دلوقتي يا جماعة انا محتار ما بين
بروتون جين 2
سيات ابيزا
فيات جراند بونتو
المهم عندي قطع الغييار و التوكيل
الاداء و القوة و التقفيل
مساحة الصالون و مساحة الشنطة
و كل الحبشتكنات بتاعتهم:d
عرض للطباعة
دلوقتي يا جماعة انا محتار ما بين
بروتون جين 2
سيات ابيزا
فيات جراند بونتو
المهم عندي قطع الغييار و التوكيل
الاداء و القوة و التقفيل
مساحة الصالون و مساحة الشنطة
و كل الحبشتكنات بتاعتهم:d
حرام تقارن الجين بالابيزا و الجراند بونتو
من ناحية المساحة اعتقد الجين 2 افضلهم
من ناحية القوة و الاداء الجين 2 1600 - 115 حصان
يليها الجراند بونتو 1400 77 حصان
يليها السيات ابيزا 1400 75 حصان
في التوكيل , س ام جي سمعته وحشة و اوماترا مش احسن .. كويسين بس غاليين
وبالتالي كفة الجين 2 ارجح تاني
نيجي للتقفيل بفى
الابيزا و الجراند بونتو يتفوقوا علي الجين 2 بمراااااااااااحل !
طبعا الخبرة و التصميم الايطالي فوق اي منتج اسيوي .
شخصيا , لو معايا فلوس التلاتة
ححط الابيزا اخر حاجة
مش علشان انها وحشة بس فوق ال 95 الف ؟؟؟ ليه يعني ! موتورها سيء نسبيا ( بالنسبة لفئتها ) توكيلها نص نص - و سوقها مش ماشي اوي حاليا و اكيد قطع غيارها اغلي .
يفضل الجراند بونتو - كموتور نفس مشكلة الابيزا و لكن علي الاقل تمنها 89 مش فوق ال 90 حتى . ( وفي معارض بتبيعها ب 87 )
كسيارة - تصميم مالوش حل - قطع غيار متوفرة بالتوكيل بس اكيد اغلي من الجين 2
- في راي الجين 2 احسنهم سعريا و موتوريا بس في التقفيل و التابلوه اسوأهم
لو كان في جراند بونتو 1600 وانا في مكانك مكنتش حتردد للحظة واحدة .
المحصلة الجين 2 طبعا .
اختلف مع اخي cryptonx في عدة نقاط اولهم في ترتيبه للاداء هو حط
1-جين 2 115 حصان
2-جراند بونتو 77 حصان
3-ابيزا 75 حصان
اولا:القدرة الحصانية بتاعه الجين 2 110 حصان 148 نيوتن عزم
ثانيا:الابيزا 85 حصان 130 نيوتن عزم
ثالثا:جراند بونتو:77 حصان
الاختلاف مع اخي cryptonx في النقطة الثانية ان توكيل سيات تعبان بص انا هكون عادل جدا في النقطة دي اولا التةوكيل محترفيييييييييييييييييييي ييييييييييييييييييييييييي يييييييييين جدااااااااااا عارفين بيعملوا ايه بالضبط و مترجعش من عندهم بعيب رحتلهم بيه و قطع الغيار متوفرة لكن هما غاليين شوية و ده عن تجربة لينا و لاصحابي اوماترا مش هفتي فيه لاني متعاملتش معاه لكن اللي اعرفه انه مش اد كده
-توكيل الجين 2 تعبان برضه مش اللي هوا يعني
اخي cryptonx بيقول ان موتور الابيزا سيء نسبيا معلش يا cryptonx اللي مجربش ميعرفش انا عندي الابيزا 94 و اعرف ناس عندهم ابيزا 2001 و ناس عندهم ابيزا 92 سيستم بورش و الابيزا الجديدة كمان و دكتور عمرو زميلنا هنا في المنتدي لسه حاجز واحده و هيستلم الاسبوع ده ان شاء الله و الكلام ده علي ايدي انا و سيات لوفر المهم كل اللي جرب الابيزا و عاش معاها بيحلف بيها و انا بأكدلك انها عربية علي مستوي عالي من الكفاءة و الاداء ة الثبات الرائع كأن عربية عرضها 10 متر cryptonx بيقول يفضل الجراند بونتو العربية دي انا مش قادر اقولك انا بحبها ازاي بحبها اوي اوي
و الصناعة الايطالية مش 100 100 لا مليون ال 100 بس الابيزا موتور-شاسية-عفشة-فتيس-الماني vw and audi اظن كفاية اوي اني ذكرت كلمة الماني و مش اي الماني و اظن برضه ان سيات اللي مقفلة و مجمعة العربية تقفيل و تجميع ممتاز و انا فحصتها بنفسي مرتين اسم كلنا عارفين نضافتة و ماركة اوروبية عالية جدا و خاماتها نضيفة تصميم الابيزا جامد جدا و الجراند جامد جدا الابيزا جنوط و فرد اعرض جانط 15 و فرد 195\55 و في منها جانط 16 فرد 205\45 بينما الجراند جانط 14 و فرد 175 تقريبا و الابيزا تستاهل كل قرش يتحت فيها عن ثقة بجد و بدون مبالغة النتيجة النهائية انا لو مكانك هجيب الابيزا لاني عارف و مجرب و عشت معاها 15 سنة و لو انا معيش فلوس الابيزا هجيب الجراند علي طول الجين 2 حلوة بس معلش حتي لة 1600 الابيزا هي الاطول عمرا اكتر من الجراند و الجين 2 مع حبي و أحترامي الكامل للعربيتين و عشقي للكيان المسمي vw group
IBIIIIIIIIIIIIIIIIIIIIIIIIIIIIIIIZZZZZZZZZZZZZZZZZ AAAAAAAAAAAAAAAAA FOR EVER
انا رأى جين 2 بس خد بالك الخامات الداخلية للجراند بونتو افضل بكتيير بس الجين 2 اثبت و اقوى منهم
انا راى جين 2 لو اسعار الأبيزا و الجراند بونتو اقل من كدة او محركاتهم افضل كنت رشحتهملك
شكرا للتصليحات الموتورية يا محمد
بس انت فهمتني غلط
الابيزا سئية نسبيا و هنا المقارنة بينها و بين الجين 2 .
يعني مهما كان الموتور الارقام مش حتكدب ... 85 حصان 130 نيونت
115 حصان - 148 عزم يعني فرق كبير جدا .
انا بحب الابيزا جدا و كان عندي كوردوبا 2006 علي فكرة لمدة اسبوعين ( كانت بتاعت خالي و سافر و سابهالنا ) و دوخت بيها السبع دوخات في SMG
ده غير ان والدي كان يمتلك موسو و الي برده توكيلها smG و صدقني اني اخر مرة كنت عندهم جبتلهم البوليس .
فانا مش بفتري علي التوكيل ولا حاجة بس هما شوية حمير و نصابين في بعض بالنسبالي
في اوماترا هما حرامية اه بس محدش ضحك عليا او حاول .
