أنا أخرى أخد قرصين اسبرين لما يجيلى صداع
حد جرب الادمان الطبيعى!!!!!!
عرض للطباعة
أنا أخرى أخد قرصين اسبرين لما يجيلى صداع
حد جرب الادمان الطبيعى!!!!!!
ازيكم يا شباب
احكيلكم تجربتي مع الترمادول.
صاحبي اللي جابه لي قالي انه هايخليك نشيط جدا ومش هاتعرف تنام تقريبا، ونصحني اني اخد نص قرص في الاول، وقالي بالحرف الواحد انك لو اخدت قرص كامل ممكن تقعد 3 ايام ما تعرفش تنام، فقررت اني اخده وقت الحاجة اليه خاصة اني بكون مضغوط في اكثر من نشاط وشغلي والخ.
في اول اغسطس كنت مسافر الى السويد وحجزت رحلة طيران توقف ترانزيت 10 ساعات في براغ عاصمة التشيك عشان تبقى فرصة اتفسح شوية ونشوف بلد جديدة، وقلت ان دا الوقت المناسب عشان اخد الترامادول، وفعلا وصلت براغ الساعة 6 صباجا وانا في المطار رحت واخد حباية كاملة وطبعا بعدها تنتظرت اني اكون اسد في براغ غزال بيجري يمين شمال في البلد.
بعد ساعة بدأ مفعول الترامادول يشتغل، وفجأة لقيت ركبي بتسقط مني !! ورجلي ما قادرة تشلني، وماشي في الشارع زي الماسطيل شبه بتطوح !! لقيت جنينة دخلت وقعدت على كرسي وسندت دماغي على الشنطة بتاعتي وفجأة صحيت واذ بي اكتشف اني نمت ساعة ونص !! مصدقتش نفسي، المهم قمت كملت لف وركبت اتوبيس نمت فيه لحد ما وصل لنهاية الخط !! نزلت قلت خلاص انا كدة نمت كويس وهابقى فايق عشان اعرف الف في البلد، لقيت مطعم فقولت ادخل الحمام اغسل وشي وافوق شوية، المهم دخلت اعمل حمام غصب عني نمت لمدة ساعة !!
حالة غريبة جدا جدا، بعد ما نمت في الحمال خرجت الاقي عيني بتقفل لوحدها ومش قادر افتحها ومش قادر امشي، قولت احسن حاجة اني اروح المطار عشان كدة ممكن انام في الشارع ومالحقش معاد الطيارة للسويد، ركبت اتوبيس للمطار وطبعا نمت طول الطريق، رحت على بوابة الطيارة بتاعتي قبل معادها بحوالي ساعتين ونص وهناك بقى نمت نوم عمييييق جدا لمدة ساعتين بس كنت مطمئن لاني في المطار !!
وانا راجع من السويد للقاهرة كان فيه برود ترانزيت في براغ لمدة 10 ساعات، وطبعا ما خدتش ترامادول والحمد لله كان يوم جميل ومر طبيعي جدا !!!
ودي كان حكايتي مع الترامادول
تحياتي
واحد صاحبي صيدلي كان بيعزم عليا قبل الفرح بحاجات من دي ورفضت طبعا
من كام شهر قلت اجرب واخدت واحده بس مش عارف نوعها ايه
النتيجه اني حست بهبوط شنييييييييييييييييع وانا اساسا ضغطي دايما واطي وحسيت اني عايز ارجع والحوار ده استمر معايا 3 ايام يعني نيل الدنيا وخلي الواحد شكله زفت
أنا اترعب أني أجرب حاجة زي دي .. مع ذلك ليا تجربة مع عائلة الترامادول .. كنت عملت عملية الغدة الدرقية (فتح رقبة) فلازم المسكن يكون جامد لتحمل الآلام .. المهم في المستشفى كانوا بيحطولي ترامال في الكلوجوز .. مش عاوز أوصف ليكم كنت حاسس بأيه .http://www.nilemotors.net/Nile/image...954%5B1%5D.gif أولاً نوم عميق جداً عمري ما نمته في حياتي مع أحلام وردية .. واللي كانوا معايا في المستشفى بيقولوا أني بقيت رغاي قوي (مش طبيعة فيا بتاتاً) وكانوا مستغربين من الموضوع ده (مع أني من المفروض تعبان ومش قادر أتكلم) وكنت أقعد أرغي كتير وبعدين أروح مرة واحدة في سابع نومة .. وأصحى من النوم أكمل اللي كنت برغي فيه (ولا أكني نمت) .. وكنت حاسس ساعتها أني زي الحيطة وفيا قوة تهد جبال مع أني متدهول على عيني :36_7_4[1]:.. ربنا يكفيني ويكفيكم شر المخدرات .
