الموضوع: مسؤول رفيع يوبخ "بيشوي" ويهدده بتسريب ملفاته في دير "القديسة دميانة

المشاركة الأصلية كتبت بواسطة evram

انا بطلب من الادارة غلق الموضوع و اسف علي عصيبيتي

ويغلق ليه علشان انت اتعصبت ؟
المفروض انت اتعصبت من حق اي عضو او الادارة انها تعاقبك لكن الموضوع يغلق علشان مش عاجبك او علشان انت اتعصبت ده مش مبرر
الموضوع مش عاجبك ممكن متدخلهوش
اتعصبت اتحمل نتيجة عصبيتك

المشاركة الأصلية كتبت بواسطة yahiahelaly

نرجو من الاداره حذف الموضوع لان ده مش مكان لنقاش ده زي دة ورغم عدم استيعابي الكامل للموضوع لكن
زي ما ممكن يكون في رموز مسيحية مش مظبوطة ممكن يكون في رموز مسلمة كدة برضة

لا طبعا يتحذف ليه
ده المنتدي الاجتماعي يعني يخص كل ما يتعلق بالمجتمع ومتهيالي مفيش اخطر على المجتمع من الحرب الطائفية والتفرقة بين عنصري الامة التي يقودها تيار متطرف في قيادات الكنيسة المصرية بعد وفاة راس الكنيسة المسيحية السابق كرليس الذي لم نسمع في عهده كلمة المسيحيين مضطهدين ولم تبدا في الظهور الا على يد شنودة

واه اكيد فيه رموز مسلمة زيه لكن المشكلة ان الرمزو الاسلامية المتطرفة كلها في السجون ان لم يكن باحكام قضائية فبأوامر اعتقال اما رموز التطرف المسيحية فلا يجرؤ احد ان يقترب منها ويترك لها المجال لتقول ما تقوله مما يشعل الفتنة بين ابناء الوطن الواحد

المشاركة الأصلية كتبت بواسطة evram

ده اصلا موضوع تافه ولا ليه اي لازمه و ايو احنا بنسمي ابونا بيشوي بلاش ابونا تزعلك بيشوي بس انت تفتكر تقصد المدعو ولا حاجه تانيه يعني حط ءءءءء همزة علي النبرة

هو علشان الموضوع مش عاجبك يبقي تافه
خلاص ادخل في الموضوعات اللى مش تافهة وشارك فيها
ومتهيالي فيه عضو وضح لك ان كلمة ابونا دي غلط وبنص الانجيل وانت اقريت انك بتقولها لمجرد انك وجدت من حولك يقولونها
ولا تفترض في الاخرين ما لم يقولوه حاسبهم عما كتبوه او قالوه فقط اما النوايا فالله وحده اعلم بها

المشاركة الأصلية كتبت بواسطة jojooo

بصراحة اسلوبك يااستاذ احمد ياصاحب الموضوع مستفز جيدا فى الكلام خصوصا فى موضوع الدين
والدين مش مكانة المنتدى ولا اعضاء المنتدى كلهم دون استناء ينفع نتناقش فية (فى رجال دين)هم ادرى منى ومنك بامور دة
والشي الطبيعى هو عدم تدخل الدولة فى الشئون الدينة المسيحية
والكنيسة هى المسئولة والمديرة عن الشعب المسيحى
واعتقادك و رأيك الشخصى بلاش تقولة تانى
وياريت الموضوع يتشال علشان مش مكانة خالص

1- انا شايف انه مش مستفز هو نقل مقالة والكلام اللى فيها اللى قاله بيشوي يبقي لو فيه حد مستفز فعلا يبقي بيشوي هو المستفز مش ناقل الموضوع
2- وبيشوي في حديثه لم يكن يعطي درس ديني حتي نقول ان رجال الدين وحدهم الذين يتكلمون
لما بيشوي يتكلم في العقيدة في لاكنيسة هو حر
لما الشيخ فلان يتكلم في الفقه في المسجد هو حر
انما لما يجي واحد يقول كلام يثير لي الفتنة الطائفية ويهدد بتقسم الوطن لا مش حر ويخرس احسن
3- عايزين نفصل بين حاجتين الامور الدينية العقائدية الخاصة بال\يانات المختلفة ليس من حق الدولة او اتباع اي ديانة اخري التدخل فيها
اما الامور المتعلقة بالمجتمع ككل والنظام العام للدولة فمن حق الدولة ومن حق باقي افراد المجتمع التدخل فيها اذا كانت ستؤدي للاضرار بالمجتمع
4- لا يوجد ما يسمي الشعب المسيحي في مصر
يوجد الشعب المصري فقط بمسلميه ومسيحييه الكنيسة ليست دولة داخل الدولة
5- اعتقاده الشخصي هو او انت انتم احرار تقولوه واظن مش من حقك تقول رايك الشخصي وتقول لواحد تانى رايك لاشخصي ده بلاش تقوله تاني والا هيرد عليك بالمثل
6- الموضوع يتشال ليه لو فيه مخالفة صريحة لقواعد المنتدي يتشال غير كدة يبقي حرية راي ولا هي حرية الراي في ان الاخرين يقولوا ما لا يتعارض مع رايك فقط ؟؟؟؟؟؟؟؟