في راي الابيزا بتمنها ده حرام فيها الفلوس و الجراند بونتو كمان .. حرام اوصل 100 الف جنيه $18.340 في عربية هاتشباك مش واسعة اوي و موتورها مش مقنع بالنسبة لسعرها .
ده بالنسبة لموضوع " نسبيا "
بالنسبة للشكل دي ازواق طبعا السيارتين جمال جدا .
انا شخصيا لو معايا فلوس حنط شوية لليون او الالتيا ..
وبعدين يا محمد مصيرنا نتقابل في مقابلة قادمة و نشوف باليو ضد ابيزا :)
هوة يا كريم باشا مش الباليو 1300 سى سى برضة ؟
انت على فكرة كاتب انها 1200 سى سى فى البروفايل بتاعك !
طب لو حطينا في عين الاعتبار
اني اجيب الجين 2 اللي بتنزل برة
اللي الصالون و التابلوه بتاعها مختلف يبقى الترجيح لمين
مقارنة ....... بين ثلاث عربيات ممتازين
أولا أحب أن ابدي أعتراضي على نقطة قالها الأستاذ كريم
هو قال تقفيل الجين 2 لا يقُارن بالأبيزا و الجراند بونتو
يا رجالة أحنا قلنا إن خامات البلاستيك التي تم تقفيل الأبواب بها هي السيئة فقط لا غيـــــــــــــــر
غير ذلك التابلوه ممتاز ........... و تقفيل موديلات 2007 لم تظهر به أي مشكلة و الحمد لله ( مع كل ملاكها و ليس أنا فقط )
نرجع بقى للمقارنة
الجراند بونتو ............ ممتازة ......... شكل رهيب ........... موفرة في البنزين
و عيبها الوحيد ....... الحجم الصغير ( لا تصلح لعائلة ) و ضعف المحرك لو قارنته بالجين 2
و أنا سأتفق مع الأخوة الزملاء ...... الأستاذ كريم و الأستاذ محمد ابيزا في نقطة
إن توكيل سيات سيئ جدا ........ مع إن العربية كويسة جدا جدا جدا
يبقى نستبعد إبيزا لغاية ما التوكيل يظبط نفسه و يبطل سرقة و نصب
---------------------
الجين 2 .... محرك 1600 و هي تكسب من النواحي الآتية
قوة المحرك ....... وسع السيارة .......... علوها عن الأرض ....... عائلية أكثر من الجراند بونتو ......... كماليتها أكثر
و على فكرة الجين 2 تصميم محركها من لوتس يعني العربية فيها الروح الرياضية الإنجليزية ........ بالإضافة للشكل الجميل و الأحلى من الجراند بونتو ( كشافات الجراند بونتو كبيرة قوي )
في النهاية
الجراند بونتو أختيار ممتاز لو مش محتاج قوة محرك و يبقى أشتريت عربية جميلة و بتوفر في البنزين و يعيبها السعر العالي على سيارة 1300
و الجين 2 أختيار ممتاز أيضا لو محتاج محرك قوي
و لو أني أفضل السيارات صغيرة الحجم بسبب موضوع البنزين و لو أني شرحت من قبل كيفية جعل السيارة الجين 2 توفر في البنزين في موضوع في قسم البروتون
و لكن في النهاية لن تصل في الإستهلاك مثل 1300 سي سي
على فكرة أنا تملكت الثلاثة ما عدا الجراند ........ بونتو عادية
السيارة اصلا 1242 سي سي في بلدها بتتسوق علي انها 1.2 مش 1.3 علشان معدتش ال 1250 .
و هي 83 حصان - 120 عزم .
في مصر التوكيل بيبعها و بتترخص علي انها 1300 سي سي , و دي من عجائب مصر طبعا :)
--
شكرا يا ااستاذ توت للايضاح . بس المحصلة مختلفناش
جين 2 احسنهم
جراند بونتو لو مش فارق معاك الموتور
ابيزا
يعني باذن الله اجيبها اسبيشيال اوردر زي اللي بتنزل برة
و لو حد يعرف اللي زي بتنزل برة بكام
متشكر جدا بس عندي سؤال
العمر الافتراضي للجين 2 طويل
و لا بعد خمس سنين الاقيها بدات تتعب
و الحوارات دي لاني عاوز عربية تعيش معايا
و ليه تدفع فلوس زيادة
أيه المطلوب زيادة ؟؟؟؟؟
لو فرش ممكن تعمل فرش بره عند سبار كار
بالنسبة للعمر الأفتراضي .......... عربيات بروتون عموما من العربيات المعمرة و بصراحة و من غير ما حد يزعل بتعمر اكتر من الكوري و الدليل الويرا التي تجوب شوارع مصر منذ التسعينيات
و في الكتالوج كاتبين العمر الأفتراضي 10 سنوات و انت بنفسك تقدر تحكم
بص على العربية و الصاج و المحرك تحس بيهم بالعمر الطويل إن شاء الله
و ربنا يديك و يدينا طولة العمر
انا قصدي علشان فتحة السقف و تقفيل الموتور و الجنط و الفرش
و تعملها حوالي كام
انا عارف ان انا بزعجكم بس بجد الموضوع مفيد جدا جدا
على فكرة الجين 2 مش بتنزل بفتحة سقف
لو انت عاوز فتحة سقف ممكن تركبها ب 3000 او 4000 جنية عند ارابكوم بس انا مبحبذش اوى الموضوع دة بس على راحتك
و تقفيل الموتور هوة هوة بتاع برة
الفرش ممكن انت تعمل الفرش الى على مزاجك
الجنوط انا رأى انت تشتريها على مزاجك افضل ولا اية رأيك !!!
العمر الافتراضي لايه بالظبط ؟؟؟؟اقتباس:
في الكتالوج كاتبين العمر الأفتراضي 10 سنوات و انت بنفسك تقدر تحكم
العمر الافتراضي للعربيه؟؟؟
دا لو كده تبقى كارثه
مافيش حاجة تتقال اكتر من الكلام الى اتقال قبل كدة .....
اجمالاً " بالنسبالى " ....الجراند بونتو .. موتورها مش ضعيف زى ماحنا فاكرين .. بس طبعا مش فى قوة موتور الجين ال 1600 .. لان فى فرق 33 حصان ..
انا قعدت فى الجين والابيزا والجراند بونتو ........... بغض النظر عن القوه الحصانية ........ حسيت وانا راكب الجراند بونتو .. باحساس تانى ... كأنى راكب الفاروميو .. الصالون وهمى .. خيالى .. سابق عصره بسنوات . تحس و انتا راكبيها كأنك فى صاروخ مثلا ..الجراند بونتو .. مش عربية سريعة اوى ولا بطيئة لانها بتجمع من الصفر : 100 تقريبا فى 13 ثانية ( واعتقد انها اسرع من معظم العربيات ال1300 ).
