كنت عايز اعرف من دكاترة المنتدي اية اضرار الترامادول
لو الانسان العادي خد منة اية اللي يحصل
واية اضراارة
عرض للطباعة
كنت عايز اعرف من دكاترة المنتدي اية اضرار الترامادول
لو الانسان العادي خد منة اية اللي يحصل
واية اضراارة
انا اعرف المميزات بس:049:
مش مجرب بس تقريبا البيئه اللي حواليا كلها مجربه
بيقولو يا باشا اللي بياخد ترامادول بيبقي نسبه تركيزه عاليه جدا جدا جدا وبالتالي بيتاخد عشان المذاكره الكتير والتطبيق والحاجات دي
او الشغل او السواقه لمسافات طويله او مشوار مهم محتاج تبقي مركز ومتكلم وكده
وفي سبب كمان بس عيب:POINTIy2[2]:
انا حقولك
كل عائلة الترامادول من تيدول وتامول وما الي ذلك كلها بتسبب ففتح صدرك لو كنت بتشرب سجاير حتيلاقي استهلاكك زاد بمقدرا النص لما تبقي واخده
ويا سلام بقي لو تسيح بوكباية شاي
العملية حتشغل معاك اووووووووي وحتحس بتنميل في راسك
بس
اما بقي اضرارة
في انواع منه بتسبب الادمان وبيبقي الخروج منه صعب للغاية
اما بالنسبة للناس اللي حتسأل اني مجربة ولا لأ
ايوة انا جربته
طيب هو مفيش دكاترة هنا ولا ايه؟؟؟؟؟؟؟
يا دكتور احمد انت فين سايب المنتدي وتلاقيه بيعقد صفقة
حد يا دكاترة يدخل يدلو بدلوه ويجيب من الاخر
اصل انا فعلا خدت حبااية 200 مرة واحدة
لاني ضهري كاااان بيجوعني لدرجة ممتتوصفش وكنا يوم وقف وعيد والواحد عايز يسافر كام حتة وانا مكنتش حتي بقدر البس البنطلون من كتر الالم
فخدت حبااية من هنا
محستش بالوجع نهااائي
فكنت عايز اعرف اية اضراارها
يا عم انت صيحتلنا وخلاص بدل قلقان منها كدا مدختش منها تاني
ولا هي عجبتك؟
Tramadol = Drugs , if you're not supposed to take it , and if u took on it , u'll never stop taking it until something happens....
هههههههههههههههههه
الحق اسأل يا محمد كل اسألتك عشان اول مشرف حيقوم من النوم حيجذف الموضوع هههههههههههه
ترامادول يا محمد فى المنتدى انت عاوز تفسد الاعضاء
بص هو لو اتاخد بأنتظام وكتير طبعا ادمان غير ان اى دواء فى الدنيا له اضرار واثار جانبيه طبعاااا
الترامادول ده أخطر حاجه بتسبب أدمان وده لكذا سبب .. الأولاني لأنه بيديك احساس بعدم التعب أبدا وممكن حباية تخليك صاحي 48 ساعه ومركز جدا .. السبب التاني أنه بيستخدموه في زيادة فتره الجماع ... والسبب التالت والأخطر ,, أن الجسم بيتعود عليه .. يعني ممكن أول مره تاخد حباية .. وتتبسط .. اللي بعديها اتنين عشان يجيبوا معاك نفس التأثير .. توصل لدرجه ان فيه واحد أعرفة والله بيحلفلي انه وصل لمرحلة الترامادول الحقن وبياخد في اليوم 12 حقنة !!!!!! وطبعا ده حياته مدمره فلوسه كلها رايحه علي الترامادول بس ومراته وعياله سابوه ودخل مستشفي جمال ماضي أبو العزايم اللي في العياط دي كتير .. وبرده كان بيرجع تاني للترامادول .. ولما ميلاقيش ترامادول بياخد تافيجيل أو أفيل ودي حاجه مضاده للحساسية بيقولو ان لو خدت منها كتير بتعمل دماغ .. ولما فلوسة خلصت ابتدي يسرق عشان يجيب المخدر ده عشان مبقاش يعرف يعيش من غيره ... تعرف اللي بيشرب ترامادول ده من حاجتين .. الأولانية