الموضوع: ملوش حل !!!؟

انا جبت عربية من حوالى اسبوع كدا
وكان المكانيكى والعفشجى كشف عليها وقال كويسه هيا بولونيز مو 1987.
المهم من يومين كدا كان الفتيس لما اجيبو على الاول ..بعد ما اخد مطب ولا امشى شوية الاقيه راح ممور (يعنى الفتيس بينطر من مكانو) بس الحوار دا مش على طول ممكن امشى بيها كتير ميحصلش اى حاجة.

رحت للميكانيكى لاقيته بيقولى القنطرة بتاعت الفتيس ملحومة فى الشاسية وهى المفروض تكون مثيتة بمسامير

فارجو من الخبراء حد يقولى اعمل ايه فى حوار الفتيس دا .... اغيرو ولا اصلحو مع العلم انو هوا مكلف .
وحوار لحام الشاسية دا ايه نظامو ؟ فهل دا خطر على العربية ولا ايه ؟
انا جيبتها ب 13.500 العضم كويس و القوايم تمام والموتور كفاءة 80% ومعرفش ايه حوار الشاسيه دا ... هل انا كدا اضحك عليا ولا ايه ؟
معلش طولت عليكم

لو القنطره بس ملحومه فى الشاسيه ايه المشكله
مهو تلاقى صاحب العربيه الاصلى قرف من كتر ما كل شويه يقعد يربط مسامير القنطره فقال الحمها فى جسم العربيه و خلاص
زى القنطره بتاعت الماتور من تحت فى 128 كل شهر ولا حاجه لازم تتربط
وبعدين 13500 ج بصراحه لقطه حاول تصلح الفتيس عند حد بيفهم ولو مش عارف يطلع الفتيس من اللحام ما يفك اللحام ايه المشكله او بعها على حالتها وريح دماغك وهى هتجيب تمنها ما تقلقش