...... بس احساسك وانتا قاعد جواها ... والتميز الى تحس بيه ...!!!!! يستاهل انك تشتريها وتتنازل عن قوه الموتور ..والمساحة . ده رأيى ..
وانا عماتا بحب جدا جدا جدا جدا الجين 2 .. وبحترم جدا جدا جدا الابيزا
بس الجراند بونتو .. زى " افلام الخيال العلمى " تبهرك .
وياريت تجرب بنفسك التلات عربيات وتحكم بنفسك .
طب اجرب التلات عربيات ازاي هو فيه تست درايف ليهم
و فتحة السقف لو عملتها مش حينزل جامد جدا من تمن العربية
لانه شغل في الصاج و حيبقى فتحة سقف عادي و لا كهرباء
طب سؤال اخير
موديل 2009 هل حيبقى زي اللي برة و هل حينزل منه نظام تبترونيك
انا بصراحة العربية عجباني جدا بس متضايق من موضوع تقفيل التابلوه
انا جيييييت ...
انا قلت اخلى نفسى لللآخر و اسيب الفرصة لحبايبى كلهم اللى عربياتهم داخلة فى المقارنة دى واللى انا بحبهم جداً
...طبعاً اقنعتوا الراجل خلاص بالجين 2 و بيدور على موديل فى فتحة سقف و بيشوف هايجييب الفرش الاسود فى الاحمر منيين
ماشى يا توت ..ماشى يا فيات :D
الحقيقة المقارنة لازم يكون لها هدف وانا مش من انصار المقارنة لازم تبقى فى نفس الفئة ولا نفس سعة المحرك والكلام دة ...لكن الاهداف هى هدف من اتنين :
الاول :افضل ما يمكن اخذة بالمبلغ المتاح
الثانى :افضل سيارة تحقق معادلة معينة من عدة عوامل
قوة-تسارع-مرونة -مناورة-توفير متعة قيادة -اقتصاديات تشغيل -خدمة ما بعد البيع
اعتقد مع كل احترامى للعربيات مجال المقارنة إلا ان الابيزا تتقارن بعربيات ذى الماذدا 3 الهاتش باك و البولو والهوندا فيت (جاز)
على ان يكون الهدف من المقارنة اختيار الافضل فى تحقيق معادلة معينة ..وساعتها هايبقى فى بردو كلام تانى خالص .
انا بقى سكتى مش بحب الارقام و الحصنة و الكلام دة فى مقارنات امتلاك ( ركوب) ...
مش مهم الحصان الاسرع و لا الحصان الاقوى ...المهم الحصان الرشيق الذكى اللى يعرف ينط الحواجز كلها بدون اخطاء و صاحبة مستمتع بتوجيهة ....هى دى اصول اللعبة .
انا هادخل للمقارنة من سكة تانية خالص .....سكة (الذكاء)
ببساطة الذكاء فى العربية يعنى احترام لقائدها -طاعة-تقدير لمالكها -سرعة استجابة-انقاذ للمواقف-الاعتماد انك معاك من بيحسن التصرف
فى حد سأل نفسة مرة هل العربية ممكن تكون ذكية ؟
ومن خلال طرح هذا السؤال هاكشف عن اسرار من اسرار السيات و اللى كل ملاك سيات يعرفوها و اتعودوا عليعا بس بقت طبيعة جواهم و يمكن هو دة اللى مخليهم مش عارفيين يغيروا عربياتهم و هاذكر سر واحد بس لبعض عناصر توافر الذكاء فى سيارات السيات ( ابيزا )
1-ذكاء المحرك
(turbo-charged multi-valve technology)
تغير استجابة المحرك لمتغيرات نمط القيادة المختلفة فى جزء من الثانية عن طريق تشغيل العدد المناسب من الصمامات حسب نمط القيادة
مثال : عند سرعة 60 على التالت وصوت متحفز للمحرك مع عدد صمامات محدود...... انقل للخامس ولاحظ تغير صوت الموتور و نزول كامل العدد من الصمامات الى مجال دفع السيارة
2-ذكاء التوجية
(The electro-hydraulic steering system )
تغير مدى توجية عجلة القيادة حسب متطلبات و مفاجئات الطريق
مثال: مجرد غمزة بسيطة لعجلة القيادة على سرعة 60 كفيلة بتغيير حارة الطريق بينما ربع لفة فى وقت اطول توجة السيارة فقط دون تغيير الحارة .
3-ذكاء الجير بوكس
(Direct Shift Gearbox)
فتح مجال النقلة بمجرد الدخول فى نطاقها وليس ذلك فقط بل سحبها لوصعها الطبيعى بمنتى السلاسة و النعومة مهما اختلفت درجات الحرارة و خلال السرعات المختلفة
مثال :عند السرعة المطلوبة للتغير يقوم نظام التعشيق بفتح الخانة المخصصة للغيار مع دعم وسحب زراع التعشيق للدخول فى خانة الغيار
4-ذكاء الراحة
(Intelligent Comfort Position)
مراعاة الوضعية المثالية للسائق وجعلة فى نقطة مركز تحكم السيارة بالكامل
مثال: عند الجلوس على مقعد القيادة ووضع الكتف اليمنى ملاصق لظهر الكرسى و اليد اليسرى على مسند الباب ....انت تمتلك كل عناصر التوجية بدون بذل اى مجهود او مد اى ذراع من اول النقلات لحد الرابع الى التحكم فى المرايات و الزجاج والقفل المركزى لجميع الابواب
5-ذكاء الاكسسورات
(Simple Hydraulic Mechanism)
اعتماد نظام ميكانيزم بضغط هادىء فى مختلف وجميع عناصر القفل و الفتح
مثال: افتح مقبض الشنطة و سيبة ....هايرجع مكانة بصورة بطيئة ..كانة بالتصوير البطىء -كذلك الطفاية-الكنسول-الشماسة -....
6-ذكاء القيادة الليلية
(Smart Night Driving)
اعتماد نظام ضوئى بعمل تتابعات للآضاءة الخارجية غير موجهة للسيارت العكسية و مركزة فى نقاط مجال الرؤية
مثال: التابلوة مضاء دائماً طول ما انت فى العربية بدون الحاجة الى اضاءة النور الصغير (يعنى تحت كوبرى -جوة نفق فى عز الضهر كل حاجة ادامك مضاءة ....لو نزلت ونسيت النور الصغير ...هاتفاجىء بانذار متقطع ...انك نسيت تقفل النور الصغير
7-ذكاء التصميم الداخلى
(Creative Exterior Curved Lines)
من اى زاوية من العربية انت شايف 360 درجة حواليك ...مفيش مجال للمفاجاءات .
8-ذكاء التصميم الخارجى
(Creative Interior Curved Lines)
تجميع جميع نقاط الضوضاء (عنصر عزل) مع ضغط الهواء (عنصر ثبات) على ابعد نقطة فى مؤخرة السيارة .
