الموضوع: نسيبنا من الوقف خلينا نحضر لمقابله جديده

yasso بدا بطريقه تمام جداااا
يعني كده معانا معادين 1/10 او 8/10 و فكرة القبض و الفلوس طبعا ده كلام عملي و مهم وانا معاك فيه

طيب ايه رايكم ندي 3 ايام _ داخل فيهم النهارده- لاختيار المعاد الي يقترحه الاعضاء بالاضافه الي اليومين السابق ذكرهم

1/10
8/10
اختيار اخر

واستسمحكم هيكونوا 3 ايام فقط يعني بحلو ل الساعه 12 منتصف الليل من يوم الاثنين وبعده هنفرز الاختيارات و الاغلبيه يكون هوة الميعاد ثم ننقل الي الخطوة التي تليه


استاذتنا لولي طبعا اتمني سعادتك تعاونينا في التنظيم و صديقي م/ حاتم ايدي علي ايدك يا باشا و ننظم كلنا سوا
و م/عمرو بك فين اقتراحاتك؟؟؟

واكيد كل اهل بيت نمور كيا مستنينكواا

بجد ابو ليلي فعلا كان مجهود عليه انا بجد اول مرة احسه الله يكرمك ويسعدك يا ابو ليلي زي ما بتسعدنا ديما

ملاحظه::: اي حد عايز يقترح حاجه او شئ من هذا القبيل الف مراحب بيه و هنكون كلنا سعداء بالمشاركه

المشاركة الأصلية كتبت بواسطة sharafconsult

حبيبى الغالى
منور يا دكتور وحقيقى واحشنى

أولا موعد 1/10 ده قريب قوى ومش عارف ممكن نلحق نرتبها ولا لأ علشان محدش يزعل ويقول ما لحقتش
وبالنسبه لأقتراحى أكيد طبعا يوم 8/10 علشان أنا رايح أقضى يومين فى شرم الشيخ فى الميعاد ده ( خلى الولاد مع أمهم يخلصوا على بعض فى المذاكره ) ويشرفنى أستقبالكم جميعا هناك طالما أنك عازمنا كلنا هناك ولو الفلوس مزنقه شويه معاك ممكن تشيلنى من الحسبه لأنى كده كده هناك وكفايه عليك باقى الأعضاء
وتأكد أن مفيش واحد .... مش هييجى
وأنا ممكن أرتبلكم كل أللى فى نفسكم بحر ,جبل, ألخ ألخ ( وأسرح بخيالك مع ألخ دى )

على العموم أنا كده كده معاكم حتى لو سبت شرم لأن المثل بيقول قعدة الرجاله بـ 100 شرم ....مش حاكمل وأنت عارف الباقى

م/عمرو شرف

طبعا ان معاك ان 1/10 ده مستحيل لانه قريب جدا و خايف علي ما نفوق و نبدا نسخن و نجهز هيكون عدا 8/10 يا باشا كفايه اني اشوفك بس هتسيب شرم؟؟ كده كتييير اوي علينا

المشاركة الأصلية كتبت بواسطة HAGAN

بعد اذنك يا دكتور اسامه
الطلعة دي عليه
ايه الحكاية يا جماعة
دا الموضوع لازم يشد شويتين اكثر من كده انا فاكر المقابلة الماضية بعد التصويت علي السخنة والمجهود الخرافي بتاع عمدتنا ابوليلي وخلاص كل شئ كان تمام اتغير في اخر لحظة بعد معرفة الاسعار وطريقة الحجز في القرية السياحية يعني لازم المشاركات تكون من كل الحبايب سريعة شوية اكثر من كده علشان الراجل يلحق يعمل تنظيم كويس ومحدش يلوم عليه
فين (( د.احمد سامي
وفين نورمال
وفين الزواوي
وفين م.غازي شريكي في المسمار
وفين حسام بيه ابتراوي
وفين محمد حمدي ولا بعد الخطوبة قالت له ابداالناس دول بيخدوك مني
وفين نحساوي من المقابلة اللي فاتت ولا حس ولا خبر
وفين عتريس اللي مبيجيش ولا مقابلة عاوزين نتعرف بيك يا ريس قبل الانتخابات علشان شكلك كده اول ما بتنجح فص ملح وداب
وفين م.احمد اسماعيل اللي ملحقتش اتشرف بيه المقابلة الماضية
وفين الراجل الطيب د.ميدو اللي ناوي يجيب كوريا هنا في مصر
وفين محمد بيه جاري في المعادي بتاع عمارات الامل
وفين الكل كليلة
اول مرة اشوف الضيف يعزم اهل البيت
وحشتونا يا رجالة

م.حاتم السباعي

صديقي اطلع الطلعه دي ده اقل حقوقك و كلامك صح مليون في الميه. انا ملاحظ من المقابله الي فاتت ان المشاركه ضعفت مع الوقت
الله اعلم هترجع تاني ولا الناس زهقت ولا عشان لسه الموضوع مفتوح مش عارف
عموما فاضل 48 ساعه علي نهايه تحديد اليوم ومحدش رد غير yasso الله يوفقه و لولي طبعا وكريم كرم شوقي
فين صح بقيه الناس؟؟؟
هنشوف يا صديقي هيحصل ايه

شوفوا تحبو أساعد كم إزاي
وإن شاء الله أعرف آجي عشان والدتي المفروض تعمل عملية ومش عارفة حتحدد الميعاد امتى
المهم أنا في الخدمة وطبعا افضل الرحاب
بس عندي اقتراح صغير مش عارفة لسة ابعاده ايه
نتقابل في التوكيل ؟؟!!!

المشاركة الأصلية كتبت بواسطة hagan

الف مليون سلامة للوالده و انا وزوجتي تحت امر حضرتك لو في اي مساعده بس حضرتك تأمري
وعن موضوع الاقتراح الصغير الكبير
اهو كده هتسخني الموضوع
وهتلاقي الحبايب كلهم سابو اللي شاغلهم عننا و يبتدوا يدخلوا واحد واحد -------- واحد خليجي من فضلكككككككككككككككككككككك ك
وهتلاقي دكتورنا بيقولك اوباااااااااااااااااااااا ااااا
ده كرسي في الكلوب و موضوع المقابلة هيتقلب اسمه بدل من (( مقابلة الحبايب )) الي (( شكاوي الحبايب ))
عموما اهي فرصة كبيرة لكل الاعضاء وبصراحة انا لو معايا كيا مش هفوت المقابلة دي ابادااااااااااااااااااااا اااا
لك تحياتي علي الاقتراح الجميل بس هو فيه سندوتشات علشان الزواوي ميضيعناش هناك ههههههههههههههههههههههههه هههه

م.حاتم السباعي

ربنا يخليك يا باشمهندس دي عملية بسيطة في عنيها بس الفكرة إني مش حينفع اسيبها لوحديها

وأنا حاحاول أشوف المدير عندي ونشوف الدنيا تمشي إزاي وأحول افكرلكم في أوفر ونفكر في حاجة تفيدنا كلنا خليجي ووكيل
وحاجيب أكل عشان خاطر زواوي طبعا ده اخويا الصغير