الموضوع: باور في الابيزا 98

عايز اركب باور في الابيزا 98 حد يقولي اعمله فين ويتكلف كااام

المشاركة الأصلية كتبت بواسطة bazooooka78

عايز اركب باور في الابيزا 98 حد يقولي اعمله فين ويتكلف كااام

الصديق الايبزاوى
اقترح عليك انك تعملة فى الحرفيين
هو هيتكلف فى حدود 2000 جم يمكن اقل يمكن اكتر ده على حسب المكان اللى هتشترى منه قطع الغيار و الميكانيكى اللى هيركبة
هو سهل جدا تركيبة مش هياخد فى تركيبة وقت كبير بيركب فى حدود 5 سعات

و المكونات من قطع الغيار اللى انت محتاجها علشان تعدل العربيه من عاده الى باور

1. علبة دركسيون باور كامله (علبه -بارات-بيض الباره) و هى بتتباع كامله فى حدود من 350 الى 600 جم على حسب حالتها و حسب البائع
2. الصليبة ودى ثمنها فى حدود من 80 الى 100 جم
3. كاوتش الصدر ودى بحوالى 50 جم
4. 3 خراطيم باور دول فى حدود 150 الى 200 جم منهم واحد فيه ماسورة حديداولها خرطوم صغير جاى من قربة الزيت و اخرها خرطوم صغير على شكل حرف s بينتهى بالطرمبة و االاثنين الاخرين فيهم مواسير حديد واخده اشكال حوض الموتور
5. طرمبة الباور فى حدود من 400 الى500 جم
6. قاعدة موتور ببكرة الشداد فى حدود 150 جم و دى اللى بتركب فيها طرمبة الباور
7. قربة زيت الباور فى حدود 50 جم
8. سير بمقاس جديد فى حدود 50 جم
9. زيت باور ابيض مهم جدا انه يكون ابيض لان الباور مصمم انه يشتغل بالزيت الابيض مش الاحمر و ده سعره فى حدود 40 جم
10. بعض مسامير التثبيت ودول ممكن تحاول تاخدهم الاصلى من اللى انت هتشترى منة الحاجه دى
11. مصناعية الميكانيكى ودى تقريبا 200 جم او على حسب الاتفاق

اتمنى اكون قدرت افيدك و بالتوفيق
محمد مصطفى