9-ذكاء الامان
(Encrypted Engine Immobiliser )
كل محرك لكل سيارة لة كود مشفر خاص باءدارة الحرك غير قابل للتكرار او المحاكاة موجود فقط فى مفتاح السيارة نفسها .
اما بالنسبة للسلبيات التى قيلت على الابيزا فانا مش هقول عليها غير انها سلبيات وهمية جاءت نتيجة عربية هاتش باك مستوردة بالكامل من اوروبا بعملة عفى عليها الزمن
واجمالى المقارنة باختصار (بدون اى تعرض لأى سلبيات )
الجين 2 ..سيارة بدون ماضى و تحاول فى المستقبل
الجراند بونتو.. سيارة بدون ماضى و ينتظرها الكثير من العوائق فى المستقبل
الابيزا.. سيارة لها ماضى و لها مستقبل
وفى النهاية بشكر كل حبايبى اللى دخلوا فى المقارنة و قالوا كل معلوماتهم القيمة جداً .
وبتمنالك يا crazy كل التوفيق فى الاختيار اياً كان اختيارك.. إن شاء الله .
انا برشحلك الابيزا ...متعة القيادة مع واقعية اقتصاديات التشغيل
عاشق السيات ......... حبيبي
أنا أتفق معاك في كل شئ قلته عن السيات إبيزا ( أمتلكت هذه السيارة الرائعة في الماضي )
و لكن كل اللي أنت قلته عن الإبيزا موجود في الجراند بونتو و موجود في الجين 2
و بعدين حضرتك قلت إن الجين 2 و الجراند بونتو سيارات بلا ماضي
و هي دي النقطة الوحيدة اللي أنا بختلف معاك فيها
الجين لها ماضي مدته 3 سنوات و يتم بيع هذه السيارة في أسواق صعب الدخول فيها إلا للسيارات الجيدة فقط مثل إنجلترا ........ و أستراليا
و الجراند بونتو مبنية على شاسيه بونتو اللي دمرت الدنيا منذ أوائل التسعينيات في أوروبا و مصر على حد سواء
و محركها برضه من محركات فيات المحدثة
و الإبيزا سيارة ممتازة و لكن كتاريخ لها تاريخ أقل من البونتو و الجراند بونتو
و لكن كرأي في الموضوع ده
الثلاثة سيارات ممتازة و أنا ركبت الثلاثة ما عدا الجراند ركبتها في هيئة البونتو
يبقى هنا الأختيار ......... حسب الأحتياج من السيارة
و الحوار معاك ممتع يا عسل
و شكرا
حبيب قلبي cryptnox اسف للتأخير في الرد انا مش بكدبك ولا حاجة في اللي قلته عن توكيل سيات بس يمكن حظك جه مع شوية حمير و انا حظي جه مع ناس بتفهم عموما انا بكره توكيل سيات اساسا لانهم مموتين الماركة دي و انا بحبها جدا و بحب اي حاجة الامان حتوا ايديهم فيها و بالفعل المقارنة بين الجين و الابيزا ظالمة حتي لو الابيزا ممتازة دي مقاييس سيبك من الاماتي و الصيني المقاييس بتحدد و عموما انا بعشق ال 3 عربيات و بيني و بينك بس متقولش لحد الابيزا غااااااااااااالية جدا علي حجمها بس متقولش لحد
IBIIIIIIIIIIIIIIIIIIIIIIIIIIIIIIZZZZZZZZZZZZZZZZZA AAAAAAAAAAAAAAAA FOR EVER
سيات لافر .. اية يا باشا الكلام دة ... انتا بجد المفروض تشتغل فى توكيل سيات ... بجد بجد اسمك على مسمى فعلا .... واضح انك فعلا بتحب السيات جدا وهية عماتا ماركه محترمة جدا .. بدون ادنى شك .
هو بصراحة .. التلات عربيات روعة .. والاختيار صعب ..
لكن الى بتكلم فيه حاجه كده من الخيال ( بجد لما تقعد فى صالون الجراند بونتو حتحس انك بتبتسم لوحدك !.. وحتحس انك فى عالم تانى .. ولو قفلت الباب حتحس انك فى الفضاء وانك اتعزلت عن العالم .) انا عارف فى ناس حتقول انى مجنون وبخرف . بس والله دة الى حصلى لما ركبت العربية دية حسيت انها موديل 2012 مثلا حاجة سابقه عصرها بكتييييير . العربية من بره شيك جدا جدا جدا وعصريه جدا .... لكن الى خلانى احبها اكتر ... تصميمها الداخلى .. وتصميم التابلوه والصالون .. و وضعية القيادة .
بصراحة العربية الوحيدة الجديده الى عجبتى اكتر من البونتو ... البرافو ... دقيقة واحدة تقعدها جوه البرافو بعد الدهشة والاستعجاب الى حتجيلك من شكلها الخارجى الجميل . تنزل واحتمال ماتكلمش حد لمده يوم كامل ( البرافو المفروض يكتبو عليها دعوه للتأمل ) !
اسمحلى بس يا سيات باشا اختلف معاك فى نقطة ان البونتو ملهاش ماضى ... دية من افضل العربيات مبيعاً فى اوروبا ومن اول مانزلت سنة 94
هية رقم واحد فى المبيعات فى ايطاليا ... ورقم 3 فى المبيعات فى اوروبا بعد الفوكاس والجولف .. يعنى مكتسحا كل المنافسين ليها زى البولو والفابيا والابيزا والكورسا غيرها .
بصوا يا جماعة انا مش بحب فى مقارنة انى انتقد او اطلع سلبيات العربيات التانية اللى داخلة فى المقارنة ..بحب اقول انا عندى اية مميزات فقط فى العربية اللى برشحها لآن الموضوع مش اسمة ( ماهى عيوب او سلبيات العربية الفلانية ) ..تمام
حبيبى توت (فرعون الجين 2) بص انا ركبت الابيزا و الجين 2 و البرافو (اعتقد انها افضل من الجراند بونتو )
اؤكد لك يا توت ان مفيش اى حاجة من دول موجودة فيها لا باحساس بوجودها ولا بشكل رسمى من الشركة ولو انت شايف انهم موجودين فى نقط تانية كتير بردو مش موجودة و مقولتهاش ...انا ذكرت نقط واضحة جداً لكل ملاك السيات وعليها اتفاق باللاجماع و كمان مذكورة بشكل رسمى من الشركة .
بالنسبة للحديث عن تاريخ العربية ف 3 سنين غير كافى ابداً لدعم ثقة شراء بنسبة كبيرة خصوصاً مع وجود تضارب كبير فى الاراء ..مهما كانت العربية مدروسة و مأخوذ منها حاجات من افضل الماركات الاخرى .
اما بالنسبة لتاريخ الابيزا فهو معروف (فحت و ردم مع الشباب 15 سنة )
وأكيد انت متابعنى يا توت و عارف ان افضل ترشيح عندى فى الزيرو تحت ال 100
ال جين 2 و السيريون .
