عرض للطباعة
[overline]السلام عليكم ورحمة الله
الحمدلله اخيرا اشتريت العربية ...
اشتريت لانسر 2005 أوتوماتيك ماتورها 1300
هيا ملاكي القاهرة ، وانا هنقل ملكيتها اليومين دول ( محافظة الغربية )
روحت المرور عندي عملت فحص وأخدو البصمة ، وقالو لازم اروح مرور الوايلي ( أطابق بصمة ) وأجيب شهادة البيانات
أنا عايزة اعرف بقا هل مطابقة البصمة محتاجة انى اخد معايا العربية ولا لا ، لانى جديدة عالموضوع ده؟
وكمان النقل هيكلف كام لنوع عربيتي ده ؟ يعني اخد معايا بكره فلوس اد ايه؟
وشكرا جزيلا [/overline]
اولا مبروك عليكى العربية ربنا يديلك خيرها ويكفيكى شرها
ثانيا لازم تروحى المرور بالعربية لان مطابقة البصمة يعنى هياخد بصمة الموتور والشاسيه من العربية و يطابقها باللى موجود عنده فى ملف العربية و كان من المفروض طالما حضرتك هتنقلى ملكية ان المالك القديم هو اللى يجيب لحضرتك شهادة البيانات لكن قدر الله و ماشاء فعل
و بالنسبة للفلوس مش محتاجة كتير يعنى خلى معاكى 200 جنيه احتياطى وفى اعتقادى هتصرفى 20 او 30 جنيه بالكتير قوى
ولكى منى التحية و الدعاء ان ربنا يسهل لك امورك
........................................
محمود عينو
خلى معاكى فلوس كتير بجد (إمبارح كنت بنقل ملكية العربية بتاعتى) ودفعت 672 جنيه بس للنمر الجديدة غير ضريبة نقل الملكية
(كانت بالنسبة لى 435 جنيه ودى بتختلف على حسب الموديل وسنة الصنع) ده غير المخالفات القديمة اللى كانت على العربية لأنها معايا من سبع شهور، وكمان ورق الفحص (45 جنيه لثلاثة سنوات) وماتنسيش الطفاية وخلى بالك إن يكون عمرها أقل من سنتين أو تجيبى شهادة من الشركة المصنعة إنها صالحة للاستعمال و294 جنيه تأمين لثلاثة سنوات، بالإضافة للإكراميات طبعاً، وكان إجمالى اللى دفعته 2450 جنيه.
وطبعا لازم تخدى العربية علشان البصمة دى بتكون من موتور وشاسية العربية نفسها.
تمت بحمد الله............................النهايه
مطابقة البصمة لا يحتاج العربية .. يتم المطابقة من واقع الملف القديم للعربية
+111111 كلام سليم 100-100اقتباس:
المشاركة الأصلية كتبت بواسطة د.محمود صلاح
ياباشا لازم العربية علشان يطابق البصمة بتاعت العربية اللى بتتفحص قدامه مع البيانات اللى موجودة فى الملفاقتباس:
المشاركة الأصلية كتبت بواسطة د.محمود صلاح
العفو يا دكتورة ... وألف مبروك على العربية الجديدةاقتباس:
المشاركة الأصلية كتبت بواسطة dr_sara
مش لازم انا عربيتي كان في غلط في رقم الموتور والراجل اخد الزرق ومحتجناش نروخ بالعربيه للمرور القديم بتاعها وشكرااقتباس:
المشاركة الأصلية كتبت بواسطة rouaame