انه دايما بيتكلم عن الدماغ وكده وسعات ممكن يعزم عليك عشان تدمن وتبقي زيه وكمان لما بيبقي عاوز الجرعة بيبقي عامل زي المجنون حركاته غريبة ومش قاعد علي بعضه وعمال يرشح من مناخيره ويشن كل شوية .. المشكله ان لو الواحد بطله فجأه بيجيله تشنجات نتيجة كهربا زياده في المخ وده نوع من أنواع الصرع كده بيسموها في وسط المدمنين ( كهربة برشام ) .. والترامادول بيدمر الخلايا العصبية لأنه بيخليها تشتغل أكتر من طاقتها .. في الأخر مدمن الترامادول بيتجنن ويخش في غيبوبه ويموت
عشان كده فيه حاجات كتيره في الدنيا دي مش لازم تفكر فيها ولا تجربها ولا تجيب سيرتها أبدا .. لأن فيه متع كتير لو جربتها هتبقي مش عارف تعيش من غيرها وعمرك ما هتحس بالنشوه الا بيها .. وهو ده الأدمان .
ربنا يبعدنا عن السكه المنيلة دي
بجد والله هههههههههه :8954[1]:
حبيبي ياميسو خش نام بقي احسنلك :36_1_61[1]:
امين يارب العالمين
وانا مش بخدة والله خااالص
دة كانت مرة كدة وانا شرحت الظروف اللي كنت فيها وكان لازم اقوم من علي السرير
وعلي فكرة حبيتين اية ياراجل
دة انا بسال واحد صاحبي لة فيالكلام دة
بقلة انا اخدت حبااية 200 قالي كلها قلتلة اة قالي لا انت بتشتغلني
قلتلة والله كلها قالي عملت اية معاك قلتلة ولا الهوا مكنتش حاسس بالوجع بتاع ضهري خاالص
وعلي فكرة هيا مش بتخليك صاحي ولا حاجة
هيا والله بتنمل الدمااغ سنة ويوم ماخدتها نمت نووم عمييييق
أنا خدت واحدة بعد الحادثة بتاعتي ما كملتش ربع ساعة بعدها و دخلت نمت تقريبا 6-7 ساعات
و كنت باحلم أحلام جميلة أهمها ان أحسن حاجة ان العربية اتقلبت لأن شكلها كده أحلى كتير
فعلا ياعم احمد والله لو استسلمتلها ممكن تنيمك
يعني هيا عايزة نشااط وبتخليك تشتغل شغل عالي قوي (محدش يفهم غلط)انا قصدي بتبذل مجهوووود جاامد قوي ولا بتحس دة انا يوميها مشييت مشي واشتغلت شغل
وبعد ماخدتها ركبت مع واحد صاحبي عربية ورجعت الكرسي كدة وسرحت كنت حاسس خلاص اني هانااام ومش قادر
قلتلة لا انزلي وانا الي هاسوق
لا لا
انا أغمى علي زي احمد حلمي في جعلتني مجرما كده هههههههههههههههههههه
هههههههههههههههههههههه
لا يرااجل مش للدرجادي
بس احلي حاجة انها بتطلب تبذل جهد عالي قوي
للأسف كل متعاطين الحشيش بعد الازمة اتجهوا الي الكيميا .. اللي هي البرشام .. وده أخطر ميت مره من الحشيش
ينفع كدا حولنا الحوار لهزار
فين دكاترة المنتدي يا جماعه؟؟؟؟؟؟؟؟
فلنفرض ان في شباب بيننا بياخدوه وانا يا اخونا منهم عشان محدش يقول كلمة كدا ولا كدا
ايه العلاج؟؟؟؟؟؟؟
ومحدش يقعد يفتي بقي ويقولك له اضرار جانبية مثل اي دوا لان دي معروفة وكمان غالبيتنا بنشرب سجاير وعارفين اخرتها
فين الدكااااااااااااااااااااا ااترة؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟
الترامادول الإدمان سهل جداً فيه و قرص بيجر قرص لحد ما يبقى شريط
و أنا هحكى اللى شفته فى قسم السموم عندنا فى مستشفى الدمرداش
اللى كان بيجيلنا واخد ترامادول و جاله تسمم منه أقلها بيتحط تحت مراقبة 24 ساعة و رسم قلب كل شوية عشان القلب ممكن يقف فى أى لحظة بسببه.