------------------------------------------------------------------
صديقى ..فيات باشا
يا سيدى انا لا عايز اشتغل فى التوكيل ولا بحبة اصلاً
(صباح الخير يا توكيل ..خد العربية بايظة ...هاتها سليمة ..شكراً ..عليكم السلام )
انا عارف ان الجراند طفرة بالنسبة لفيات فى الفترة اللى فاتت ..بس خلى بالك احنا بنتكلم عن الجراند مش البونتو والتطوير لا يعنى دائماً للآفضل بالرغم ان فى حوار كبير على تاريخ البونتو القديم
نيجى للتصميم الداخلى و الخارجى ...الحقيقة اننا الوحيدين اللى فاهمين فى العربيات اللى متفهمين شوية تصميمها لكن بصراحة ملوش اى صدى مؤثر فى الاغلبية ..و الدليل عدم انتشارها
و انتشارها فى ايطاليا عشان دول ناس بيشجعوا منتجهم جداً من اول الشاب لحد اكبر مسئول فى البلد
وفى كدة بلاد كتير ذى فرنسا والمانيا
وعشان خاطر حبيبك سيات متزعلش من دى (اداء الفيات ..فيات حتى لو ب مائة الف )
وعشان اصالحك (الفيات 500) انا متوقعلها مستقبل ..محصلش لعربية قبل كدة
-------------------------------------------------------------محمد ابيزا (عمى) كدة كريم يقرص عليك شوية يخوفك و ترجع فى كلامك ....
ماشى يا كريم :D ...بقى الراجل الوحيد اللى معايا فى حرب الابيزا تاخدة فى صفك
بالنسبة للتوكيل : يا جماعة عشان مانبقاش بنحلم انتو عارفين اكيد احنا فين ......؟
وبدام كدة يبقى اكتر احلامك مع التوكيلات هنا تودلهوم العربية بايظة ترجع بيها سليمة و مترجعش بيها تانى عندهم ....بس كدة . هاتولى توكيل واحد هنا محافظ على الحركة دى
بعدين يا محمد اية الابيزا غالية على حجمها (هى بالحجم ولا اية ) يا راجل طب انت عارف ان شنطة الابيزا 300 لتر متجمعين فى صورة رأسية ....يعنى مش متنطورين دة بس كفاية فى موضوع الحجم .
ماشى يا محمد مردودالك يا باشا ..مرة كدة فى مقارنة هاسيبك تسوق لوحدك . :D
-----------------------------------------------------------------
يا جماعة انا عارف ان المقارنة دى هاتكون حامية وقايل ل crazy قبلها دة هايبقى متش الاهلى و الزمالك فى المنتدى دة عشان العربيات كلها اللى فى المقارنة جامدة ..و الابيزا شىء جميل لما تتقارن بفئات اعلى سعة و سعر منها ...بس اعتبروها مناقشة بينا صحيح حامية شوية ..بس ممتعة وانا شخصياً شايفها بناءة و مفيدة جداً لينا كلنا .
و والله بحبكم جداً .
أنا خلاص احوليت
طب بدل ما تقولوا مميزات العربيات دي كل واحد يقول عيوبها يمكن الموضوع ده يتحسم
حبيب قلبي سيات لوفر باشااااااا
انا مرجعتش في كلامي والله ايش حال الدكتور عمرو لسه حاجز الابيزا علي ايدي انا و انت الابيزا دي بالنسبة ليه قصة حب و حياه لا تنتهي (تقولش روميو و جولييت) الابيزا نمرة واحد في فئتها الكلام ده مفيهوش فصال عندي انسيييييييييي يا عمرو زي ما بيقولوا و لو الابيزا ب 150 الف برضه هتفضل كده الابيزا من اروع العربيات في الهاتش باك بس اللي بيخليني اقول انها غالية علي حجمها انها ضيقة من ورا انما الشنطة واسعة اوسع من الابيزا بتاعتي كمان هاتلي غلطة في الابيزا اتحدااااااااااااااااااااا ااااااااااااااااااااااااا اااااااااااااااك عربية نضيفة مفيهاش كلام انسي انسي انسي الجراند جامدة ايطالي زي الفل برضة بس الابيزا الماااااااااااااااااااااا ااااااااااااااااااااااااا اااااااااااااااااااااااني يييييييي
germaaaaaaaaaaaaaaaaaaaaaaaaaaaaaaaaaaaaaaaaaaaan يعني العمر الطويل يعني عربية ب 99 الف بتأهلك و تخلي نفسك تعف عن العربيات كلها و تشوف ال bmw ولا ام نجمة تقول ده راكب الماني زيي تطلع منها علي بي ام علي طول ماشي بالعربية مستنضف نفسك في وسط العربيات عندك احساس بالتميز تصميم مرعب ثبات رهيب لوزن معقول موتور معمر قطع غيار متوفرة و معمرة يا جدعان بجد انا لحد دلوقتي عفشتي فابريقة بأستثناء المساعدين اعدو 12 سنة و البلي ادام اعد 14 سنة الباقي فابريقة انتو بتتكلموا في ايه في كبالن في عربية عادية زي الابيزا 94 بتعد 15 سنة ده رقم غبي و عاملة 392 الف كيلو و موتور 1300 سي سي مش 2000 ولا 2500 عشان يبقي رقم عادي الجراند علي عيني و راسي بس عمرها ما هتعد بالوقت ده كله و الجين 2 برضه علي عيني و راسي بس برضه حتي لو تصميم لوتس الصناعة ماليزي ولا يجوز مقارنة المنتج الماليزي بالمنتج الالماني ولا حتي المنتج الايطالي اللي هو قطعا اقل من الالماني مش معني كده ان الايطالي وحش بس الالماني احسن و اشد و العمر الافتراضي اطول طبعا انا رأيي النهائي مع احترامي و تقديري لكل الاراء و العربيات الجراند حبيبتي نمرة 3 في الهاتش بال لان في قبلها بولو و ابيزا و الجين 2 حبييتي في 1600 سي سي بعد ليون و جولف و امبريزا و لانسر ex
IBIIIIIIIIIIIIIIIIIIIIIIIIIIIZZZZZZZZZZZZZZZZZZZAA AAAAAAAAAAAAAAAAAAAAAA FOR EVER
يا crazy متبقاش طماع بقى :D
مش مستحب انك تسأل عن سلبيات (مش عيوب) عربيات داخلة فى مقارنة مع بعضها لآن بالرغم من كل الحيادية اللى بنحاول نبقى فيها و احنا بنساعدك ..كل واحد غصب عنة هايطلع (القطط الفاطسة ) فى العربيات التانية .
الحمد الله ..انك بتقارن بين عربيات احلى من بعض و مفيش عيب واحد لغاية دلوقتى متفق علية فى ولا واحدة فيهم بأجماع الناس كلها .
ان شاء الله يوم ما تستقر على واحدة ..الخبراء اوى فيها هما اللى هايقولولك تخلى بالك من اية او اية السلبيات اللى ممكن تقابلها .
