديك العزم الي انت عيزه,, وطبعا تقفل الاوفر درايف.

انا مش فاهم الحته دى رجاء التوضيح من فضلك

[quote="mohamedfadel"]

اقتباس:

---

المشاركة الأصلية كتبت بواسطة ahmed_moslem

معلش , سؤال للأخ محمد فاضل:
الحقيقة انا جايب السيارة من واحدا اسمه محمود موتورز عنده معرضين في العباسية , لو عاوز تذهب له انا ممكن اجي معك, معاملته كويسة بتوقع علي شيكات امانة و بتسدد كل شهر, و بعدين بتدفع فوايد تقريبا 4 الاف جنيه في السنة و بتستلم السيارة علي طول و الورق تاني يوم و بصراحة المعرض 100 100 و عنده كل انواع السيارات و لو معندوش نوع هو بيحضره لك.
تحت أمرك
شكرا

---

و إية أخبار العربية اللي حضرتك جبتها منهم؟؟؟؟ كويسة؟ مفيهاش عيوب؟ ع الزيرو؟؟
و الناس هناك معاملتهم كويسة؟؟
و فعلا مفيش بنوك؟ يعني تقسيط مباشر؟؟؟
و عندهم عربيات اية؟؟؟
اتمنى الرد يا أستاذ محمد لأهمية الموضوع ليا

شكرا