-
بص يا اخى الكريم كل الاخوه الافاضل قامو بلواجب ربنا يكرمهم جميعآ وينجيك وينجينا
احب اضيف رأى مهم الى اراء الاعضاء الكرام وهوا ان حضرتك ترد على البنت دى بشكل فيه جديه وحزم وتقلها ان مراتى عرفه حكايتنا مع بعض وكنت هخسرها واخسر بيتى بسببك ومعنديش استعداد اخسر بيتى لا بسببك ولا بسببك غيرك لانهم اغلى حاجه فى حياتى ولو سمحت مش عايزك تتصلى بيه تانى وانسينى لأنى وعت مراتى انى هكون امين معاها بس تسامحنى وتقفل فى وشها قبل متسمع اى رد منها او تدخل فى حوار فاشل (طبعآ الحوار كله حضرتك مقلفه وذلك لعده اسباب اهمها .....
1 انك تقفل عليها فى المستقبل فكره انها تلعب عليك لعبه التهديد انها هتعرف مراتك
2 علشان تعرفها انها تتجنب الاتصال بيك وانتا فى وضع قوه مش ضعف ولو حولت تتصل بعد كده تانى هددها انك هتبلغ الشرطه انها بتحاول تديقك
3 لو حصل وفعلآ مبطلتش تتصل وتطاردك بلغ مراتك ان فى واحده قليله ادب بتحاول تعاكسك وتديقك وانتا هددتها كذا مره علشان تبرء نفسك ادمها
-
ماهي المشكلة مش في خيانتك أنت دلوقتي ...........أنت تضمن عدم خيانتها(أو هاتبقي واثق فيها حتي لو مش هاتخونك فعلا) دي كدة جيت تهاجمها هاجمتك ههههه
أنت كنت واعدها بالجواز ولا أيه؟
-
انا عارفة انك موش طالب راى ستات بس دى واضح انها بتلعب عليك مفقوسة اوى انا اسفة انى دخلت
-
ياباشا اكيد النقص اللي حصل بينك وبين مراتك اكيد انت كنت ليك سبب فية
بس هموم الدنيا والشغل وهيا العياال والبيت
فبايدك نرجع دة زي زمان
زي ماكلنا قلنا في ساعة صفا كدة تقولها كل اللي في قلبك مهواش عيب يعني
ومقلتليش البنت التانية دة شغالة اية ومستواها الاجتماعي اية
والرساالة بقي اللي كانت كتبهاالك اية (انا عارف انة سوال رخم )
-
انا طبعا موعدتهاش بالجواز ولا حاجة ده كان ردها لما انا قلتلها مش حينفع اخون مراتي لاني بخاف من ربنا ( يعني تقدر تعتبره تلميح بعيد المدي منها )
اما بالنسبة الي هي بتشتغل ايه فهي مسئوله تسويق وانا اكبر منها ب 12 سنة وده في حد ذاته انا بعتبره مشكلة
وبلاش ااقولك انا بشتغل ايه عشان ممكن ناس تعرف انا مين
-
الله يكون في عونك
اكيد الامتحان ده صعب
اعتقد ان كل بني ادم له امتحان صعب في الحياه لازم يمر بيه بس نتيجته بتحدد المستقبل في الدنيا والاخرة
-
مش عارف ليه عندي أحساس أنك ما عندكش مانع تتجوزها بس ماينفعش لأسباب خارجة عن الأرادة(قهرية)
-
اخر كلامى
حول مع مراتك انك تبقا حنين عليها وهى حنينة عليك وتحبوا بعض وتعملوا كل حاجة
حصل دة يبقا مشكلتك اتحلت محصلش يبقا اتوكل على الله واتجوز
لاكن اوعا تحرم نفسك من حاجة عشان هتعيش تعيس والتعسة مش سهلة ابدا
-
حضرتك بص للموضوع من زاوية تانية
طبعا لو مش سعيد مع مراتك او مش واخد الاهتمام الكافى
اللحل الاول انك تقولها و هى غالبا هتكون ايجابية اكتر من الاول
الحل التانى انك تتجوز واحدة بس تكون محترمة طبعا و عندها مبادىء بس متكونش البنت اللى حضرتك قولت عليها ديه نهائى ليه؟؟؟؟؟؟؟
علشان هيا اساسا عرفتك بناء على وضعك المالى زى البنات (المرمر)
طيب بقى لو لقيت واحد احسن منك ماليا
مثلا عنده شركة مقاولات و مليونير و معاه عربية بى ام الفئة السابعة
ماهى لازم هتسيبك و تروحلوه
و برده معلش لازم تكون عارف انها انجذبت ليك علشان وضعك المالى
يعنى مهما كان مش علشانك كشخص
-
اسف لو كلامى هيضايقك بس مستغرب جدا من محاولة تبريرك للغلط اللى انت بتعمله، معلش جاوبنى على كام سؤال:
- ياترى زوجة حضرتك اللى بتلوم عليها انها مش بتسمعك كلام زى اللى بتسمعه من الحيوانة اللى بتعرفها، ياترى زوجة حضرتك بتسمع منك كلام حلو و بتشوف منك اهتمام فوق الوصف و بتقابله ببرود؟
- لو زوجتك عرفت و رفضت مسامحتك و اصرت على الطلاق، يا ترى هتعرف تعيش بعيد ان اولادك؟
- ايه اللى بيبسطك اكتر، انك تكون مع الحيوانة دى ولا مجرد انك تغمض عينيك و تتخيل وش بنتك او ابنك.
ربنا اكرمك بنعم لا تعد ولا تحصى و انت بتدوس عليها برجليك، كل لحظة بتقضيها بعيد عن بيتك و كل مليم بتصرفه على حد غير ولاد و مراتك بتخسرهم من عمرك و مش هتقدر تعوضهم.
اخيرا، انصحك تتقى ربنا فى بيتك و ياريت تقراء الموضوع ده و حط نفسك مكان صاحب الموضوع علشان تعرف قيمة النعمة اللى انت فيها، متزعلش منى بس انا كمان باعمل كده لما الاقى نفسى هفترى و اتجبر، باكسر نفسى، انت كمان محتاج تعمل كده.
http://www.nilemotors.net/Nile/180235-a.html
Content Relevant URLs by
vBSEO 3.6.0 PL2