بالتوفيق يا باشا ان شاء الله .
SeatLover
اولا نورت المناقشة
ثانيا لي رد علي بعد معلوماتك و تصحيح لبعض منها .
اولا الابيزا ليست في فئة المازدا 3 باي شكل او لون ولا في المستقبل و لا في الحاضر و لا كمان 100 سنة .
دي فئة و دي فئة تانية نهائي .
الابيزا من فئة الهاتشباك الصغيرة للمتوسطة - و ده معناه انها بتقع مع الجراند بونتو - بولو ( و دي اصلا اساس اي ابيزا ) - فابيا ( بنت عم الابيزا و البولو ) - ولا حتى الاسترا تنتمي هنا . ( الاسترا اكبر من كل دول )
الفئات بتتحدد بالحجم . مش بالماركة او الشكل او الموتور .
لاثبات اعتراضي علي مقارنتك :
ابعاد الابيزا :
قاعدة عجلات : 2460 mm
طول : 3953 mm
عرض : 1698 mm
و الشنطة بتخرن 267 لتر .
المازدا 3 هاتشباك .
قاعدة عجلات : 2640 mm
طول : 4415 ( للهاتشب ) 4435 للسيدان .
عرض : 1755 mm
مساحة تخرين : 315 لتر .
ابعاد الجراند بونتو :
قاعدة عجلات : 2510
طول : 4030 mm
عرض : 1687
مساحة تخرين : 275 لتر -
ده بس كلام عن الفئات - مش عايز اخش في مواتير و تكنولوجيا و ذكاء . علشان متزعلش من سيات :P .
و هنا واضح ان الابيزا والجراند بونتو بنتموا للفئة الي انا بتكلم فيها و تفوق المازدا 3 عليهم في كل شيء .
و طبعا كمقارنة داخلية الجراند بونتو اكبر من الابيزا .
ادخل بقى للنقط الكتيرة الي انت طرحتها بالنسبة للابيزا
ماتزعلش مني - بس الكلام ده كلام اعلانات . بمعنى اخر - تقريبا 90% من الحاجات الي انت بتقول عليها دي متوفرة في 90% من كل السيارات الاوروبية الحديثة و بعض الاسوية .
انما هو ذكاء الشركة الي تعمل بند خاص لكل Feature و تعد توصف فيه للصبح .
-------------------------------------------------------------
اولا :
turbo-charged multi-valve technology)
MultiValve Technology دي موجودة من زمان و في كل السيارات حاليا الاوربية و الاسوية
Turbo-Charged موديل سيات الي في مصر مفيهوش TC و لو بتتكلم عامة الجراند بونتو في منها Tc بس اسمه Tjet في فيات ( 120 - 150 - 180 حصان )
-------------------------------------------------------------
ثانيا :
electro-hydraulic steering system
ده حاليا بقى Standard في كل السيارات الحديثة اوروبية او اسيوية !
ولو حضرتك متعرفش
Fiat عندها حاجة اسمها CitySteering من موديلات ال 90نات وده اسهل باور ستيرنج ممكن تشوفوا او تستعملوا في حياتك و يعتبر اشهر خاصية في البونتو القديم ( وزمان ليه زرار - حاليا السيارة بها تكنولوجيا بتشغله وقت منت تكون محتاجه فعلا ) .
ماعدا المازدا3 علشان متزعلش و الجراند بونتو - كهرباء فقط .
--------------------------------------------------------
ثالثا :
Direct-Shift Gearbox or DSG (Direkt-schalt getriebe) is an electronically controlled, twin-shaft dual-clutch manual gearbox
ومبدأيا ده جير اوتوماتيك في السيارة الاوتوماتيك فقط ودي الي تمنها وصل في مصر 103 الف جنه تقريبا . يعني اغلى من سيارة اكبر منها في الفئة و احسن الف مرة الصراحة .
ودي اول حاجة تذكرها فعلا تخص الابيزا فقط او مجموعة فولكسفاجن و هو فعلا تكنولجيا متطورة احب ألخص عيوبها ( مش من وجهة نظري - ده منقول من موقع ) بما انك شرحت مزاياها :
* Lengthy shift time when shifting to a gear that the transmission did not anticipate (around 400ms, depending on the situation)
* Relatively expensive to manufacture
* Heavier than a comparable GETRAG conventional manual transmission (75 kg vs. 47.5 kg)
* Greater potential failure due to complexity
* Torque handling capability constraints limit after-market engine modifications
عربي :
- تأخير طويل في النقل في حالة عدم توقع الجير للنقل ( 400 ميليثانية )
- غالي في التصنيع ( وبالتالي غالي في التطبيق و الصيانة و الاستبدال )
- اتقل من الجيرز المماثلة .
- عرضة اكثر للاعطال لانه معقد اكتر
- تكنولجيته تمنع و تحدد تغير العزم او تعديله ( عمل تعديلات في السيارة لتزويد العزم - صعب )
و نرجع لاخوه بالظبط في البونتو و لكن اقل تعقيدا ( الجراند بونتو فقط )
‘sequential manual’ gearbox Punto – the DuaLogic
و هو يعمل بنفس فكرة الDSG مع حرية اختيارك .. بمعنى ممكن تخلي كومبيوتر الجير يعرف انت حتنقل امتى زي الابيزا او ممكن ببساطة تلغي النظام كليا و تستعمله كمانوال عادي من غير دبرياج .
-------------------------------------------------------------
رابعا :
Intelligent Comfort Position
كلام الاعلانات ابتدا .. اي سيارة حديثة فيها الFeature دي - ده غير ان معظم السيارات الموضوع ده بقى ABC علشان ممكن تتحكم في حركة كل شيء داخل السيارة .
و ده مبادئ تصميم اي سيارة حاليا . و تتفوق فيه عن كل دول السيريون ( و كان في درس كامل علي اليوتوب ازاي ان السيريون محققة افضل راحة في حيز المساحة المتاحة )
--------------------------------------------------------------
خامسا :
Simple Hydraulic Mechanism)
نفس الكلام - مميزات عمري ماحتخليني اشتري عربية او ابعد عنها ... و علي فكرة موجودة في الجراند بونتو برده !
-------------------------------------------------------------
سادسا :
Smart Night Driving
نفس النقطة - انت شحرت بديهيات الاضاءة لاي نظام اضاء حديث و موجود في كل السيارات - و كمان نرجع نقول انها مش نقطة تخليني اشتري عربية او لآ علي اد ماهو تسويق منتج
و علي فكرة بمناسبة الكلام الي انت قلته عن نسيان اللمبة و التابلوه ينور لوحده بليل
عايز اقولك ان عربيتي ان ( باليو ) و دي تعتبر من اقل سيارات فيات تكنولجيا فيها الميزة دي :)
-------------------------------------------------------------
سابعا و ثامنا :
ضمتهم في بعض علشان بصراحة شايفه كلام عام يخص اي سيارة جديدة برده و متحقق في الجراند بونتو -
-------------------------------------------------------------
تاسعا :
Encrypted Engine Immobiliser )
لو حضرتك شفت بونتو موديل 92 حتلاقي فيها نفس الموضوع - سيارتي الباليو نفس الموضوع - الجراند بونتو طبعا نفس الموضوع .
