يا ريت كمان كلنا نكمل مسعدتنا لاخونا
وندعى له ان ربنا ينير بصره وبصيرته ويصلح ما بينه وبين زوجته ويبعد عنه الاخرى
عرض للطباعة
يا ريت كمان كلنا نكمل مسعدتنا لاخونا
وندعى له ان ربنا ينير بصره وبصيرته ويصلح ما بينه وبين زوجته ويبعد عنه الاخرى
انا عندى حل تانى
استنضفلك واحد 18 او 19 سنة اتجوزها وعيش حياتك
ومارتك هتكون هيا المسؤلة علشان الوش الخشب الملبوس فى البيت 24 ساعة
بس هدهها الاول مسمعتش الكلام الجواز لاهو عيب ولا حرام بس متكونش البنت دى اى واحدة تانية
اية المشكلة
بس خالى بالك ان البنات مش لاقيين جواز وما بيصدقوا يلاقو واحد مستريح يضربوا على وتر الحنان
اتقى الله واعلم ان الله يراك ولم تستحى منه ولو زوجتك راتك كنت حتعمل ايه هذا باب من ابواب الشيطان فاغلقه وتقرب الى الله
واسمحلى انت اكلت زوجتك فى فمها وهى ماكلتكش انت همست فى اذنيها وهى لم تسمعك المراءه مثل العجين والشاطر الى يشكلها كويس واعقد النيه وادعوا الله ان يصلح لك زوجتك
و نعم النصايح الهدامه
يا محترم المشكله ان الوش الخشب اللى المدامات بتلبسه بيكون السبب فى لبسه الازواج المهملين فى اسرهم و بيوتهم
الازواج اللى بياخدوا الزواج امر مُسلم بيه و ان الزوجه المفروض تعمل كذا و كذا علشان هى دى وظيفتها كزوجه
الازواج اللى حتى مبيسمعوش زوجاتهم كلمة شكر على اى حاجه تعملها الزوجه (شكر ايه و هباب ايه مهى دى وظيفتها كزوجه) او كلمة حنيه او حتى مداعبه لتلطيف الجو المتنشن فى البيت
الازواج اللى بيطلعوا هم الشغل و اللى بيحصل لهم يره البيت على الى عايشين جوه البيت
الازواج اللى حتى مبيعدوش مع اهل بيتهم 10 دقايق و يسألوهم ايه الاخبار و عملتوا اييه النهارده
الازواج اللى حتى مبيفكروش ياخدوا اهل بيتهم و يخرجوا فسحه حتى مره واحده فى الشهر بحجة ان مفيش وقت
اللى عايز يشوف تغيير فى تصرفات الاخرين لازم يبتدى بنفسه لان تصرفات الاخرين ماهى الا ببساطه ردود افعال لتصرفاتك انت
الزواج بيحتاج مجهود من كلا الطرفين علشان ينجح
عين العقل و للأسف اغلب الرجالة المتجوزين بتتضايق لما زوجاتهم بتبقى مش مهتمة بمظهرها فى البيت، فى حين ان هو شخصيا مابيهتمش انه يظهر بمظهر مقبول فى عين زوجته و ده مؤشر على الطريقة اللى اغلبنا بيتعامل مع شراكة الزواج، بيعتبر نفسه المالك و الزوجة مجرد موظفة.
ماهو ألي هايتجوزها 18 سنة وأعتقد أنه حوالي 38 سنة ..........يعني هايبقي فيه فرق في السرعات علي رأي هاني رمزي ههههههه
ده غير بعد مايتجوزها أيه ضمنك بعد فترة من الجواز طالت أو قصرت ماتلبس هي كمان الوش الخشب!
لأيصلح ألا الصحيح والحلول الجزرية وليس الهروب من المشكلات.
[QUOTE=doctor_eid;3873046636]السلام عليكم
الأخ الفاضل
اسمحلي بعد اذنك اكلمك ناشف شوية و يمكن ازودها معاك بس سامحني
حنية ايه اللي انت عايزها يا عم الحبّيب (بتشديد الباء الاولى). بقى بعد عشر سنين جواز و عيلين جاي تقولي مراتي مش حنينة و بتأكلني في بقي. ده على رأي مراتي اسمه فراغ و مراهقة متأخرة.
اولا بالنسبة لمراتك فهي شايلاك انت و ولادك بقالها عشر سنين و ان كانت بتشتكي من المصروف فده حال كل الستات و بعدين هي بتصرفه على مين ثم ان حتى زوجة سيدنا عمر بن الخطاب (على ما اذكر) اشتكت من ضيق الحال في احد الأوقات. و بعدين انت كمان واخد جنب في البيت وقافل حجرتك عليك يعني انت اللي عازل نفسك عنها. طيب اذا كانت هي مابتحسش بحنيتك هتحسسك بحنيتها ازاي. ده غير ان بعد خدمتك انت و ولادك طول اليوم يبقى الف كتر خيرها اذا كان عندها نفس تقولك تصبح على خير قبل ما تنام. و اذا كنت انت مش مقدر مجهودها ده و بتتهمها بعدم الحنية و تروح تدور عليها بره فاسمحلي انت راجل ناكر الجميل.