المشاركة الأصلية كتبت بواسطة evram

ماهو لما الحكومه تسيطر علي الكنيسه يعني بتدخل في شئونه و كلام جو جو صح

بص يا افرام واضح ان حداثة خبرتك وصغر سنك خلاك زيك زي الولاد بتوع الجماعات الاسلامية في الجامعات كلاكما مسير
يا اخي العزيز فيه فرق بين الامور الدينية وليس من حق الدولة التدخل فيها
وبين الامور العامة ومن حق الدولة التدخل فيها وما قاله بيشوي امور عامة ليس لها علاقة بالدين تهريب اسلحة في سفينة لابن راس كنيسة بورسعيد ليس له علاقة بالدين
السعي لتحريض المسحيين ضد المسلمين ليس له علاقة بالدين
تحريض الاطباء والمدرسين المسيحيين على الاخلال بواجبهم المهني مع المسلمين تدمير للمجتمع وده في وثيقة الطبيب وفي وثائق اخري نشها د زيزو هنا في المنتدي

المشاركة الأصلية كتبت بواسطة maged

يا جماعة وحدو الله من غير حساسية زيادة انا من الاعضاء المسيحيين فى المنتدى وعضو قديم ويا ما شفت موضوعات كتير واخبار كتير فى منها اللى شاركت فيه ومنها اللى اكتفيت بقراءتة بس حسب اهمية الموضوع انا رايى وده كلامى موجه للاستاذ افرام ان الانبا بيشوى لو ثبت انه قال الكلام المكتوب ده بجد يبقى لازم يعاقب سواء كنسيا او قانونيا ومن حق اى عضو انه يتكلم فى الموضوع كيفما يشاء لان الكلام ده مش مظبوط ويعمل فتنه وجرح لمشاعر الاخوة المسلمين ومش ده الكلام اللى اتعلمناه من المسيح
اما اذا كان الانبا بيشوى لم يقول هذا الكلام وده الارجح وثبت ذلك بالدليل توجب على العضو صاحب الموضوع فتح موضوع جديد وبيان ايه الحقيقة
وبخصوص موضوع رقابة الدولة على الكنيسة انا عايز اعرف يعنى ايه بالظبط حد يفهمنى لان الكنيسة فى اى وقت اى حد منكم ممكن يدخل عادى ويحضر الصلاة والعظة وكل الطقوس ومفيش حد هيسألة انت مسلم ولا مسيحى ولا جاى ليه واكيد ناس كتير منكم دخلت كنائس فى افراح او مناسبات عزاء ولم يسألهم احد عن اى شىء وبالتالى الرقابة على الكنيسة سهلة جدا
اما اذا كان القصد التدخل فى شئون الكنيسة فهذا غير مقبول يعنى مثلا لو كانت الدولة مسيحية وحكومتها مسيحية هل كان ارتضى المسلمون تدخل الحكومة المسيحية فى شئون المسلمين الخاصة بعقيدتهم طبعا لا
عموما مفيش داعى نسبق الاحداث اكيد الحقيقة هتظهر
وعايز اقول للاخ افرام خليك هادى مهما حصل او اتقال على الكنيسة او كهنتها فلا تخاف او تغضب لانهم بشر لو اخطئو ربنا مش هيسامحهم ابدا لانهم مسئولين عن ملايين المسيحيين واذا لم يخطئو وتم اتهامهم ظلما فلا انا ولا انت نقدر ندافع عنهم لكن ربنا موجود وهو اللى قال فى الانجيل ( الرب يدافع عنكم وانتم تصمتون ) يعنى ربنا هو وحده اللى يقدر ينجى الكنيسة من اى مشاكل
واقول للاخ اللى كتب الموضوع ممكن يكون غرضك خير وفايده للمنتدى لكن الخير ده ممكن يتقلب شر لو حد علق على الموضوع بطريقة تجرح مشاعر اخوتك فى المنتدى وليس لهم اى ذنب وفى الاخر ممكن الخبر يطلع متفبرك ويبقى زغلنا من بعضنا على الفاضى وده اكيد مش يرضيك اسف للاطالة .

1- بيشوي قال الكلام في حديث منشور بجريدة المصري ولو كان لم يقله لهدد الجريدة ونشرت اعتذار رسمي لكنه لم يفعل لان كل ما نسب اليه قاله بالفعل فليتحمل نتيجة اخطائه
2- ماذا تقصد بكلمة التدخل في شئون الكنيسة على وجه التحديد ؟؟؟؟؟؟؟؟
الدولة تراقب ميزانيات المساجد وتفتشها في اي وقت تشاء
هل يمكن فعل ذلك مع الكنيسة ؟؟؟؟؟
هل يعرف احد ميزانية الكنيسة من اين تأتي وأين تنفق ؟؟؟
هل يعلم احد ما يوجد داخل الكنائس حيث لا تدخل انت ولا انا وهي التساؤلات التي أثارتها قضية سفينة السلاح المهربة لصالح الكنيسة في بورسعيد
3- باقي كلامك متفق معاك فيه تماما