شافاك الله وعافاك
عرض للطباعة
شافاك الله وعافاك
زي ما أحمد بيه كمال قالك
إياك والإهمال في الضغط...الضغط مرض قاتل
وياريت لو عاوز تعيش أحسن...شوف مكان بره المدن
وكده هتحل نص المشاكل إلي ممكن تعلي الضغط عندك
عارف لية انت كدة؟؟؟
عشان بتاخد كل حاجة على أعصابك وشايف الدنيا سودة ومش شايف اى امل فأى حاجة
حاول تهتم بنفسك شوية مش اكل و شرب ورياضة وبس .. لا كمان حاول تروح لدكتور نفسى انت عندك اكتئاب واضح قوى
حاول تهدى نفسك وتبعد تفكيركعن الحجات اللى تعصب (عارفة انة صعب ) بس حاول تفضى دماغك شوية
روح اى مكان فية بحر واقعد بالسعات فية هتلاقى نفسك صفيت شوية و اقرأ قرأن (ان بذكر الله تطمئن القلوب)
شفاك الله وعافاك
يا راجل حرام عليك اتقي الله بقة عايز تموت علشان ضغط وصداع
ربنا يشفيك يا رب
اخوك سكر وضغط
ومهمل زيك فيهم
بس بتمني ربنا يطول في عمري لما افرح بولادي
الحياة حلوة بس بطل التشاؤم ده وابدا العلاج وانا ان شاء الله اول ما ارجع من السفر هبدا اظبط نفسي شوية انا كمان
وابقي طمني عليك حتي لو برسالة في الخاص
ربنا معاك
وبلاش تفكر في موضوع الموت ده
فكر في ان ده اختبار لقوة تحملك وايمانك بربنا
واسعي انك تنجح
أنا عايز اقول لك على حاجة بس ما تزعلشي مني
أنا طبيب أسنان وساعات بسمع كلمة ما بقدرشي أنتظم على علاج ، وبسمعها كتير من عيانين السكر والضغط
ولكن
يعني إيه ما بقدرشي أنتظم، ده إسمه إستهبال وجهل.
آسف على الكلام بتاعي
بس بجد بتنرفز لما بسمع الكلمة دي، هو الدكتور حيتحايل على العيان عشان ينتظم في الضغط. أنا حاسس إن الدكتور هو اللي حيخف لو العيان إنتظم في العلاج.
إنت حر، إنتظمت ما إنتظمتش إنت حر، بس ما تجيش تشتكي بقى وتقول حاسس بصداع وتحكي عن جارك اللي مات.
طبعا أسأل الله العلي القدير أن يشفيك شفاء لا يغادر سقما وأن يفيض عليك من فيض إسمه الشافي.
بس حيحاسبك ربنا على إهمالك في حق نفسك. إنت عارف إن إهمالك في العلاج ده غلط ومع ذلك بتهمل. زيك بالظبط زي اللي بيدخن وهو عارف إن التدخين بيضره.
سؤال واحد بس، ليه ما بتنتظمشي في العلاج؟ إسأل نفسك السؤال ده وحاول تحل المشكلة دي، عشان محدش حينفع أولادك ولا بيتك لو حصلك حاجة لا قدر الله بسبب إهمالك في نفسك.
ولو كان إنشغالك بأولادك ومصلحتهم ومشاكلهم هو الي مخليك مهمل في نفسك، يبقى المنظق بيقول إني لازم أدي نفسي على الأقل نص ساعة أراعي فيها نفسي عشان أقدر بقية اليوم أراعيهم.....
وأسأل الله مرة أخرى بحق إسمه الشافي أن يشفيك ويعافيك من كل مرض
والسلام ختام
ربنا يخليكى يارب وشكرا جدا على الدعاء
والله ياباشا انا مش بقول اموت او بتمنى الموت بس انا بجد بحسد كل واحد متوفى بحس انه رايح لعالم الصح والحق وانا مش بتمنى الموت بس اكيد الموت ياتى فجاة ودى حاجة بتعجل بيه بسرعة
ربنا يخليك ياباشا
والله فكرة الموت دى مسيطرة عليا وحتى احلامى وكان فى موضوع ليا قديم عن الموضوع ده انى بحلم كتير انى بموت وساعات كتير وانا ماشى بلاقى هاتف يقولى انت لو ركتب العربية دى وسافرت هتموت وتعمل حادثة
كلامك صح مليون المية وعارف انى غلطان كتير فى حقى وانا على فكرة اعزب مش متزوج
وربنا يخليك على نصائحك وربنا يخليك يارب ويكرمك يادكتور