جالنا ولد بتاع 18 سنة فى حالة وحشة جدا و مش دريان بالدنيا مع أخوه الكبير و صاحبه و والده ... الولد بلع شريط ترامادول و لقيوه مرمى فى الشارع بيتشنج جنب البيت.
قعدنا نسأله هو واخد ايه مرضيش يقول غير لما كلمته على جنب ... و بدأت بقا رحلة العذاب .. خليناه يرجع كل اللى فى بطنه و لو مكنش رجع كنا هنعمله غسيل معده بعدها فضلنا متابعينه من 11 بالليل لحد 10 الصبح و الواد كل شوية يغيب و يفوق ... و نعمله رسم قلب لأن قلبه ممكن يقف فى أى لحظة ...
قانونا كان المفروض نتابعه لحد 11 بالليل تانى يوم بس أبوه لما لقيه إبتدى يفوق عالساعة 10 الصبح كده كتب إقرار إنه هيخرجه على مسئوليته و الله أعلم حصل ايه بعد كده لأنى مشيت بعدها ... بس نبهنا عليه لو إبتدى يغيب تانى يجيبه فوراً و ربنا يستر.
بس كده ...
أنا أول مرة أشوف الموضوع ده
بإختصار ..الموضوع ده إدمان نفسي(حب التأثير بتاعه)....ييجي وراه إدمان جسدي(جسمك مابيستغناش عنه)
أقول إيه أكتر من كده
بيجيلي ناس الصيدلية عاوزين منه
أقولهم مفيش
بيبقوا هيعيطوا علشان أديهم حباية واحدة...شباب بتعيط بدموع حقيقية
وللأسف
البتاع ده إنتشر جدا ..وخصوصا بعد أزمة الحشيش في البلد
الناس عاوزة تعمل دماغ وخلاص..أي دماغ
وزي ماشوفت من ردود الأعضاء
الأفيل .. والتافيجيل....وبعض أدوية الكحة ...إلخ....إلخ
بيتم إستخدامها برضووو للهدف نفسه..السطل
بإختصار
ترامادول ده نار حمرا ...وخراب بيوت
حضرتك تقصدنى بالجمله دى وده تهكم واضح على كلامى وممكن اقدم فيك شكوى واخد حقى بوقف حضرتك
بس انا مش حعمل كده لان مخى اكبر من كده بكتير
ياريت تحسن اسلوبك فى الكلام وتحترم كلام الاخرين مدام رأيى مغلطش ولا زعل حد وفى سياق الموضوع
وهو الى احنا بنتكلم عليه ده والى بيحصل بسببه مش من الاضرار والاعراض الجانبيه بتاعته ولا انا بقول اى كلام
همممممم .... موضوع شيق :36_1_40[1]::F_eyeb1[1]:
كما تفضل الدكتور meza و دكتور احمد اهم مشاكل الترامادول و عائلته عند تعاطيه بالفم
الادمان
و هناك اضرار اخري لكنها تظهر حسب كل شخص و طبيعة جسده
يعني احنا في الاستقبال لينا "زبائن" دائمين يشكون من مضاعفات الترامادول من احتباس للبول و يحتاج لقسطرة
او قئ او امساك شديد و هلوسة
و اغلبهم صغار في السن حوالي 15 سنة مثلا
الاهم لمحبي تعاطي الترامادول من اجل مزيد من الفحولة !!!