و الله الموضوع دة الحسنة الوحيدة فية مش التعاطى هههههههههههههههه لا المواضيع الشيقة المضحكة بس دة كدة بجد مشكلة الواحد بيهزر على موقف ماشى بس لو دة ممكنم يكون زى الى باخدو كيما هههههههههههههههه طبعا لا بجد الصحة و الله لا تعوض و الله لا تعوض بس الضحك هو الى عامل جو للمواضيع و فحم اية يا شنورى باشا دى كدة قلبت خالص ههههههههههههههههههههههههه ههههههههه
طب سؤال بقى هو فية مسكن اسمة بيسادين حقن و الله دة برضو شكلة مضروب و البنج مضروب هههههههههههههههههههههههه
رغم اني بعاني من الالام الظهر من كام سنة نتيجة كثرة القعدة على المكتب ورغم اني جربت انواع كتير جدا جدا من المسكنات اللي بهدلتلي معدتي
وقررت امتنع عنها تماما وارجع للرياضة تاني عشان اعدل ضهري
والحمد لله الرياضة جابت نتيجة ورجعت احسن من الاول
الا اني عمري ما جربت الزفت ده
خاصة اني عندي خلفية سوداء امامي من اكثر من حالة بياخدوة وحالتهم زفت جدا
ومرة الاوفيس بوي بتاعنا وهو احد المتعاطيين له كان شايفني راجع من عملية في بطني (فتاق مرتجع) ومش قادر اقعد على الكرسي ولا قادر اصلي ولا اعمل اي شغل
جابلي شريط تراماجاك هدية بيوجب معايا وقالي مسكن قوي
كلمت الدكتور اللي عملي العملية وسالته قاللي ارميه في الحمام فورا لانه مخدر
من ساعتها مرمي في العربية
ومن ضمن اللي قراه عنها لان اكتر الشباب والمتزوجين فعلا بياخدوه لاطالة فترة الجماع
ان تاثيرة نفس تاثير الحشيش
انت مش حاسس انت بتعمل ايه ولا قعدت قد ايه
وبيتهيالك انك هاتقعد وقت كبير لكنه نفس وقتك الطبيعي بالظبط واحسنلك خد علاج
عذرا اني بقول كدة لكني شوف حالات ماسوية بسبب الزفت الترامادول ده
اكتر حاجة معروفة عنه ومحدش جاب سيرتها
ان الترامادول بيسبب فشل كلوي سريع
اخو الاوفيس بوي بتاعنا بيتعالج من فشل كلوي بسببه
وعلى إيه ده كله
ماله البنادول و الأبيمول ...:ma:
نادرا ان الواحد يلاقي حد حاليا مبياخدش حاجة من العائله دي والي تفتكره مبياخدش يبقي مبيقولكش مش اكتر او الرابطه الي بينكم متسمحش بكدة (حاجة بقت فظيعه بجد)
انا جربته فترة فعلا لاني مدمن مسكنات بشكل عام لاني عندي الالام العضم والفك بيعملوا معايا احسن شغل لكن تجربتي له دي معناها اني اخري ربع حبايه وقت الشدة عشان انسي الوجع دة
الي اقدر اقوله انه موضوع حبايه دي كتيره بجد انا فمرة كنت تعبان جدا واخدت نص حبايه كنت حاسس اني هطلع فالروح والي فاكر انه بيسيطر علي نفسه لاء انسي لانك هتاخدها وهتبقي نشيط وانسان سوبر لكن تاني يوم هتصحي تحس انك همدان وميت وجسمك متكسر ويبقي نفسك فيه عشان يفوقك وهنا البداية ........
وبرضه بشوف ناس بتاخده وتنام علطول ازاي مش عارف وناس بتاخده وتطبق يومين وتلاته !!
بمعني ادق لازم الواحد يكون حريص في القصه دي جدا ولو احتجتله يكون وقت شدة وعلي فترات متباعدة لان دة (برشــام) ونوع من الانواع المخدرة لانها طبيعي مبتحسسكش باي شئ فجسمك وبتخليك رغاي جدا وحريقة سجاير
وكلنا معزومين عند الدكتور احمد في الصيدليه علي شاي وحبايه مجانية لكل عضو والاستاذ كريم يرحلنا علي قسم الشبهات في المنتدى ههههههههه
ههههههههههههههههههههههههه هههههههههههاقتباس:
وكلنا معزومين عند الدكتور احمد في الصيدليه علي شاي وحبايه مجانية لكل عضو والاستاذ كريم يرحلنا علي قسم الشبهات في المنتدى ههههههههه