----------
احب بقى ازود حاجات للمقارنة هامة فعلا و نسيناها كلنا .
الامان
السيات ابيزا حاصلة علي 4 نجوم في اختبار ال Euroncap و 2 نجمة في حماية العابرين في الطريق
الجراند بونتو 5 نجوم - 3 نجوم في حماية العابرين
---------------------------------------------
----------------------------------------------
توفير البنزين
محركات فيات الجديدة كلها 8V و بها تكنولجيا Co2ST لتقليل عادم الCo2 و توفير بنزين رهيب !
تجربة شخصية سيارتي - فيات باليو 1300 - بستتهلك 1 لتر لكل 11.5 كم
الجراندبونتو 1400 بتستهلك 1 لتر لكل 16.5 كم !! متخيل ؟
وده ببنزين 92 - مش 95 كمان .
---------------------------------------------------
----------------------------------------------------
بالنسبة لموضوع الماضي - كدة انت حتزعلني فعلا ...
وتعالي نرجع بالتاريخ شوية لورا .
نتكلم عن الشركتين بس الاول سريعا :
سيات - بدأت 1950
فيات - بدأت 1899
سيات بدأت كشركة صغيرة جدا بمساعدة من فيات و اول سيارة سيات حقيقية بدون تدخل من فيات كانت في 1982 و هي ال Seat Ronda و كانت دي سبب الخناقة بين Fiat و Seat
لآنها ببساطة كانت Fiat Ritmo بتعديل شكلي - رفعت فيات قضية على سيات - و انتهى الامر بانحساب Fiat كاملا من شكرة سيات في 1981 .
يعني اول سيارة منتجة من سيات بدون فيات في 1982 و طلعت كمان مسروقة .. بمعنى اخر سيات كماركة مستقلة عمرها لا يتجاوز ال ال 25 عام .
طبعا مش حتكلم عن فيات لانها من اعرق شركة سيارات في العالم و يكفيني ذخرا اني اقول انها بقالها
109 عام بتصنع سيارات .
نرجع للسيارتين و سيبك من تاريخ الشركة علشان نش حيفيدنا في حاجة ( في الشراء ) :
الابيزا - قدمت لاول مرة سنة 85 و فضل الموديل ده ل 93
و هو عبارة عن شاسيه Fiat Ritmo - Regata بشكل خارحي من تصميم سيات و تكنوجيا بورش في ال Powertrain .
و كان شعارها : Italian styling and German engines
و في ذلك الوقت لم تستطع الابيزا ان تصمد امام Ford / Vauxhall ( opel ) و سيارات فيات و فولكس فاجن في اوروبا و لكن تفوقت على Hyundai - Skoda , و كسبت سوق تدريجيا .
موديل 93 - 99 و ده اشهر موديل بعد تدخل VW و اصبحت لاول مرة ملهاش علاقة بفيات .
و هي سيارة مبنية بالكامل علي تكنولوجيا البولو و محركاتها .
2002 - 2008 و هو الموديل الي اتكلمنا عنه بالتفصيل فوق . و علي فكرة دي اخر سنة لانتاجه يعني لو بفتكر تجيب ابيزا صبر لاخر السنة دي علشان موديل 2009 نازل بشكل جديد نهائي .
الي هو عرض في معرض جينيفا 2008 و اعقتدSeatLover كان عامل موضوع عليه .
يتضح لك يا SeatLover ان الابيزا هي سيارة بماضي ولكن بماضي لايمت لسيات بصلة ولو حتتعتبر ان موديل 93-94 هو اول موديل حقيقي للابيزا بعض خروج فيات
حقولك ان الفيات بونتو تم طرحها في 92 .
و تاريخها و انجازتها و مبيعاتها صعب جدا نقول عليه ( بلا ماضي ) .
---
اخيرا بالنسبة للسيارات المطروحة انا شايف ان الابيزا عيبها الوحدي ليا ان تمنها مبالغ في جدا ( حتى الجراند بونتو ) و مش Value for money نهائي ( السيارتين) و لازم نحط في الاعتبار سوقنا المحلي مش بس مجرد انها سيارة ناجحة و مشهورة علشان كدة انا رشحت الجين 2 .
و انا شخصيا لو معايا فلوس عمري في حياتي ماحركب سيارة سيدان - حجيب هاتشباك برده
و في حالتي حتبقى المقارنة او قرار الشراء يا اما فيات برافو يا اما سيات التيا :)
انا عارف اني طولت - بس ياريت تقروا الموضوع لآني بقالي 2 ساعتين بحضر فيه .
اولا سيات هي عبارة عن فيات اسبانية و لحد فترة قريبة ( قبل فولكس فاجن ) سيات كانت عبارة عن سيارات فيات بماركة سيات ( اعادة تصنيع - rebadging )
اولا سيات هي عبارة عن فيات اسبانية و لحد فترة قريبة ( قبل فولكس فاجن ) سيات كانت عبارة عن سيارات فيات بماركة سيات ( اعادة تصنيع - rebadging )
العبارة دي تنتمي لاول موضوع شرح تأسيس سيات
اعذرني مش عارف اعدلها .
شكرا ياكريم على المعلومات الجديدة دي معلومات مفيدة فعلاً :):)
انا برضه معجب بفيات جدا بس قطع غيارها غالية موت
عليها وتوكيل اوماترا بحس انهم حرامية :(
الاخ بتاع لمبادا :D لو بدور على الارخص اظن جين تو والاغلى ابيزا ثم فيات:cool:
كريم باشا او cryptonx لا خلاف علي عمر سيات القصير و لا خلاف علي طول عمر فيات و خبرتها في تصنيع السيارات و فيات شركة كبيرة و تاريخها معروف طبعا و لا خلاف ان سيات قامت اساسا بمساعدة شركة فيات العالمية اللي انا بحبها طبعا و عربيتها محترمة جدا لكن سيبك من ده كله احنا بندي رأينا لواحد عايز يشتري عربية من ال 3 لكن انا بقي دلوقتي هسألك سؤال وترد عليه بكل صراحة و بدون تحيز انهي عربية من ال3 ابيزا ولا جراند بونتو ولا جين2 هتتحمل اكتر المشي في شوارعنا الحرت مع المطبات و الشوارع المكسرة و عين الكتكوت اللي مالية الشوارع و بتاكل بيض و جلب المقصات اكل كده انهي عربية هتستحمل انك تبقي بتجري 120 ولا 130 و تطلعلك نقرة شديدة العربية تترزع فيها انهي عربية هتستحملك و تسد معاك لو شديت و حرقت(للعلم صاحبي كان معاه ابيزا 1000 سي سي موديل 2001 اعد 7 شهور بيحاول يفوتها عشان يسقط 1800 سي سي معرفش يعمل معاها حاجة)انا عايزك تقولي كده بالترتيب 1 2 3 انهي تتحمل اكتر عقبال ما انزل اغير اجيب تورتة عشان عيد ميلادي و راجعلك يا مان
IBIIIIIIIIIIIIIIIIIIIIIIIIIZZZZZZZZZZZZZZZZZZZZAAA AAAAAAAAAAAAAAAAAAAAAA FOR EVER
اولا كل سنة وانت طيب و هات حتة :)
ثانيا . و لا واحدة من دول :)
الجين 2 لسة منقدرش نحكم علي عمرها لانها مش بقالها كتير
البونتو و الابيزا عفشتهم معروفة انها حمالة اسية
بس في كلا الحالات لو انت عايز عربية تستحمل كل ده مش حتبص لدول اصلا علشان حتى لو ... مساعدين و عفشة السيارات دي تمنها كام ؟ كقطع غيار ؟؟ قطع رقاب علي طول !