انه بعد دراسة عامين في قسم الجلدية و التناسلية و بوضع اسئلة معينة من اساتذة الطب النفسي بالجامعة تم اجراء بحوث علي حوالي الف زوج و زوجة لدراسة تأثير المواد المخدرة " حشيش - بانجو- الخ " و اقراص الترامادول و اخواتها علي قدرة الرجال في العلاقة الزوجية مع زوجاتهم
وجد انه لا فرق
فبسؤال الزوجات جميعا عن الفرق اجمعن انه لا يوجد اي فارق نهائيا " بينما اجمع الرجال علي العكس لكنهم اصلا مغيبين عن الوعي و لا يحسون الا بما يتمنوه و ليس الواقع و الحقيقي "
بل ثبت انه مع استخدام هذه السموم علي المدي البعيد حدث تدهور في قدرة الازواج
افهم من كده ان الترامادول بيفوق و بينيم في نفس الوقت :) يعني اضرب حبايه وفكر في اللي انت عايزه
انا جربته مره برضو كانت ايدي مكسوره ومش عارف انام من الألم ، والدي اداني حبايه قالي ده مسكن قوي ومرضيش يقولي إسمه ، خدتها فعلا ريحتني ونمت نوم عمييق وبعد كده لما دعبست عرفت انها ترامادول
بقيت عايز اقوله في أب يبرشم ابنه ههههههه
طب طالما هو بتاع مخدر ... بيتباع فى الصيدلية كأنه دواء ليه؟
يعني الترامادول ده ممكن يخلي الواحد يشتغل نفسه.:8954[1]:
بس والله موضوع كويس مكنتش عارف ان ليه اضرار جامدة بالطريقة دي ,,,كان من السهل ان حد يضحك عليا في الشغل او غيره بالترامادول ده...بس هو شكله بيبقي عامل ازاي وهل فيه حاجة بتعمل نفس التاثير بتاع الترامادول بدون اضرار.
هي هي نفس تركيبت التامول ؟
عندنا واحد في الشغل عمال بيبلع تامول كلشويه مع كوباية شاي ممكن ياخد الحباية على اربع مرات وكل مره معاها كوباية شاي ولما سالته حبوب اي دي قالي لو مختهاش جسمي كله ينشر عليا !!
سمعت انها بتضر بالكبد
اوباااااااااااااااااااااا اااااااااااااااااا!!!!!!!!!!!!!!
بورشااااااااااااااااااااا اااااااااااااااااام!!!!!!!!!!!! !
يعنى ابويا بووورشامجى ولا ايه!!!!!
انا ابويا بيتعاطاه على انه مسكن...طيب اعمل معاه ايه دة بقى...ابلغ عنه ولا ايه!!!!!
لا بجد هو مش مسكن عادى زى المورفين لان مرة اخدت مورفين 400 او 500 والله ما فاكر كان بسبب الام الضهر و اخدت الشريط كله دة كمان يسبب الادمان
يعنى ايه يا جماعة انا وابويا مدمنين ولا ايه!!!!!!!!!!!!
انا مورفينجى وابويا ترامادولجى!!!!!واااا حسرتاه
طيب دة موصوف للحاج من الدكتور بتاعه و محدد له الجرعة!!!يعنى الدكتور دة كدة غلط ولا ايه!!!!
والانا اعرفه عن البانادول (البانفلت)
: ترامال- أمادول- تراماكس- كونترامال- ألترادول- تراموندين.
دواعي الاستعمال
لتسكين الآلام المتوسطة و الشديدة .
كيفية الاستعمال
الجرعة في الكبار:
50-100 مجم كل 6 ساعات بدون إرتباط بمواعيد الطعام.
