أخوتي في الله - محتاج مساعدتكم - عربيتي اتخبطط خالص

**mohamedfadel** · 28-05-2007 01:01 AM

السلام عليكم
وصل عدد الخبطاط في العربية حتي الان 3 خبطات علي الجانب الشمال - اخرهم دلوقتي حالا, كل لما اركن السيارة انزل الاقيها مخبوطة مرة فانوس الشارع وقع علي الرفرف و الاخيرتين الله اعلم
المهم السيارة لسة جديدة و بسدد في اقساطها هي ماتركس 2007 عامل بيها 7300 كيلو حتي الان
سؤالي كالتالي علما بأني مع الخبطة الاخيرة لازم اصلح الصاج و ادهنه:-
1- هل اقوم بعمل التصليح بالتوكيل في قسم الهياكل و ايهما افضل ابو رواش ام قليوب ام يستووا لاني بعمل الصيانة في قليوب.
2- هل يعرف احد منكم اي ورشة تكون متخصصة جدا اذهب اليها تكون افضل من التوكيل

جزاكم الله خير علي المساعدة لاني محتاج و مستني ردكم في اقصي سرعة علشان مضايق اوي
ردود استاذ سبعاوي علية وحشتني جدا و احترم رأي استاذ/ Payoo و اراء الجميع
اخوكم محمد فاضل

**أبوسيف** · 28-05-2007 01:16 AM

طالما بتدفع قسط يبقى أكيد مأمن على العربية وطالما مأمن يبقى الأحسن انك توديها التوكيل طبعا

**mohamedfadel** · 28-05-2007 05:24 AM

لا مش مأمن علي العربية, اصل المبلغ اللي عليه بالنسبة لثمن السيارة مش كبير و مفيش بنك وسيط
شكرا للرد

**PAYOO** · 28-05-2007 07:28 AM

أنا أفضل أنك تتوجه للتوكيل بالرغم من أنه أغلى من بره شويه بس هاتاخد شغل نضيف ول حتى الشغل ماعجبكش هايعيدوا الشغل من الأول تاني لحد ما ترضى عنه

أنا أتعاملت مع قسم الهياكل فرع قليوب ناس 100 100 هاتلاقي هناك مهندس أسمه أسامه ده المسؤال عن القسم وأنت بتسلم العربيه لأستاذ رشاد مسءول الأستقبال صمم إن المهندس أسامه يكون موجود عشان يعاين بنفسه

وعلى أي حال الرفرف سمكره و دهان بـ 200 جنيه دي تسعيره عندهم الجزء = 200 جنيه والرفرف = جزء أما الكبوت مثلا = 2 جزء وهاكذا

وبرضه ممكن تفاصل شويه

وربنا يوفقك ولو عاوزني أجي معاك ممكن نظبط مع بعض يوم وأروح معاك وهمه هايعملو معاك واجب جامد قوي لاني بالنسبة لهم علامه مسجله (عامل لهم مصايب هناك قبل كده)

**mohamed el hussien** · 28-05-2007 07:33 AM

اصل التوكيل بيكون غالي
والسغل بتاعة مش بيفرق عن اللي برة
بالعكس في ناس برة في الحرفيين بتطلع السغل انضف من كدة
بس اسأل
وانا ممكن اسألك الناس اللي بتعمل برة
وبعدين في حاجة معظم الصناعية اللي بيكونوا سغالين في التوكيل في السمكرة
بيكونوا شغالين في ورش برة كمان ممكن تسألهم

**mohamed el hussien** · 28-05-2007 07:34 AM

بس طبعا من تحت اتحت

**ahmed_moslem** · 28-05-2007 11:05 AM

معلش , سؤال للأخ محمد فاضل:
انتا ازاى قسط بدون بنك؟ والفائدة كانت بكام و من انهى معرض و هل عندهم بروتون واجا , وهل هنال اى قيود معينة على التقسيط المباشر (يعنى بدون بنك)؟
معلش اسئلتى كتير بس محتاج اجابتها فعلا

**Mohsens** · 28-05-2007 11:13 AM

انتا ازاى قسط بدون بنك؟ والفائدة كانت بكام و من انهى معرض و هل عندهم بروتون

عز العرب وكيل بروتون عندهم تقسيط مباشر لو فاضلك 20-30 ألف....ممكن يقسطوهملك علي سنة....و ممكن إن شاء الله ميجبروكش تأمن.

لما تنوي خلاص قل لي و أنا أروح معاك بإذن الله.

**ahmed_moslem** · 28-05-2007 11:24 AM

جزاك الله خير الجزاء وجعلك ممن قال فيهم رسول الله ( المسلم أخو المسلم ، لا يظلمه ولا يسلمه ، ومن كان في حاجة أخيه كان الله في حاجته ، ومن فرج عن مسلم كربة فرج الله عنه كربة من كربات يوم القيامة ، ومن ستر مسلما ستره الله يوم القيامة ) .
الراوي: عبدالله بن عمر - خلاصة الدرجة: صحيح - المحدث: البخاري - المصدر: الجامع الصحيح - الصفحة أو الرقم: 2442