انا الباليو طقم المساعدين الامايين : 1400 جنيه ! :)
مابالك الجراندبونتو و الابيزا ( الابيزا قطعا حتكون اغلي ) .
بس انا برده شايف انه حتى لو مقتنع بابيزا يستنى الشكل الجديد اخر السنة دي .
كده الكلام مظيوط و كفاءه يا كريم باشا البونتو و الابيزا عربيات حمالة اسية مع تفوق للابيزا الالماني و فعلا قطع الغيار بتاعتهم بالذات الابيزا غالية طبعا بس يا كريم في جانب مشرق في الموضوع يعني انا المساعدين عندي اعدو 12 سنة و بلي ادام 14 سنة و الكبالن عندي لسه فابريقة لحد دلوقتي يعني كبالن عمرها 15 سنة بس عشان الامانة هغيرهم الاسبوع ده او الاسبوع اللي جاي لانهم بيطقطقوا فالجانب المشرق في الموضوع ان القطع معمرة جدا جدا جدا خصوصا انها بتمشي مع شوارع غريبة ملهاش مثيل في العالم عارفينها و دايسينها كلنا طبعا بس و الحكم علي الجين 2 محتاج ما لا يقل عن 6 8 سنين عشان نشوف يدينا و يديكوا طولة العمر و بالنسبة لاسعار القطع بتاعت الابيزا و البونتو فالعمر الطوييييييييييييييييييييي ييييييييييييييييل بيعوض ارتفاع اسعارهم و ربنا يوفق crazy lambada في الاختيار و لو اني افضل انه يضيق نطاق اختياراته في في الابيزا و البونتو لانهم اثبتوا نفسهم في السوق و سواء اختار دي او دي فالاثنين ممتازين و لو اني برضه حليف الالماني الي الابد
احلي حاجة في رسالتك بقي (هات حته) ولاهي اعدت اضحك جامد جامد متشكر اوي لمعايدتك يا كريم ربنا يديم الحوار الجميل بينا و يخليلنا نايل موتورز.......شكرا يا باشا:):):)
IBIIIIIIIIIIIIIIIIIIIIIIIIIIIIIIIIZZZZZZZZZZZZZZZZ AAAAAAAAAAAAAAAAAAAAAAAAA FOR EVER
ربنا يخليكوم بجد
بس بامانة
انا قررت احتفظ بالسكودا فيفوريت لغاية ما المنافسة ما تتحسم
و سؤال بسيط و عارف اني انا تقلت عليكوم
لو فيه عربية هاتشباك شنطتها كبيرة و اغلى شويا منهم
احسن يعني منهم قولولي و استنى شويا و اجيبها
كل سنة وانتا طيب يا محمد باشا .. عيد ميلاد سعيد
كريبتونكس .... شرح لا اجمال ولا اروع ... تسلم ايدك على الموضوع الرائع ده وفعلا الساعتين الى اخدتهم لعمل الموضوع ... واضحين جدا .:)
كريزى لمبادا .... اشترى جراند بونتو وريحنا بقى ...:d نعملك اية تانى دة المفروض فيات تدينا فلوس على الكلام الى بنقوله دة :d:d .
حاجة اخيرة يا ريت الموضوع يتثبت لانة فى معلومات هايلة جدا جدا جدا .
هو فعلا يستاهل يتثبت لان الاعضاء المشكورين عملوا مجهود ضخم و معلومات مهمة جدا
صدقنى ... لو انتا بتحب التميز ... وعاوز تحس احساس ان راكب عربية سابقه عصرها ..
الجراند بونتو هية اختيارك . موتور متوازن .. مش ضعيف ومش رياضى .. بس استهلاك بنزين متدنى جدا جدا جدا جدا .. زى ما استاذ كريم قال .
لو عاوز عربية ثابتة جدا و تجرى بيها وتسمع صوت موتور فظيع جين 2 .
بالنسبة لابيزا ... هية هربية اكتر من ممتازة ... لكن ... من حيث الشكل والتصميم الجراند بونتو تكتسحها ... بالرغم من شكل الابيزا الثورى .
من حيث قوه الموتور والثبات والمساحة الداخلية .. الجين تو تكتسحها ...
اغلى عربية فى المقارنة دية هية الابيزا .
بص فى الاخر لو جبت اى عربية من التلاتة ... حتس انك فى نقلة نوعية بما ان عربيتك الحالية اسكودا فيفوريت ... فأى عربية من التلاتة حتريحك جدا و حتتبسط بيها جدا جدا
وطلاما عندك نية الشراء .. ماتستناش ... محدش عارف الاسعار بكرة عاملة ازاى
و الله الأستاذ كريم أبدع في الموضوع ده
يعني أنا قلت لعاشق السيات قبل كدا إن كل المواصفات موجودة في الثلاثة عربيات و لكن لم أكن أملك كل تلك التفاصيل الجميلة التي أعدها أخونا الكريم الأستاذ كريم
و على فكرة انا كان معايا سيات إبيزا ......... و فيات بونتو
و لو هانتكلم عن الأثنين .......... الفيات البونتو كانت أفضل من حيث توفير البنزين و رخص قطع الغيار و سهولة التصليح
و الإبيزا سيارة ممتازة و خصوصا الحديث منها
هو بس عاشق السيات ......... بيحب عربيته قوي قوي و بيحاول يظهر كل مميزاتها ............ و لكن كل المميزات الموجودة في إبيزا موجودة في السيارتين موضع المقارنة
و أنا على فكرة بأعشق الثلاثة سيارات
الإبيزا -- البونتو و الجراند بونتو -- و حبيبتي الجين 2
و ألف شكر يا أستاذ كريم على المداخلة الممتازة الثرية بالمعرفة
فعلا ........ معلومات ممتازة جدا جدا
انزل توكيل فيات فى 19 شارع وزاره الزراعة - الدقى ... واركب الجراند بونتو .. .. وارجع قولنا رأيك فيها ايه ؟؟