الجرعة اليومية يجب ألا تتعدي 400 مجم يومياً.
كبار السن فوق 75 عاماً: نفس الجرعة علي ألا تزيد عن
300 مجم في اليوم الواحد.
الإختلال الشديد في وظائف الكلي: يعطي 50-100 مدم كل 12 ساعة.
في حالة تليف الكبد: يعطي 50 مجم كل 12 ساعة.
الأطفال: لا تتوافر معلومات عن مدي امان استعماله.
الآثار الجانبية
دوخة, صداع, دوار, نعاس, إمساك, غثيان, إرتباك, هلوسة, عصبية, رعشة, هرش, طفح جلدي, عسر هضم و إنتفاخ, و زغلله في الرؤية.
في حالات نادرة قد يسبب: صعوبة في التنفس, خلل بالكبد, تشنجات, متلازمة ستيفن جونسون, قابلية للإنتحار.
الدواء قد يسبب التعود و يحتاج المريض إلي زيادة الجرعة بشكل مستمر للحصول علي التأثير المطلوب. و هنا لا يجب إيقافه فجأة بل يتم سحبه بالتدريج.
قد يزيد من إحتمالية حدوث تشنجات للمرضي المعرضين لذلك.
قد يسبب تثبيط للجهاز العصبي و الجهاز التنفسي.
يجب الحرص عند قيادة السيارات أو استخدام الآلات.
موانع الاستعمال:
الحساسية للدواء أو مشتقاته أو مشتقات المورفين.
المرضي الذين يعانون من تعود المورفينات
في حالات التسمم الدوائي بالكحوليات, المنومات, المورفين, الأدوية المؤثرة علي الحالة النفسية.
يستخدم بحذر: للمرضي المعرضين للإصابة بالتشنجات, أو هبوط في التنفس, أو من يعاني من زيادة ضغط الجمجمة, أو إصابات بالرأس أو آلام البطن الحادة, أو إختلاف وظائف الكبد أو الكلي.
التفاعلات الدوائية
الأمفيتامين قد يزد من حدوث التشنجات.
السايمتدين قد يطيل من وجود الدواء في الجسم.
مضادات الإكتئاب المعروفة ب ssri , مضادات ال mao , المورفين و مشتقاته: قد تزيد من إحتمالية التشنجات.
الكيندين قد يزيد من تركيز الدواء في الدم
الكاربامازبين قد يقلل من التأثير العلاجي للدواء و يزد من التشنجات.
يجب تجنب الكحوليات لما لها من تأثير مهبط لجهاز العصبي.
الأعشاب: يجب تجنب الفاليرين, عشبة سان جون, كافا كافا, عشب الكولا.
الحمل و الرضاعة
الدواء لا يمكن استعماله أثناء الحمل لأنه يسبب مشاكل عديدة للجنين مثل التشنجات, أعراض الإنسحاب أو الوفاة. كذلك لا يجب أن يستعمل أثناء الولادة.
يوصي بتجنب استعماله أثناء الرضاعة.
الجرعة الزائدة
أعراضها: هبوط في الجهاز العصبي و التنفسي, إغماء, تشنجات, توقف القلب و الوفاة.
العلاج: يحقن المريض بالنالوكسون وريد بجرعة 2 مجم. كما يمكن تكرار الجرعة حتي 18 مجم. و يجب الحرص لأنه يمكن أن يزيد من إحتمالية حدوث التشنجات.
إذا نسيب جرعة
قم بأخذ الجرعة المنسية فور تذكرك.
و لكن لا تقوم بأخذ الجرعة المنسية إذا كان ميعاد الجرعة التالية قد قرب. في هذه الحالة اترك الجرعة المنسية و خذ الجرعة التالية في موعدها. لا تقوم بمضاعفة الجرعة.
فينك يا بهظى بك ههههه
الناس دلوقتى سابت الفراولة و دخلت فى التامول xx و الحباية وصلت ل 12 ج