احب اقولك اني متجوز من 15 سنة و عندي 3 اولاد. و دكتور و مركز و عربية و كل حاجة. و لكن عمري ما سمحت لتفكيري انه يلعب بعيد و ده لأني باخاف ربنا و كمان باحب مراتي و هي بتحبني رغم ان الحياة فيها ما فيها من مشاكل و شد و جذب. لأن البداية انك تتنازل او تتساهل، و انت بنفسك معترف انك اللي ابتديت بالتنازل و اديتلها المساحة اللي تدخل فيها في حياتك.
و احب اذكرك بالرسول لما شاف في المعراج رجالا يتركون اللحم الطيب و يأكلون اللحم النتن(شايف بلاغة الوصف:"النتن")
كمان احب اقولك ان ماحدش ابدا يقدر ياخد كل حاجة. و انت دلوقتي على مفترق طرق: يا اما مراتك و بيتك و عيالك و سمعتك و شرفك و ووووو
....... يا اما البنت دي و الحب و الحنية شوية ثم الضياع و الخيبة و الحسرة وووووو
اذا ربنا قواك و اخدت الطريق الأول فأنت الفائز حتى لو بدون حب و حنية. و ياما بيوت مقفلة على اسرارها و ماشية من غير حب و لا حنية و لا نيلة و انما علشان مراعاة ربنا و العشرة و العيال و حاجات تانية كتير كلها مشروعة و محترمة.
كمان انت مراتك تقدر تاخد منها كل اللي انت عايزه بألف طريقة و طريقة ... بالحب جايز بالمسايسة جايز بتكبير الدماغ احيانا جايز و حتى بالغصب في بعض الأحيان جايز.ده لأنها مراتك، بتاعتك، حلالك
و يا بختك بقى لو عرفت تلف دماغ مراتك و تاخد منها الحنية اللي انت عايزها. تبقى كسبت من كل ناحية
اما لو اخترت الطريق التاني فتبقى غلطان جدا جدا لو كنت فاكر انك انت السواق. يا حبيبي فيه ناس محترفين الحاجات دي و دول ما بيسألوش النصيحة من حد اما حيث انك سألت فتبقى غلبان زي حالاتنا بس حبيت تعمل برم على كبر. و على كده تأكد انك التابع و ليس المتبوع و البنت دي قادرة انها تلعب بيك و بعشرة زيك في نفس الوقت.
اتذكر الآن واحد زميلي كان ابن ناس و متربي و مافيش اخلاق بعد كده و كنا لسه شباب و واحدة مطلقة و معاها عيل لعبت عليه و بيه و كان هيلبس في الحيط رسمي. بس ربنا قدرنا اننا نوقفه عند حده و كمان عملنا مع البنت دي واجب ادب كويس.
و بعدين اذكرك بايام الخطوبة شوف خطيبتك (مراتك حاليا) كانت بتقابلك لابسة ازاي و بتقولك ايه و انت كمان كنت بتبقى شكلك ازاي و بتقول ايه
اما دلوقتي الحوار بقي : --الغدا جاهز :fdsa: -- اهو عندك عالسفرة:whtauwant:
و تقوللي ما بتدينيش حنية
الناس اللي بيقولولك اتجوز البنت دي انا كمان باقولك لو جدع اتجوزها . ان ما كنتش تلاقي المعاملة اتغيرت و طلبات الفلوس و الخناق كل يوم و التاني و حاجات تانية م تتقالش و هتلاقي كل اللي كنت بتحلم بيه طلع سراب يحسبه الظمآن ماء. و ياسلام لو حملت تبقي وقتك طين و تخش في مشاكل مع الإتنين ده بخلاف انك مش ممكن تأتمنها على شرفك لأنك لا مؤاخذة عرفتها من الشارع
معلش طولت و يمكن زودتها شوية بس لمصلحتك
في النهاية تخلص من البنت دي ازاي. انك تكلمها و تنهي الموضوع بس لازم يكون بسماجة و برود و قلة ادب كمان لو لزم الأمر و تحسسها انك مستغني على الآخر و اوعى تحن و تظهر اي مشاعر من نوع مش بايدي و الظروف اقوى مني و الكلام ده لأنها لو حست منك بكده مش هتسيبك تفلت من ايدها
ربنا يسترنا جميعا دنيا و آخرة
لا فُضَّ فُوكَ:B4_388:
الله يكون فى عونك بجد
العملية سخنت ليه يا جماعة الراجل عنده حل اختيار من اثنين يا يتجوزها يا ميتجوزهاش
و هوه اللى يقرر و ياخد القرار بنفسه و هوه المسئول عن نتيجة قرارة
و الشرع سمح له لحد اربعة
و تعدد الزوجات سنة
بس متنساش الكفاءة فى الزواج و دى حاجة شرعية لازم تتاكد منها